Uzuntala məbədi

Vikipediya, azad ensiklopediya
Jump to navigation Jump to search

Uzuntala məbədi - Qazax-Şəmşəddil sultanlığı ərazisində, Karvansaray rayonunun Uzuntala (25 may 1967-ci ildən-Onut, 12 fevral 1969-cu ildən-Aygehovit) kəndi yaxınlığında, kənddən 3 km cənub-qərbdə meşənin dərinliyində alban-türk xristian məbədi.[1]

Tarixi[redaktə | əsas redaktə]

Vaxtilə daş hasar içində olan məbəd kompleksinə 2 kilsə və yardımçı tikililər daxildir. Həmin daş hasarın isə bu gün ancaq özülü qalmaqdadır. Kompleksin ətrafında həm də qədim yaşayış məskəninin xarabalıqları mövcuddur.

Monastırın baş məbədi günbəzli zal formasındadır, yarımsütunlar çatma tağlarla birləĢmiş və bu tağların üstündə 12 üzlü günbəz ucalmışdır.

Məbəd bir neçə dəfə təmir olunmuş və əvvəlki görkəmi xeyli dəyişikliyə məruz qalmışdır. Hörgünün divar daşları bəzi yazılı daş və lövhələrlə əvəzlənmişdir ki, onlardan da birində "1201" tarixi qeyd olunmuşdur. Bu da həmin yerdə daha qədim bir məbədin mövcud olduğunu söyləməyə əsas verir.

İstər Karvansaray rayonu, istərsə də Uzuntala kəndi qədimdən Türk-Oğuz boylarının ana yurdu olmuş, bu əraziyə ermənilərin ilk kütləvi axını XIX əsrin əvvəllərində bölgənin Rusiya imperiyası tərəfindən işğalından sonra başlanmışdır.

Mənbə[redaktə | əsas redaktə]

  • Ə.Ələkbərli. Qədim Türk-Oğuz yurdu - "Ermənistan" В., 1994, səh.127-132.

İstinad[redaktə | əsas redaktə]

  1. https://drive.google.com/file/d/0B90u4QYRX8O5WG5USW9JQ3pxdVE/view?pli=1. Əziz Ələkbərli. Qərbi Azərbaycan abidələri.