Vladimir Kolesniov

Vikipediya, azad ensiklopediya
Jump to navigation Jump to search

Vladimir Kolesniov- Rusiya Federasiyasının Əməkdar elm xadimi, fizika elmləri doktoru, “Dostluq” ordeni laureatı

Həyatı və fəaliyyəti[redaktə | əsas redaktə]

Vladimir İvanoviç Kolesniov 1941-ci il noyabrın 5- də Rostov-na-Donu şəhərində anadan olmuşdur.1966-cı ildə Rostov Dovlət Universitetinin fizika riyaziyyat fakültəsini,1994-cu ildə isə Rusiya Federasiyası nəzdində Kənd təsərrufatı akademiyasının idarəetmə fakültəsini bitirmişdir. 1975-ci ildə elmlər namizədi dərəcəsini almış, 1987-ci ildə isə doktorluq dissertasiyasını müdafiə etmişdir. 1966-1969-cu illərdə Elmi-tədqiqat İnstitutunda sənaye müəssisələrinin avtomatlaşdırılması üzrə mühəndis, 1969-1970-ci illərdə Elmi-tədqiqat sektorunun (DMRİ) baş mühəndisi olmuşdur, 1970-1977-ci illərdə isə “Fizika” kafedrasının (DMRİ) assistantı olmuşdur. 1977-1987-ci illərdə isə “Fizika” kafedrasının dosenti, DMRİ-nin baş elmi işci vəzifəsində çalışmışdır. 1987-1992-ci illərdə “Nəzəri mexanika” kafedrasının DMRİ-nin başçısı olmuşdur.1992-1996-cı illərdə “İnşaat və Nəzəri mexanika” kafedrası DMRİ-nin başçısı və 1996-cı ildə isə Ali Federal hökumət büdcə təhsil müəssisəsi Rostov Dovlət Nəqliyyat Universitetinin rektoru, “Nəzəri mexanika” kafedra başçısı olmuşdur.

Təltifləri[redaktə | əsas redaktə]

“Şərəf” ordeni, “Rusiya patriotu” medalı və “Dostluq” ordeni ilə təltif olunmuş, Rusiya Federasiyasının Əməkdar elm xadimi, Rostov-na-Donu şəhərinin fəxri vətəndaşıdır. 24 monoqrafiyanın, 14 metodik vəsaitin, 22 ixtira və patentin muəllifidir.2011-ci il iyulun 4-də Azərbaycan Respublikası Prezidentinin Sərəncamı ilə xalqlar arasında dostluğun möhkəmləndirilməsi sahəsindəki xidmətlərinə görə “Dostluq” ordeni ilə təltif edilmişdir.

istinadlar[redaktə | əsas redaktə]

diaspora.gov.az

Azərbaycan Diasporu Ensiklopedik Məlumatlar Toplusu