Vüqar İskəndərov

Vikipediya, azad ensiklopediya
Naviqasiyaya keç Axtarışa keç
Vüqar İskəndərov
Vəzifədədir
10 mart 2020-ci ildən
Seçki dairəsiVI çağırış — 113 saylı Şəki şəhər
VII çağırış — 114 saylı Şəki şəhər
Şəxsi məlumatlar
Doğum adı Vüqar Yapon oğlu İskəndərov‎
Doğum tarixi 30 dekabr 1972(1972-12-30) (52 yaş)
Doğum yeri
Partiya
Təhsili
Fəaliyyəti siyasətçi
Təltifləri "Heydər Əliyevin 100 illiyi (1923–2023)" yubiley medalı "Dövlət qulluğunda fərqlənməyə görə" medalı — 2019 "Azərbaycan Sərhəd Mühafizəsinin 100 illiyi (1919–2019)" yubiley medalı — 2019
Azərbaycan Respublikasının əməkdar məşqçisi

Vüqar Yapon oğlu İskəndərov (30 dekabr 1972, Şəki) — Azərbaycan ictimai-siyasi xadimi, Azərbaycan Respublikası Milli Məclisinin VI və VII çağırış deputatı (2020-ci ildən).

Həyatı

[redaktə | mənbəni redaktə et]

Vüqar Yapon oğlu İskəndərov 30 dekabr 1972-ci ildə Şəki şəhərində anadan olmuşdur. Şəki şəhər 17 nömrəli tam orta məktəbin birinci sinfinə daxil olmuş, həmin məktəbin X sinfini bitirmiş, hərbi xidmətdə olmuşdur.

Vüqar İskəndərov Gürcüstan Respublikası Elm-Tədris İnstitutunun hüquq fakültəsinə daxil olmuş, həmin institutu hüquqşünas ixtisası üzrə bitirmişdir. ABŞ-də dövlət idarəetməsi üzrə xüsusi təhsil almışdır. Azərbaycan Dövlət Aqrar Universitetinin İqtisadiyyat fakültəsinə daxil olmuş, həmin universiteti iqtisadçı ixtisası üzrə bitirmişdir.

Ailəlidir. 2 övladı var.

Fəaliyyəti

[redaktə | mənbəni redaktə et]

Vüqar İskəndərov 1990-cı ildən taekvondo şərq döyüş növü ilə, 1992-ci ildən isə karate-do döyüş növü ilə məşğul olmuşdur. 1993–1995-ci illərdə karate-do üzrə məşqçi-müəllim çalışmış, 1995-ci ildə Azərbaycan karate-do Federasiyasının Assosiasiyasının şimal-qərb regionun sədri vəzifəsinə təyin edilmişdir. 1999-cu ilin 1 aprelindən 2000-ci ilin 3 yanvarına kimi Şəki rayon Kooperativlər İttifaqında aparıcı hüquqşünas, 2001-ci ilin 7 fevralından 2005-ci ilin 26 dekabrına kimi Şəki MRX-nın hüquq məsləhətçisi vəzifələrində çalışmışdır.

2001-ci ildə isə Azərbaycan Taekvondo Federasiyasının şimal-qərb regionunun sədri vəzifəsinə təyin olunmuşdur. "Liderlik" və "Vaxtın idarə olunması" proqramları üzrə təlimçi olmuşdur. Həmin ildən Azərbaycan karate-do üzrə yığma komandasının üzvü olmuşdur. Vüqar İskəndərov 2001-ci ildə respublika rayonları arasında ilk dəfə olaraq şərq döyüşü növləri üzrə xüsusi məktəb yaratmışdır.

Vüqar İskəndərov 2005-ci il 29 dekabr tarixindən Şəki şəhər Gənclər və İdman İdarəsinin rəisi təyin olunmuşdur. O, Yeni Azərbaycan Partiyasının Şəki Təşkilatı sədrinin müavini, Şəki şəhər İcra Hakimiyyəti başçısı yanında şuranın üzvü, 2010–2015-ci ildə Şəki Pedaqoji Kollecin Dövlət İmtahan Komissiyasının sədri olmuşdur.

2020-ci ildə VI çağırış, 2024-cü ildə isə VI çağırış Milli Məclisin deputatı seçilmişdir.[1]

"Karyera planlaşdırma" proqramları üzrə beynəlxalq təlimçi, 1998-ci ildən Karate üzrə beynəlxalq dərəcəli hakimdir. Azərbaycan Respublikasının əməkdar məşqçisidir. 30 aprel 2024-cü ildə Türk Dövlətləri Autizm Federasiyasının fəxri prezidenti seçilib.

