Vensan Kandela

Vensan Kandela fr. Vincent Candela
fr. Vincent Candela
Ümumi məlumatlar
Doğum tarixi	24 dekabr 1973
Doğum yeri	Bedarye, Fransa
Vətəndaşlığı	Fransa
Boyu	180 sm
Çəkisi	76 kq
Mövqeyi	müdafiəçi
Klub haqqında məlumat
Klub	S.P.A.L. 2013
Vəzifəsi	prezident
Karyerası
Klub karyerası 1991—1995 Tuluza 56 (3) 1995—1997 Genqam 48 (2) 1997—2005 Roma 210 (14) 2005 Bolton Uonderers 10 (0) 2005—2006 Udineze 26 (1) 2006—2007 Siena 14 (0) 2007 →  Messina 17 (0) Milli yığma 1996—2003 Fransa 40 (5) Məşqçisi olduğu klublar 2013—h.h. S.P.A.L. 2013 prezident
Təltif və medalları
Dünya çempionatları Qızıl Fransa 1998 Avropa çempionatları Qızıl Belçika/Niderland 2000
Vikianbarda əlaqəli mediafayllar

Vensan Kandela — Fransa futbolçusu.

Bioqrafiyası

"Tuluza" və "Genqam"da bir neçə mövsüm keçirən fransız 1997-ci ildə ölkə xaricinə çıxmaq qərarına gəldi, nəticədə növbəti komandası "Roma" oldu. Romalıların heyətində ardıcıl səkkiz mövsüm, üstəgəl bununla üst-üstə düşən yığmaya çağırışlar (40 oyun, 5 qol) müdafiəçinin karyerasının zirvəsidir. Avropa və dünya çempionu titulları, eləcə də "skudetto" – oyunçuların böyük əksəriyyəti belə kolleksiyanı yalnız arzulaya bilər. Romadan sonra Vensan iki il ərzində dörd komandada – "Bolton", "Udineze", "Syena" və "Messina"da olub.

2006/07-ci illər mövsümü

Yəqin ki, Kandelanın ən pis mövsümü. Zəif "Syena" və "Messina"da çıxış etməklə o, heç əvvəlki etibarlılığına yaxınlaşa da bilmirdi. Bu azmış kimi Siciliya klubu "A" Seriyasını tərk etməli oldu.

Nailiyyətləri

Dünya (1998) və Avropa çempionu (2000), İtaliya çempionu (2001) və Superkubokunun sahibi (2001).

Sentyabrın əvvəlində Kandela rəsmi şəkildə karyerasını bitirdiyini açıqladı: "Mənim vaxtım çatıb, yolu gənclərə verməyin zamanıdır. "Kalço" dəyişib. Texnika və taktika azalıb, fizika isə əksinə".