Virtual kamera sistemi

Vikipediya, azad ensiklopediya
Jump to navigation Jump to search
Kameranın dəyişdirilə bilən parametrlərini göstərən virtual kamera sistemi demosu.

Virtual kamera sistemiüçölçülü video oyunlarda kameranı idarə etmək və ya üçölçülü bir virtual dünyanı nümayiş etdirmək üçün istifadə edilən sistem. Kamera sistemlərindən adətən üçüncü-şəxsdən baxışın lazımi olduğu üçölçülü virtual dünyalarda istifadə olunur.

Filmmeykerlərin əksinə, virtual kamera sisteminin yaradıcıları interaktiv və təxmin edilə bilməyən bir dünya üzərində iş aparmalı olurlar. Oyunçu personajın növbəti bir neçə saniyədə harada olacağına bilmək mümkün deyil. Buna görə də, filmeykerlərin etdiyi kimi planları öncədən seçmək olmur. Bu problemi aradan qaldırmaq üçün sistem müəyyən qaydalara və ya süni intellektə arxalanır.

Kamera sisteminin əsasən üç tipi olur. Sabit kamera sistemlərində kamera heç bir şəkildə tərpənmir və sistem oyunçu personajı sabit planlarla nümayiş edir. Bunun əksinə, izləyici kamera sistemləri personajın hərəkətlərini izləyir. Son olaraq, interaktiv kamera sistemləri oyunçunun birbaşa görünüşü dəyişdirməsinə imkan vermək üçün qismən avtomatlaşdırılır. Kamera sistemlərini quraşdıqmaq üçün video oyun istehsalçıları süni intellekt skriptləri və muxtar agentlər kimi texnikalardan istifadə edirlər.

Üçüncü şəxs baxış bucağı[redaktə | mənbəni redaktə et]

Video oyunlarda "üçüncü şəxs" deyəndə oyunçunun personajına sabit məsafədən və biraz yuxarıdan olan baxış bucağı nəzərdə tutulur. Bu baxış bucağı oyunçuya idarə etdiyi obrazı daha yaxşı görməyə kömək edir və daha çox döyüş və döyüş-macəra oyunlarında istifadə olunur. Bu baxış bucağını istifadə edən oyunlada ümumən oyunçunun yerinə görə oyun səslərinin tempi dəyişdirilir.[1]

İstinadlar[redaktə | mənbəni redaktə et]

  1. Rollings, Andrew; Ernest Adams. Fundamentals of Game Design. Prentice Hall. 2006. ISBN 9780131687479. 2017-12-31 tarixində arxivləşdirilib. İstifadə tarixi: 2022-11-01.