Vahid Əliyev (əsgər)
| Vahid Əliyev | |
|---|---|
.jpg) | |
| Şəxsi məlumatlar | |
| Doğum tarixi | |
| Doğum yeri | Cəbrayıl rayonu, Azərbaycan SSR |
| Vəfat tarixi | (itkin düşmüşdür) (22 yaşında) |
| Vəfat yeri | Qarabağ, Azərbaycan |
| Atası | Balaca Əliyev |
| Təhsili | Gəncə Texniki Peşə Məktəbi |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Quru Qoşunları |
| Xidmət illəri | 1988—1990 / 1992—1993 |
| Rütbəsi | Əsgər |
| Vəzifəsi | minaatan |
| Döyüşlər | Birinci Qarabağ Müharibəsi |
Vahid Balaca oğlu Əliyev (16 aprel 1970; Cəbrayıl rayonu, Azərbaycan — 11 aprel 1993; Qarabağ, Azərbaycan) — Azərbaycan Silahlı Qüvvələrinin əsgəri, Qarabağ müharibəsi itkini.
Həyatı[redaktə | mənbəni redaktə et]
Vahid Əliyev 16 aprel 1970-ci ildə Cəbrayıl rayonunda Balaca Əliyevin ailəsində anadan olmuşdur.[1] 1976–1985-ci illərdə Cəmil Əhmədov adına tam orta məktəbdə təhsil almışdır. Hərbi xidmətini başa vurduqdan sonra 1990–1991-ci illərdə Gəncə Texniki Peşə Məktəbində təhsilini davam etmişdir. 1991–1992-ci illərdə Cəbrayıl rayonunda 6 nömrəli Səyyar Mexanikləşdirilmiş Dəstədə fəaliyyət göstərmişdir. Subay idi.
Hərbi xidməti[redaktə | mənbəni redaktə et]
Vahid Əliyev 1988-ci ildə Qızıl Ordunun sıralarında hərbi xidmətə yollanmışdır. Rusiyanın Arxangelsk şəhərində müddətli həqiqi hərbi xidmət etmişdir. Hərbi xidməti müddətində dəfələrlə hərbi hissə generalı tərəfindən təşəkkürnamələrlə, təşəkkür məktubları ilə təltif edilmişdir. Hərbi xidməti başa vurduqdan sonra Azərbaycana qayıdaraq mülki fəaliyyət göstərmişdir.
Vahid Əliyev 1992-ci ildə könüllü olaraq Sirik batalyonuna qoşulur və I Qarabağ müharibəsinə qatılır. Batalyonun iştirak etdiyi bir sıra döyüşlərdə fərqlənir. Onun son döyüşü 11 aprel 1993-cü ildə olmuşdur. Həmin tarixdə keçirilən Göygədik Ziyarət əməliyyatlarında Vahid Əliyev qumbaraatan olaraq iştirak etmiş və qarşı tərəfin hücumunun dəf edilməsində fərqlənmişdir. Vahid Əliyev həmin zaman bir neçə dəfə yaralansa da, döyüşün getdiyi ərazini tərk etmir və təxliyə olunmaq istəmir. Qarşı tərəfin açdığı atəş nəticəsində Vahid Əliyev ağır yaralanır və erməni hərbi birləşmələri tərəfindən əsgər yoldaşları ilə birgə əsir götürülür. O tarixdən sonra onun haqqında məlumat aşkar edilməmişdir.
İstinadlar[redaktə | mənbəni redaktə et]
- ↑ "Şəhid Əliyev Vahid haqqında süjet". www.youtube.com (Şəhid Vahid Əliyevin xatirəsinə açılmış Youtube səhifəsi) (az.). 29.12.2021. 2022-04-06 tarixində arxivləşdirilib. İstifadə tarixi: 06.04.2022.