Vivianit

Vivianit
Ümumi məlumatlar
Kateqoriya	Mineral
Formul (təkrarlanan vahid)	Fe²⁺₃(PO₄)₂·8H₂O
Strunz təsnifatı	VII/C.10b
Vikianbarda əlaqəli mediafayllar

Vivianit — monoklinik sinqoniya. Kristalları prizmatik, bəzən lövhəvari,  həmçinin izometrik və ya lövhəvari. Ayrılma {010} üzrə mükəmməl, {100} və {106} üzrə qeyri-mükəmməl. İkiləşmə {010} üzrə lövhəvari. Aqreqat: böyrəkvari, kürəvari, yaxud silindrəbənzər, konkresiyalar və lövhəvari, yaxud lifli möhtəvilər, torpaq- və tozvari, ulduzvari. Rəngsiz və şəffaf, oksidləşdikdə açıq abıdan göyümtül-qarayadək. Parıltı şüşəli, ayrılma müstəvisində - sədəfi. Sərtliyi 1,5-2. Xüsusi çəki 2,68. Nazik lövhələri elastik olur, asanlıqla kəsilir. Tam oksidləşdikdə kövrəkləşir. Növ müxtəlifliyi: bosforit, kerçinit. Filiz yataqlarının oksidləşmə zonasında, yaxud peqmatitlərdə fosfatların aşınma məhsulu.

Mənbə

• Geologiya terminlərinin izahlı lüğəti. Bakı: Nafta-Press, 2006.