Venesuela çexləri

Vikipediya, azad ensiklopediya
Jump to navigation Jump to search
Venesuela-Çexiya Assosiasiya a Karakas tərəfindən təşkil edilmiş tədbirdə çıxış edən çex folklor rəqs qrupu.

Venesuela çexləri - Cənubi Amerika qitəsinin şimal hissəsində yerləşən Venesuelada məskunlaşmış çex əsilli əhali. Venesuelada yaşayan çexlərin sayı iki min nəfərə yaxındır.

Tarixi[redaktə | əsas redaktə]

Venesuelaya çexlərin gəlişi İkinci dünya müharibəsidən sonraya təsadüf edir. 1950-ci illərdə Venesuelada yaşayan avropalıların ən kiçik icması çexlərə məxsus idi. 50-ci illərin məlumatlarına əsasən ölkədə 1,124 çex yaşayırdı. Serb icmasından fərqli, çex icmasının Venesuelada məskunlaşmasının əsas səbəbi siyasi amillər olmamışdır. Əsasən daha inkişaf etmiş ölkələrə getmək istəyən çexlər Venesueladan keçid məntəqəsi kimi istifadə etmək fikirində idilər. Ölkənin çexlər üçün cəlb edici olmasının bir digər səbəbi digər dövlətlərdən fərqli Venesuela üçün viza rejiminin daha sadə olmasında idi.[1]

1968-ci ildə Çexoslovakiyadan gələn ikinci mühacir dalğası ilə Venesuela çexlərinin sayında artım müşahidə olundu. 70-ci illərin Qərbi Avropasında xaricdə yaşamaq məqsədi ilə insanların daha çox üz tutduqları ölkələr ABŞKanada idi. Cənubi Amerikada icmaları olan bəzi xalqların nümayəndələri isə Venesuela və digər Latın Amerikası ölkələrini seçmişdilər. Çexoslovakiyanın bölünməsindən sonra (ÇexiyaSlovakiya olaraq iki hissəyə bölünmüşdür) Çexiyadan Venesuelaya üz tutan mühacirlərin sayı kəskin sürətdə azalmışdır.

XX əsrin sonlarında Karakas şəhərində yerləşən Çexiya səfirliyində 200 dən çox çex əsilli vətəndaşın qeydiyyata alındığı məlumdur. Əsil rəqəmin səfirlikdə qeydiyyata alınandan daha çox olduğu bilinsədə, bir çox şəxs assimilyasiya nəticəsində öz kökündən uzaqlaşmışdır. Venesuelada yerləşən Çexiya səfirliyinin səfiri Antonin Blazekin sözlərinə görə çexlər ölkəyə gəldikləri ilk illərdən etibarən cəmiyyətin rifahı üçün çalışmış və Avropadan Venesuelaya gəlmiş ən məhsuldar icma kimi tarixə keçmişdir. Venesuela-Çexiya Assosiasiyası ölkədə yaşayan çexləri hər il müxtəlif mədəni tədbirlərlə bir araya gətirir.[2]

Görkəmli insanlar[redaktə | əsas redaktə]

İstinadlar[redaktə | əsas redaktə]

  1. Saignes, Miguel (2010). LA HISTORIA DE LOS PORTUGUESES EN VENEZUELA (1959) (PDF) (Spanish). Revista Mañongo. səh. 15. İstifadə tarixi: 24 January 2017.
  2. "LOS CHECOS EN VENEZUELA: Praga vive en el trópico". Retrovisor (Spanish). İstifadə tarixi: 24 January 2017.