Vaxtanq Rçeulişvili

Vikipediya, azad ensiklopediya
Jump to navigation Jump to search
Vaxtanq Rçeulişvili
gürc. ვახტანგ შალვას ძე რჩეულიშვილი
Doğum tarixi 1 yanvar 1954(1954-01-01)
Doğum yeri Tiflis, Gürcüstan SSRİ, SSRİ
Vəfat tarixi 13 aprel 2017(2017-04-13) (63 yaşında)
Vəfat yeri Tiflis, Gürcüstan
Vətəndaşlıq SSRİ SSRİ
Gürcüstan Gürcüstan
Peşələri siyasətçi, biznesmen
Milliyyəti gürcü
Təhsili Tiflis Dövlət Universiteti
Fəaliyyəti Gürcüstan parlamenti (1992-2003)
Gürcüstan Sosyalist Partiyası sədri (1995-2003)
Partiya Gürcüstan Sosyalist Partiyası

Vaxtanq Rçeulişvili (gürc. ვახტანგ რჩეულიშვილი; 1 yanvar 195413 aprel 2017) - gürcü iş adamı və siyasətçisi. 1992-2003-cü illərdə Gürcüstan parlamentinin üzvü, 1995-2003-cü illərdə Gürcüstan Sosialist Partiyasının lideri və Gürcüstanın ən böyük tikinti şirkəti Center Point Groupun təsisçisi idi.

Erkən karyerası[redaktə | əsas redaktə]

1954-cü ildə Gürcüstan SSRİnin Tiflis şəhərində anadan olan Rçeulişvili 1977-ci ildə Tiflis Dövlət Universitetini fizika fakültəsini bitirir.1979-1982-ci illərdə Gənc Alimlər Klubunun vitse-prezidenti və 1982-1984-cü illərdə Gürcüstan Komsomol Mərkəzi Komitəsinin Müəllimlər Qrupunun rəhbəri olaraq çalışır. Daha sonra 1985-1987-ci illərdə Gürcüstan Milli Elmlər Akademiyasının İctimai Elmlər İnformasiya Mərkəzində işləmiş və 1987-ci ildən 1992-ci ilə qədər Gürcüstan Sülh Komitəsi sədrinin müavini vəzifəsində çalışmışdır. O, həmçinin bu dövrdə Gürcüstan televizor və qəzetlərində siyasi şərhçilik etmişdir.[1]

Siyasi karyerası[redaktə | əsas redaktə]

Rçeulişvili 1992-ci ildə Eduard Şevardnadzenin rəhbərlik etdiyi Gürcüstan Vətəndaşları Birliyi partiyasından Gürcüstan parlamentinə seçildikdən sonra postsovet Gürcüstan siyasətində aktiv fiqura çevrildi. O, 1992-ci ildən 1995-ci ilə qədər parlamentin vitse-spikeri vəzifəsində işləmişdir. 1995-ci ilin avqustunda Şevardnadzenin hədəf alındığı avtomobil partlayışı nəticəsində yüngül xəsarət almışdır.[2] Elə həmin il Gürcüstan Vətəndaşlar Birliyindən ayrıldı və Gürcüstan Sosialist Partiyasını qurdu.[3] Gürcüstan parlamentinin sonrakı iki çağırışının üzvü (1995–1999, 1999–2003) idi.[1] Onun Şevardnadze hökumətinə müxalifət olan partiyası 1998-ci il yerli seçkilərdə böyük uğurlar qazandı. 2003-cü ilin noyabr ayında o, yenidən Şevardnadze ilə müttəfiq oldu, lakin seçki pozuntularına qarşı Qızılgül inqilabı kimi tanınan kütləvi etirazlar Şevardnadzeni istefa verməyə məcbur etdi. İnqilabdan bir neçə gün sonra, 2003-cü ilin dekabrında Rçeulişvili siyasətdən çəkildiyini elan etdi və Sosialist Partiyasının sədri vəzifəsindən istefa verdi.[4]

İş karyerası[redaktə | əsas redaktə]

Vaxtanq Rçeulişvili, həyat yoldaşı Maya Rçeulişvili və qayınanası, keçmiş parlament vitse-spikeri (2008–2012) Rusudan Kervalişvili, Gürcüstanın ən böyük daşınmaz əmlak istehsalçısı və tikinti şirkəti olan Center Point Groupun təsisçiləridir. 2000-ci illərin ortalarında şirkətin adı minlərlə müştərisini aldatdığını iddia edən xəbərlərdə hallanmağa başlandı. Korrupsiyaya qarşı mübarizə üzrə Transparency International Gürcüstan şirkəti Center Point Groupun Ponzi sxemini Gürcüstanın "ən böyük tikinti qalmaqalı" olduğunu dedi.[5] 2013-cü ildə şirkət sahibləri-Maya Rçeulişvili və Rusudan Kervalişviliyə qarşı mənimsəmə ittihamı irəli sürüldü.[6] Onlar 2016-cı ildə tutularaq, 2017-ci ildə Tbilisi Şəhər Məhkəməsi tərəfindən 4 il müddətinə azadlıqdan məhrum edildilər.[7]Vaxtanq Rçeulişvili isə, xərçəng xəstəliyindən müalicə edildi Todua klinikasında 13 aprel 2017-ci ildə 63 yaşında vəfat etdi.

İstinadlar[redaktə | əsas redaktə]

  1. 1 2 "Vakhtang Rcheulishvili". Biographical Dictionary of Georgia. National Parliamentary Library of Georgia. İstifadə tarixi: 13 April 2017.
  2. Mickolus, Edward F.; Simmons, Susan L. (1997). Terrorism, 1992-1995: A Chronology of Events and a Selectively Annotated Bibliography. ABC-CLIO. səh. 861. ISBN 0313304688.
  3. Wheatley, Jonathan (2005). Georgia from National Awakening to Rose Revolution: Delayed Transition in the Former Soviet Union. Ashgate. səh. 89. ISBN 0754645037.
  4. "Socialists Party Leader Retires". Civil Georgia. 10 December 2003. İstifadə tarixi: 13 April 2017.
  5. "Center Point Group – Georgia's Biggest Construction Scandal" (PDF). Transparency International Georgia. December 2012. səh. 22. İstifadə tarixi: 13 April 2017.
  6. "Co-Owner of Scandal-Ridden Construction Firm Detained". Civil Georgia. 13 July 2016. İstifadə tarixi: 13 April 2017.
  7. "Court Delivers Guilty Verdict against Owners of Scandal-Ridden Construction Firm". Civil Georgia. 1 April 2017. İstifadə tarixi: 13 April 2017.