İstifadəçi:Muntezir

Həbib Füzuli oğlu Abdullayev 1983-cü il noyabr ayının 14-də Bakı şəhəri köhnə "Dağlı məhəlləsi", müəllim ailəsində dünyaya gəlmişdir. 2000-ci ildə orta məktəbi bitirmiş, 2000 - 2001-ci illərdə Qərb Universitetində təhsil almışdır.

Azərbaycanda olan bəzi siyasi səbəblər ucbatından, 2002-ci ildə ailəsinə görə vətəni tərk etmək məcburiyyətində qalmış və Almaniyanın Berlin şəhərinə iltica etmişdir. Hal-hazırda Berlində mühacir həyatı yaşayır.

Cavanlığında qəzəl janrında şeirlər yazıb, bəzi ədəbi jurnallarda dərc olunub. "Müntəzir" ləqəbi də ona görə istifadə edib və sonradan bu ləqəblə daha çox tanınıb. Mənası ərəb dilindən intizarda olan, gözləyən deməkdir.

Aktiv siyasi fəaliyyətə əsasən bloggerliklə, "Tin Söhbəti" saytını yaratmaqla başlayıb. Blog saytında müxtəlif karikatura, siyasi lətifələr, gündəlik mövzularda satirik məqalələr, qeyri-adi kollajlar və materiallar yer alırdı. Sayt sonradan bir neçə dəfə Azərbaycan ərazisində qadağan olunub.

Daha sonra Fərq TV adlı online kanal yaradıb.

2013-cü ildən bəri Meydan TV kanalının yaradıcılarındandır. Hazırda kanalın sosial media meneceri kimi işləyir.