Vikipediya:Məzmuna statusun verilməsi
Statuslu məzmun Vikipediya istifadəçilərinin fərdi və ya birgə səyi nəticəsində ortaya çıxmış və yenə Vikipediya istifadəçiləri tərəfindən dəyərləndirilərək müvafiq statusa layiq görülmüş məzmundur. Məzmunun müvafiq status üçün tələb olunan şərtləri ödədiyindən əmin olmaq üçün təqdim olunan bütün məzmun hərtərəfli yoxlama prosesindən keçir. Bu səhifədə məzmunun status alması üçün təqdim edilməsi və yoxlanılma prosesi ilə bağlı qaydalar qeyd olunub.
Məzmuna statusun verilməsi[mənbəni redaktə et]
Məzmuna statusun verilməsi prosesi iki mərhələdən ibarətdir: Namizədlik və qiymətləndirmə.
Namizədlik[mənbəni redaktə et]
Hazırlanmış məzmun status üçün təqdim edilərkən ilk növbədə namizədlik mərhələsindən keçir. Bu mərhələdə məzmun yoxlayanlar və ya inzibatçılardan biri tərəfindən tərəfindən yoxlanılır. Yoxlama zamanı müvafiq status üçün tələb olunan şərtlər əsas götürülür.
Məzmun namizədlik üçün təqdim olunduqdan sonra hələ də yoxlanılmayıbsa, müəllif təqdim etdiyi namizədi geri götürə bilər. Lakin bu kimi hallarda müəllifin səbəb göstərməsi tövsiyə olunur.
Qiymətləndirmə[mənbəni redaktə et]
Məzmuna statusun verilməsi prosesinin ikinci mərhələsi qiymətləndirmədir. Bu mərhələdə məzmun istifadəçilər tərəfindən müzakirə yolu ilə qiymətləndirilir. Müzakirənin iştirakçıları fikirlərini əsaslandırmalı, tərəflərini bildirməklə yetinməməlidirlər. Qeyd etmək lazımdır ki, müzakirənin sonunda konsensus əsaslandırılmış fikirlərə və göstərilmiş arqumentlərə əsasən əldə edilir.
Müzakirə başladıqdan 15 gün sonra hər-hansı konsensus əldə edilmişdirsə, bu halda inzibatçılardan biri müzakirəni sonlandırır. Konsensusun əldə edilmədiyi halda müzakirə müddəti 5 gün uzadılır. Müzakirənin sonunda konsensus əldə edilməli və bu prosesə inzibatçılar tərəfindən nəzarət olunmalıdır. Konsensusun əldə edilə bilmədiyi halda məzmuna statusun verilməsindən imtina edilir.
Bəzi hallarda qiymətləndirmə səhifəsində qeyri-aktivlik müşahidə olunur və müzakirədə ya ümumiyyətlə heç kim iştirak etmir, ya da çox az sayda istifadəçi iştirak edir. Nəticədə konsensus əldə edilə bilmir. Bu kimi hallarda müvafiq məzmun inzibatçılardan biri tərəfindən yenidən qiymətləndirməyə təqdim edilir və inzibatçı ən azı 2, ən çoxu 5 istifadəçiyə müzakirənin mövcudluğu ilə bağlı xəbərdarlıq (dəvətnamə) göndərir. İnzibatçı bunun yerinə Kənd meydanı kimi aktiv bölmələrə
Bu hal istisna təşkil edir. Digər hallarda qiymətləndirmə zamanı istifadəçilərə dəvətnamə göndərilməsi yolverilməzdir və səs ovçuluğu kimi qiymətləndirilir.
Məzmundan statusun geri alınması[mənbəni redaktə et]
Status üçün tələb olunana şərtlər zamanla yeniləndiyi və təkmilləşdirildiyi üçün daha əvvəl status almış məzmun yeni standratlara əsasən statusa uyğun hesab olunmur. Bundan əlavə, status üçün təqdim olunan məzmunun özü də zamanla təkmilləşdirilməli və daxilindəki məlumatlar yenilənməlidir. Əgər məzmun statu aldıqdan sonra yenilənməyibsə və yeni standartlara uyğun olmadığı düşünülürsə, məzmun istənilən istifadəçi tərəfindən statusun alınması məqsədi ilə təqdim oluna bilər. Məzmuna stautusun verilməsi prosesi ilə bağlı qaydalar eynilə məzmundan statusun geri alınması prosesi üçün də keçərlidir. Bu zaman da məqalə iki mərhələli prosesdən keçir və konsensus qəbul edilir.