Məzmuna keç

Vasif Süleyman

Keçid əlavə et
Vikipediya, azad ensiklopediya
Vasif Süleyman
Vasif İsgəndər oğlu Süleyman
Doğum tarixi 3 yanvar 1965(1965-01-03) (61 yaş)
Doğum yeri
Vətəndaşlığı SSRİ SSRİ→
Azərbaycan Azərbaycan
Təhsili
Fəaliyyəti şair, publisist
Üzvlüyü
Mükafatları "Azərbaycan milli mətbuatının 150 illiyi (1875–2025)" yubiley medalı
Fəxri dəmiryolçu

Vasif Süleyman (Süleymanov Vasif İsgəndər oğlu; 3 yanvar 1965, Dəllər, Şamxor rayonu) — azərbaycanlı şair,[1] publisist,[2] Azərbaycan Yazıçılar Birliyinin üzvü (1997), Azərbaycan Jurnalistlər Birliyinin üzvü, "Qızıl qələm" mükafatı laureatı (1996).

Həyatı

[redaktə | vikimətni redaktə et]

Vasif Süleyman 1965-ci il yanvarın 3-də Şəmkir rayonunun Dəllər qəsəbəsində anadan olub. Dəllər qəsəbə orta məktəbini bitirdikdən sonra Bakı Dövlət Universitetinin filologiya fakültəsində təhsil alıb (1991–1996).

1991–1993-cü illərdə "Azərbaycan dəmiryolçusu" qəzetin müxbiri, 1 may 1993-cü ildən 1 fevral 2010-cu ilə kimi "Azərbaycan dəmiryolçusu" qəzetin redaktor müavini, 19 aprel 2010-cu ildən 41 iyul 2023-cü ilə"Azərbaycan dəmiryolçusu" qəzetinin redaktoru vəzifəsində çalışıb.[3][4]

Hazırda "Azərbaycan Dəmir Yolları" QSC Yük Daşımaları Departamenti Birləşmiş Həmkarlar İttifaqı Komitəsində mütəxəssis vəzifəsində çalışır.

"Ədəbiyyat qəzeti"nin redaksiya heyətinin üzvüdür.[5]

Yaradıcılığı

[redaktə | vikimətni redaktə et]

Ədəbi fəaliyyətə 1980-ci illərdən başlayıb. İlk şeirləri "Pioner" və "Ulduz" jurnallarında dərc edilib.

Şeirin təcnis, qoşma, gəraylı və s. janrlarında yazıb-yaradır.[6]

Şeirləri Türkiyənin mətbu orqanlarında çap olunub, sözlərinə musiqi bəstələnib.[7]

Kitabları

[redaktə | vikimətni redaktə et]
  1. "Sevgi atılandan sonra başlayır", Bakı, 1993
  2. "Eşq ol, dərgahına səcdəyə gəlim", Bakı, 2003
  3. "Bu, ömürdür mən dediyim, nağıl yox", Bakı, 2013.[8]

Təltif və mükafatları

[redaktə | vikimətni redaktə et]

Publisistika sahəsində uğurlu fəaliyyətinə görə "Qızıl qələm", eləcə də "Şahmar Əkbərzadə" mükafatları alıb.

6 dekabr 1999-cu ildə Heydər Əliyevin sərəncamı ilə "Prezident təqaüdü"nə layiq görülüb.

Azərbaycan Respublikasının Fəxri dəmiryolçusudur.

2025-ci ildə "Ədəbi Asiya" – III Beynəlxalq Ədəbiyyat Müsabiqəsinin poeziya üzrə QRAN-PRİ nominasiyasına layiq görülüb.[9]

2025-ci ildə "Azərbaycan milli mətbuatının 150 illiyi (1875–2025)" yubiley medalı ilə təltif olunub.

İstinadlar

[redaktə | vikimətni redaktə et]
  1. ↑ Şeirlər — Vasif SÜLEYMAN
  2. ↑ "Məni axtaranda tapmağa nə var... - Vasif SÜLEYMAN". 19 dekabr 2019 tarixində arxivləşdirilib. İstifadə tarixi: 17 avqust 2018.
  3. ↑ "Şair Vasif Süleyman Beynəlxalq Ədəbiyyat Müsabiqəsinin QRAN-PRİ nominasiyasına layiq görülüb" (az.). Həftəlik.az. 9 iyun 2025. İstifadə tarixi: 10 yanvar 2026.
  4. ↑ "Vasif Süleymanın yeni kitabının təqdimatı keçirilib".
  5. ↑ "Vasif Süleyman - 50" (PDF) (az.). Ədəbiyyat qəzeti. 2015. İstifadə tarixi: 10 yanvar 2026.
  6. ↑ "Vasif Süleymanın qoşmaları - Vaqif Yusifli yazır..." 13 may 2025 tarixində arxivləşdirilib. İstifadə tarixi: 20 iyul 2025.
  7. ↑ ""Bu, ömürdür mən dediyim, nağıl yox"". 14 iyun 2025 tarixində arxivləşdirilib. İstifadə tarixi: 14 iyun 2025.
  8. ↑ "«Bu, ömürdür mən dediyim, nağıl yox»" (az.). butov.az. 05-12-2013. İstifadə tarixi: 10 yan 2026.
  9. ↑ "Azərbaycanlı şair Astanada Qran-Pri nominasiyasına layiq görüldü" (az.). tehsil.info.az. 10-06-2025. İstifadə tarixi: 10 yan 2026.
Mənbə — "https://az.wikipedia.org/w/index.php?title=Vasif_Süleyman&oldid=8435581"