Siyasi fəaliyyəti

[redaktə | mənbəni redaktə et]

Yeni Azərbaycan Partiyasının Təftiş Komissiyasının üzvüdür. Milli Məclisin Hüquq siyasəti və dövlət quruculuğu komitəsi və Gənclər və idman komitəsinin üzvüdür

Parlamentdə

[redaktə | mənbəni redaktə et]

Vüqar İskəndərov həmçinin aşağıdakı parlamentlərarası işçi qruplarının da üzvüdür:

  • Azərbaycan–Argentina parlamentlərarası əlaqələr üzrə işçi qrupu — Rəhbər
  • Azərbaycan–Almaniya Federativ Respublikası parlamentlərarası əlaqələr üzrə işçi qrupu — üzv
  • Azərbaycan–Çexiya parlamentlərarası əlaqələr üzrə işçi qrupu — üzv
  • Azərbaycan–Gürcüstan parlamentlərarası əlaqələr üzrə işçi qrupu — üzv[2]
  • Azərbaycan–Qazaxıstan parlamentlərarası əlaqələr üzrə işçi qrupu — üzv
  • Azərbaycan–Litva parlamentlərarası əlaqələr üzrə işçi qrupu — üzv
  • Azərbaycan–Özbəkistan parlamentlərarası əlaqələr üzrə işçi qrupu — üzv
  • Azərbaycan–Türkiyə parlamentlərarası əlaqələr üzrə işçi qrupu — üzv
  • Azərbaycan–Ukrayna parlamentlərarası əlaqələr üzrə işçi qrupu — üzv
  • Azərbaycan–Yaponiya parlamentlərarası əlaqələr üzrə işçi qrupu — üzv

Təltif və medalları

[redaktə | mənbəni redaktə et]
  • 1991-ci ildə taekvondo döyüş növü üzrə keçirilən respublika turnirində II-yerə layiq görülmüş, II-Dan qara kəmər ustasıdır.
  • 1994-cü ildə isə Respublika çempionu olmuşdur.
  • 1996-cı ildə Dünya kubokunda bürünc medal və qara kəmər (beynəlxalq dərəcəli) I-Dana layiq görülmüşdür.
  • 1998-ci ildə qara kəmər II-Dan və beynəlxalq dərəcəli hakimliyə layiq görülmüşdür.
  • 2003-cü ildə Şotokan karate-do üzrə Avropa çempionu olmuşdur.
  • 31 yanvar 2019-cu ildə Azərbaycan Respublikası Prezidentinin sərəncamı ilə "Dövlət qulluğunda fərqlənməyə görə" medalı ilə təltif olunmuşdur[3].
  • 2019-cu ildə Azərbaycan Respublikası Dövlət Sərhəd Xidmətinin "Azərbaycan Sərhəd Mühafizəsinin 100 illiyi (1919-2019)" yubiley medalı ilə təltif edilib.
  • Vüqar İskəndərov Azərbaycan Respublikasının əməkdar məşqçisidir. Fəaliyyətlərinə görə dəfələrlə Gənclər və İdman Nazirliyinin və Şəki şəhər İcra Hakimiyyəti başçısının fəxri fərmanları ilə təltif olunmuşdur. ABŞ-nin Kaliforniya ştatının San Dieqo şəhərinin fəxri vətəndaşıdır.
  • 2002-ci il karate üzrə V Dan qara kəmər sahibidir.
  • 2023-cü ildə "Heydər Əliyevin 100 illiyi (1923–2023)" yubiley medalı ilə təltif edilmişdir.

İstinadlar

[redaktə | mənbəni redaktə et]
  1. ↑ "Bioqrafiya". meclis.info. 2021-09-16 tarixində arxivləşdirilib. İstifadə tarixi: 16 sentyabr 2021.
  2. ↑ "Azərbaycan-Gürcüstan parlamentlərarası əlaqələr üzrə işçi qrupu". meclis.gov.az. 2022-07-10 tarixində arxivləşdirilib. İstifadə tarixi: 16 sentyabr 2021.
  3. ↑ "Vüqar İskəndərov". 2021-09-17 tarixində arxivləşdirilib. İstifadə tarixi: 2019-08-27.
Mənbə — "https://az.wikipedia.org/w/index.php?title=Vüqar_İskəndərov&oldid=7801535"