Valeri Astaxov

Valeri Astaxov
Валерій Анатолійович Астахов
Doğum tarixi	6 avqust 1964
Doğum yeri	Slavuta, Xmelnitski vilayəti, Ukrayna SSR, SSRİ
Milliyyəti	ukraynalı
Vətəndaşlığı	SSRİ→ Ukrayna
Fəaliyyəti	aktyor, teleaparıcı, quruluşçu rejissor, konfransye
Fəaliyyət illəri	1987-h.h.
Təhsili	Kiyev Milli Teatr, Film və Televiziya Universiteti[d]
Mükafatları
IMDb	ID7120970

Valeri Anatolyeviç Astaxov (ukr. Валерій Анатолійович Астахов; d. 6 avqust 1964, Slavuta, Xmelnitski vilayəti, Ukrayna SSR) — ukraynalı aktyor və teleaparıcı. Ukraynanın əməkdar artisti (1998).

Həyatı

Valeri Astaxov Xmelnitski vilayətinin Slavuta şəhərində anadan olmuşdur. Karpenko-Karıy adına Kiyev Dövlət Teatr İncəsənəti İnstitutunu bitirmişdir. 1987-ci ildən Yeni Alkasar teatrının aktyorudur. 1988-ci ildən etibarən şouların, konsert proqramlarının müəllifi, quruluşçu rejissoru, aparıcısı kimi çıxış edir. 1991-ci ildən Ukrayna Dövlət Estrada-Simfonik Orkestrinin konfransyesidir.

1997–1998-ci illərdə müğənni Pavel Zibrovun estrada konsertlərinin aparıcısı olmuşdur. "Hop-lya", "Qutu oyunu", "Ağ qarğa", "Qızıl qaz" kimi yumoristik televiziya layihələrində iştirak etmişdir. Muxtarın qayıdışı teleserialında sahə polisi Dyatlo obrazı ilə məşhurluq qazanmışdır.

2018-ci ildən etibarən YouTube platformasında aktyor Vladimir Yamnenko ilə birlikdə "A-dan Z-yə lətifələr" adlı layihənin həmmüəllifidir.

Seçilmiş filmoqrafiya

• Burjuyun ad günü (film, 1999)
• Burjuyun ad günü 2 (film, 2001)
• Muxtarın qayıdışı (teleserial, 2003) — Viktor Petroviç Dyatlo
• Yeni il qatili (film, 2005)
• Fart (film, 2005)

Xarici keçidlər

• Valeri Astaxov — IMDb səhifəsi
• Valeri Anatolyeviç Astaxov — Kinoteatr.ru
• Valeri Astaxov — Kinopoisk