Vahid Aslan

Vahid Aslan
Vahid Aslan oğlu Əsgərov
Təxəllüsü	Vahid Aslan
Doğum tarixi	29 sentyabr 1972(1972-09-29) (52 yaş)
Doğum yeri	Parakənd, Gədəbəy rayonu, Azərbaycan SSR, SSRİ
Milliyyəti	azərbaycanlı
Atası	Aslan Əsgərov
Təhsili	Gəncə Dövlət Pedaqoji İnstitutu
Fəaliyyəti	jurnalist, müəllim, publisist
Fəaliyyət illəri	1993-cü ildən
Əsərlərinin dili	Azərbaycan dili
Janrlar	şeir, nəsr
Mükafatları	"Qızıl qələm" "Vətən" "Araz"

Vahid Aslan (Əsgərov Vahid Aslan oğlu; 29 sentyabr 1972, Parakənd, Gədəbəy rayonu) — Azərbaycan jurnalisti, yazıçı, riyaziyyat və informatika müəllimi Azərbaycan Yazıçılar Birliyinin, Azərbaycan Jurnalistlər Birliyinin üzvü

Həyatı

Vahid Aslan 1972-ci il sentyabrın 29-da Gədəbəy rayonunun Parakənd kəndində anadan olub.

Ailəsi

Ailəlidir. İki qızı, bir oğlu var.

Təhsili

1979–1989-cu illərdə Parakənd orta məktəbində təhsil alıb. 1989–1994-cü illərdə Həsən bəy Zərdabi adına Gəncə Dövlət Pedaqoji İnstitutunun riyaziyyat-inforimatika fakültəsində təhsil alıb. 1994–1995-ci illərdə təyinatla Şəmkir rayon Şeyidlər kənd orta məktəbində ixtisası üzrə müəllim işləyib. 1995–1998-ci illərdə Gəncə şəhər məişət xidməti kollecində müəllim işləyib.

Yaradıcılığı

Fəaliyyətinin ilk dövrlərindən paralel olaraq pedaqoji sahədə həm də jurnalistika və bədii yaradıcılıq sahəsində uğurlu fəaliyyət göstərib. Belə ki, o, hələ 1993–1994-cü illərdə tələbə ikən Gəncə televiziyasında fəaliyyət göstərib və o zamanlar döyüş bölgələrinə ezam olunan yaradıcı kollektivin tərkibində əsgərlərlə görüşlərdə iştirak edərək döyüş bölgələrindən reportajlar hazırlayıb. Vahid Aslan Azərbaycan Yazıçılar və Jurnalistlər Birliklərinin üzvüdür. Dərc olunan kitablarına və yaradıcı uğurlu fəaliyyətinə görə 2012-ci ilin may ayında Prezident təqaüdünə layiq görülmüşdür. "Qızıl qələm", "Vətən", "Araz" və s. ali-ədəbi mükafatlarına layiq görülmüşdür. Dəfələrlə xarici ölkələrdə azərbaycan ədəbiyyatını uğurla təmsil etmişdir. 9 kitab, 2 metodik vəsait, 3 monoqrafiya və 350-dən çox məqalə müəllifidir. Rus dilindən bir sıra maraqlı ədəbi tərcümələr etmişdir. Onun ssenarisi əsasında Azərbaycan Dövlət Radiosunda Qarabağın müdafiəsi uğrunda qəhrəmancasına həlak olmuş şəhid şairlər haqqında silsilə verilişlər efirə getmişdir. Xüsusilə onun şəhid şair Nizami Aydına ithaf etdiyi "Nizami Aydın" poeması oxucu kütləsi tərəfindən böyük maraqla qarşılanmışdır. "Riyaziyyat və poeziya" adlı kitabı isə orta məktəblərdə riyaziyyat fənni üzrə tədbirlərin keçirilməsində metodik vəsait kimi isifadə olunur.

Kitabları

1. Yaşıl sevgilər (şeirlər, 2001)
2. Tənhalıq əlində (şeirlər, 2004)
3. Məhəbbət müqəddəsdir (povest və hekayələr, 2006)
4. Bənövşə ömrü (povest və hekayələr, 2011)
5. Daşlar çiçəkləyəndə (şeirlər və poemalar, 2011)
6. Əkiz ruhlar (şeirlər və poemalar, 2013)
7. Riyaziyyat və poeziya (şeirlər, metodik vəsait, 2013)
8. Tanrıya dualarla (şeirlər və poemalar, Tehran, 2018)
9. Yağış havası (şeirlər və poemalar, 2019)
10. "Gədəbəy Rayonunun Şəhidləri" Bakı, 2021
11. "Gədəbəydə doğulan şairlər" Bakı, 2021
12. "Ürəyim söz yuvasıdı" Bakı, 2021
13. "Ləyaqət simvolu" monoqrafiya, Bakı, 2022 (Əməkdar artist Nuriyyə Hüseynova haqqında)

