Valeriya Qnarovskaya

Vikipediya, azad ensiklopediya
Jump to navigation Jump to search
Valeriya Qnarovskaya
rus. Гнаровская, Валерия Осиповна
Şəxsi məlumatlar
Doğum tarixi 18 oktyabr 1923(1923-10-18)
Doğum yeri Modolitsı, Lujskiy qəzası, Petroqradskaya quberniyası, Rusiya Sovet Federativ Sosialist Respublikası
Vəfat tarixi 23 sentyabr 1943 (19 yaşında)
Vəfat yeri İvanenki kəndi, Volnyansk rayonu, Zaporojya vilayəti, Ukrayna Sovet Sosialist Respublikası, SSRİ SSRİ
Vəfat səbəbi Müharibə
Vətəndaşlığı SSRİ SSRİ
Hərbi fəaliyyəti
Qoşun növü Quru qoşunları, piyada əsgərlər
Xidmət illəri 1942-1943
Rütbə Əsgər
Hərbi hissə 229-cu atıcı diviziya
244-cü atıcı diviziya
Vəzifəsi Sanitar təlimatçı
Döyüşlər Böyük Vətən Müharibəsi
Commons-logo.svg Vikianbarda əlaqəli mediafayllar

Qnarovskaya Valeriya Osipovna (18 oktyabr 1923 - 23 sentyabr 1943) - sovet əsgəri, sanitar təlimatçı, Sovet İttifaqı Qəhrəmanı (ölümündən sonra)

1942-ci ilin yazında 229-cu atıcı diviziyanın tərkibinə qatılıb və 1942-ci ilin iyul ayında Stalinqrad cəbhəsində vuruşub.

23 sentyabr 1943-cü ildə İvanenki kəndi yaxınlığında, 907-ci atıcı alay, 244-cü atıcı diviziyanın sanitar təlimatçısı, əsgər Qnarovskaya, yaralı əsgərləri döyüş ərazisində çıxarıb, sarğı stansiyasına (və ya tibb məntəqəsinə) aparırdı. Bu zaman tibb məntəqəsinin önünə iki alman tankının keçdiyini gördü. Yaralıları qurtarmaq üçün, 19 yaşlı Valeriya Qnarovskaya, əl bombaları ilə tankaların birinin altına atdı və tankı partlatdı. İkinci tankı isə Valeriya Qnarovskayanın xilas etdiyi sovet əsgərləri vurdu. 19 yaşlı əsgər Valeriya Qnarovskaya qəhrəmancasına şəhid oldu.

Bioqrafiyası[redaktə | əsas redaktə]

Uşaqlıq illəri[redaktə | əsas redaktə]

18 oktyabr 1923-cü ildə, Lujskiy qəzasının, Modolitsı kəndində doğulub. Atası Osip Qnarovskiy Yandeb kəndinin poçt müdiri çalışıb. Anası Yevdokiya Mixayilovna isə, evdar qadın olub.

1924-cü ildə Qnarovskilər ailəsi Yandeb kənd sovetliyinə köçdü və Valeriya burada ibtidai məktəbi bitirdi. İbtidai məktəbi bitirdikdən sonra, Podporojie şəhərində Puşkin adına orta məktəbə qəbul olundu. 1941-ci ildə Valeriya 10-ci sinifi bitirdikdən sonra Dağ-Mədənçilik instituna daxil olmağı planlaşdırır. Lakin müharibə onun bu planlarını alt-üst edir. Müharibə başladıqdan sonra ailə (anası Yevdokiya Mixayilovna, 75 yaşlı nənəsi və kiçik bacısı) Omsk vilayətinin, Berdyuzhskiy rayonuna evakuasiya olunmuşdu.

İstinadlar[redaktə | əsas redaktə]