Vikipediya:Viki Qafqazı Sevir 2019

Viki Qafqazı Sevir 2019

Viki Qafqazı Sevir 2019 — 2019-cu il 1-31 oktyabr tarixlərində keçirilən məqalə müsabiqəsi (UTC vaxtı ilə). Müsabiqə Qafqazla bağlı mövzularda məqalələrin yaradılması üçün nəzərdə tutulmuşdur. Müsabiqənin keçirilməsində məqsəd Vikipediyanın müxtəlif dil bölmələrində Qafqazın coğrafi obyektləri, mədəniyyəti, görməli yerləri barədə məqalələr yaratmaqdır. Azərbaycandilli Vikipediyada keçirilən müsabiqənin əsas məqsədi isə Azərbaycan istisna olmaqla, digər Qafqaz xalqları və dövlətləri barədə məqalələrin yaradılmasıdır. Eynilə digər layihələrin iştirakçıları da öz doğma dilləri istisna olmaqla, digər iştirakçı ölkələr və xalqlar barədə məqalələr yaradacaqlar.

Müsabiqə Azərbaycan, gürcü, rus, çeçen, osetin və ləzgi dillərindəki Vikipediya layihələrində paralel keçirilir.

Müsabiqə Azərbaycan vikimediaçıları istifadəçi qrupu, Gürcüstan vikimediaçıları istifadəçi qrupu, Vikimedia Rusiya və Don vikimediaçıları istifadəçi qrupu tərəfindən təşkil olunmuşdur.

Müsabiqənin əsas məqsədlərindən biri Qafqaz dillərindəki Vikimedia layihələri arasında əlaqələrin gücləndirilməsi və onların dayanıqlı inkişafına nail olmaqdır.

Siyahıya keç

Məqalə əlavə et

Qaydalar

Vikipediyada qeydiyyatdan keçmiş bütün istifadəçilər müsabiqədə iştirak edə bilərlər.
Məqalə Azərbaycan haqqında olmamalıdır.
Müsabiqədə aşağıdakı şərtlərə uyğun gələn məqalələr buraxılır:
- Yeni yaradılan məqalə ən azı 250 sözdən və 3000 baytdan ibarət olmalıdır.
- Əvvəllər yaradılmış məqaləni genişləndirmək istəyən istifadəçi məqaləyə ən azı 150 söz və 1500 bayt məlumat əlavə etməlidir.
- Yaradılan məqalə ensiklopedik əhəmiyyətə malik olmalı və istinadlarla təmin olunmalıdır.
Botların istifadəsi qadağandır və iştirakçı buna görə müsabiqədən kənarlaşdırıla bilər.
Yaradılan məqalələr iştirakçılar tərəfindən yuxarıda göstərilən Məqalə əlavə et düyməsindən istifadə etməklə siyahıya əlavə edilməlidir.