Dağların könlünü oxşaya bilsən, Sən orda əbədi sevgi taparsan; Bir ömür bəsindi, bəsindi qızım! Çaylardan bir içim nəğmə aparsan; Çiçək sərgisidi burda yal-yamac, Bənövşə gözünə oxşayır gözün; Bax bu yol zirvəyə aparsa səni, Haçansa qarşına çıxacaq izin; Bilirəm yoxuşu qalxmaq çətindi, Hələ balacasan balaca, qızım! Hələlik dağları sevsən bəsindi, Sabah ürəyin dağ olacaq, qızım! Vahid Aslan

Fəaliyyəti

• 1979–1989-cu illərdə Parakənd orta məktəbində təhsil alıb.
• 1989–1994-cü illərdə Həsən bəy Zərdabi adına Gəncə Dövlət Pedaqoji İnstitutunun riyaziyyat-inforimatika fakültəsində təhsil alıb.
• 1994–1995-ci illərdə təyinatla Şəmkir rayon Şeyidlər kənd orta məktəbində ixtisası üzrə müəllim işləyib.
• 1995–1998-ci illərdə Gəncə şəhər məişət xidməti kollecində müəllim işləyib.
• 1998–1999-cu illərdə Bakı şəhərində həqiqi hərbi xidmətdə olub.
• 2002-ci ildən Bakı şəhərində fəaliyyət göstərən "Vektor" Beynəlxalq Elm mərkəzində redaktor vəzifəsində çalışıb. Eyni zamanda 2003–2008-ci illərdə həmin mərkəzdə nəşr olunan "Vektor" Elm Jurnalının redaktoru olub.
• 2005–2007-ci illərdə Dnepropetrovsk Milli Universitetinin Bakı filialında müəllim işləyib.
• 2007–2009-cu illərdə Respublika Təhsil Şurasında İctimaiyyətlə Əlaqələr şöbəsinin müdiri vəzifəsində çalışıb.
• 2008-ci ildən Sabunçu rayonu 311 saylı orta məktəbdə ixtisası üzrə müəllim işləyib.
• 2010-cu ildən ziyalıların təbliği istiqamətində fəaliyyət göstərən "Müəllim sözü" qəzetini, 2012-ci ildən isə beynəlxalq "Mir Cəlal" elmi-ədəbi mükafatını təsis edib. Eyni zamanda "Müəllim sözü" qəzetinin baş redaktorudur.
• 2012-ci ildən Azərbaycan Dövlət Pedaqoji Universitetində müəllim kimi fəaliyyət göstərir. Hazırda həmin Universitetin doktorantıdır. Vahid Aslan fəaliyyətinin ilk dövrlərindən paralel olaraq pedaqoji sahədə həm də jurnalistika və bədii yaradıcılıq sahəsində uğurlu fəaliyyət göstərib. Belə ki, o, hələ 1993–1994-cü illərdə tələbə ikən Gəncə televiziyasında fəaliyyət göstərib və o zamanlar döyüş bölgələrinə ezam olunan yaradıcı kollektivin tərkibində əsgərlərlə görüşlərdə iştirak edərək döyüş bölgələrindən reportajlar hazırlayıb. Vahid Aslan Azərbaycan Yazıçılar və Jurnalistlər Birliklərinin üzvüdür. Dərc olunan kitablarına və yaradıcı uğurlu fəaliyyətinə görə 2012-ci ilin may ayında Prezident təqaüdünə layiq görülmüşdür. "Qızıl qələm", "Vətən", "Araz" və s. ali-ədəbi mükafatlarına layiq görülmüşdür. Dəfələrlə xarici ölkələrdə azərbaycan ədəbiyyatını uğurla təmsil etmişdir. 14 kitab və 400-dən artıq məqalənin müəllifidir. Rus dilindən bir sıra maraqlı ədəbi tərcümələr etmişdir.

Mükafatları

1. "Prezident təqaüdü", AYB, 2012
2. "Vətən" fəxri-media mükafatı, AJB, 2013
3. " Xalqın nüfuzlu ziyalısı" KİVDF, 2014
4. "Ziyalı" AJB, 2015
5. "Çanaqqala zəfəri-100" Türkiyə, 2015
6. "Mir Cəlal adına Mükafat", Bakı, Ədibin evi, 2020

Qalereya

• 

Xarici keçidlər

• "Qəlbən şair olmayan əsl riyaziyyatçı ola bilməz
• Vahid Aslan. Şeirlər
• Azərbaycan Yazıçılar Birliyi