Vikipediya:Ana səhifə:Xəbərlər/35. Həftə 2023

• Ermənilər Azərbaycanın Livandakı səfirliyinə hücum edib, Bakı Beyruta nota verib.
• Vaqner qrupunun rəhbəri Yevgeni Priqojini və digər qrup mənsublarını Moskvadan Sankt-Peterburq şəhərinə aparan təyyarənin qəzaya uğraması nəticəsində 10 nəfər (7 sərnişin, 3 ekipaj) həlak olub.
• Hindistanın Çandrayan-3 Ay missiyasının Vikram modulu Ay səthinə uğurlu eniş edib. Bu barədə eniş əməliyyatını canlı yayımlayan Hindistan Kosmik Tədqiqatlar Təşkilatı (ISRO) məlumat yayıb.
• Dünya şöhrətli İtaliya müğənnisi, bəstəkar Toto Kutunyo (şəkildə) vəfat edib. Məlumata görə, pop veteranı 80 yaşında Milanda San Raffaele xəstəxanasında dünyasını dəyişib.
• İranda casusluqda ittiham edilərək həbs edilən Fərid Səfərli 2 il müddətinə azadlıqdan məhrum edilib.
• Ukrayna prezidenti Volodimir Zelenski Milli Təhlükəsizlik və Müdafiə Şurasının vilayət hərbi komissarlıqlarının bütün rəislərinin işdən azad olunmasını nəzərdə tutan qərarını təsdiqləyib.

Son ölümlər: Şəhriyar Rəhimov, Yevgeni Priqojin, Toto Kutunyo