Vikipediya:Bu şəxs tanışım deyil, necə bilə bilərdim kimdir?
 |
Bu səhifə Vikipediya haqqında bir essedir Səhifə vikipediyaçılar üçün məsləhət və rəy xarakteri daşıyır. Vikipediyanın rəsmi prinsiplərindən və qaydalarından biri deyil, eləcə də, vikicəmiyyətin ümumi fikrini əks etdirməyə bilər. Bəzi esselər geniş mövzuları əhatə edir, bəzi esselər isə ancaq spesifik mövzulara toxunur. |
Vikipediyada şəxslərlə bağlı məqalələrin ensiklopedikliyi müvafiq təlimatlarla nizamlansa da, bəzi məqalələr silinməyə namizəd göstərilir və ensiklopedikliyi müzakirə edilir, çünki məqaləni oxuyandan sonra belə icmadan bir və ya bir neçə nəfər "Yerdəki çuxurdan tanımazdım" deyə düşünür.
Məqalənin ensiklopedikliyinin mühakiməsi fərdin keyfiyyətinin mühakimə edilməsi demək deyil: müvafiq şəxs həqiqətən də mötəbər, təqdirəlayiq, onu tanıyanların hamısı tərəfindən hörmət və ehtiramla qarşılanan biri ola bilər. Biz və cəmiyyət müvafiq fərdi nə qədər təqdir etsək də, mövzu ilə bağlı neytral ikinci dərəcəli mənbələrdə kifayət qədər məlumat yoxdursa, onu haqqında məqalə yaza bilmərik. Ensiklopedik əhəmiyyətinin olmaması mövzunun nüfuzuna xələl gətirmir. Həmçinin cəmiyyət üçün səssiz və yorulmadan çalışanların bir çoxu diqqət mərkəzində olmadan da tam xoşbəxtdirlər.
Odur ki, kim isə, xüsusən də hələ də sağ olan biri haqqında məqalə yazmaq istəyirsinizsə, yaxşı olar ki, mövzunun əhəmiyyətini etibarlı mənbələrdən yoxlanıla bilən istinadlarla əsaslandırdığınızdan əmin ola və bunun üçün qəbul edilmiş təlimatları tam başa düşəsiniz. Bir məqaləni oxuculara təqdim etməzdən əvvəl onu istifadəçi ad fazanızda işləməyiniz yaxşı fikir ola bilər. Çünki əgər siz, müəllif, bunları etmirsinizsə, niyə vecimizə olmalıdır ki ?
Əlbətdə ki, ensiklopedik olmayan bir mövzu ilə ensiklopedikliyi sadəcə olaraq məqalədə təsdiqlənməmiş bir mövzu arasında fərq var (əksər məqalələrdə bu fərq heç də asanlıqla aydın olmur). Şansınız varsa, redaktorlar fərqi görəcək və məqaləni genişləndirəcəklər. Amma bu işi şansa həvalə etməmək üçün bioqrafik məqalələr yazarkən mövzunu yetərincə aydın təqdim etdiyinizdən əmin olun ki, digər Vikipediyaçılar da həmin şəxsi xüsusi və diqqətəlayiq edənin nə olduğunu görsünlər.
Qısaca, məqalə yaratmaq əladır, hər hansı bir mövzuda bildiyiniz hər şeyi yazmanız və sonra həqiqətən əla məqaləniz olana qədər başqalarının da öz bildiklərini əlavə etməsi fantastikdir. Amma mövzu haqqında bildiyin sadəcə səciyyəviləndirici bir cümlədən ibarətdirsə, müvafiq səhifəyə müraciət edərək mövzu haqqında məqalə istəyin. Yoxsa bu mövzunu yerin çuxurundan necə tanıyacağıq?