Vikipediya:Vikipediyanın sizə ehtiyacı yoxdur
 |
Bu səhifə Vikipediya haqqında bir essedir Səhifə vikipediyaçılar üçün məsləhət və rəy xarakteri daşıyır. Vikipediyanın rəsmi prinsiplərindən və qaydalarından biri deyil, eləcə də, vikicəmiyyətin ümumi fikrini əks etdirməyə bilər. Bəzi esselər geniş mövzuları əhatə edir, bəzi esselər isə ancaq spesifik mövzulara toxunur. |
Sizin vikiyə eytiyacınız var – bu bir faktdır. Bu, statistik olaraq sübut olunub və fenomenoloji cəhətdən mübahisəsizdir: viki sizə lazımdır.[mənbə göstərin] Hər halda, elə olmasa idi siz indi burada olmazdınız. Hamımızın unikal fərdlər olduğumuz və bizim vacib olduğumuz fikri ilə eyni dərəcədə doğru və daha məkrli olan fakt isə odur ki, vikinin sizə ehtiyacı yoxdur. O, sizi bəyənir, varlığınızı və töhfələrinizi təqdir edir, sizdən hesab yaratmağınızı, "son dəyişikliklər" bölməsinə nəzarət etməyinizi, istinadsız bioqrafik məqalələri təftiş etməyinizi, əl ilə və ya botla məzmunda redaktələr etməyinizi istəyir: lakin vikinin sizə ehtiyacı yoxdur. O, sizdən "Xarici keçidlər" bölməsini səliqəyə salmağınızı, {{İstinad siyahısı}}-nı <references/> ilə əvəzləmənizi və sonra tamam əksini etməyinizi, məqaləyə şablonlar, şəkillər əlavə etməyinizi istəsə də, vikinin sizə ehtiyacı yoxdur.
Əgər inzibatçılardan ibarət fitnəkar bir qrup sizi uydurma bir ittihamla bloklamağı bacararsa, dünya dönməyə davam edəcək. Bitkilər böyüyəcək, quşlar yumurta qoyacaq və alimlər haqqında məqalələr eyni sürətdə artmağa davam edəcək. Əlbəttə ki, heç nə sizin burada olduğunuz vaxtlardakı kimi olmayacaq, amma hər halda, Viki dönməyə davam edəcək: üzücü, lakin gerçək.
Odur ki, əgər işlər çox streslidirsə fasilə verin, ya da tərk edin. Xüsusilə sonuncu seçim olduqca kədərli olardı, lakin Vikipediya sabah da burada olacaq. Beləliklə, layihə üçün əvəzolunmaz olduğunuz üçün toxunulmaz olduğunuzu düşünməyə başladığınızda sadəcə xatırlayın: deyilsiniz. Bununla belə, dərin bir nəfəs və bir stəkan çayın sizi narahat edən problemi həll etmək şansı var və o zaman siz, Viki ilə birlikdə daha keyfiyyətli vaxt keçirə bilərsiniz.
Həmçinin bax[mənbəni redaktə et]
- Vikipediya:Heç kim əvəzolunmaz deyil – Xoş xəbər: istəmirsinizsə, qalmaq məcburiyyətində deyilsiniz.