Elçin İbrahimli

Elçin İbrahimli
Şəxsi məlumatlar
Doğum tarixi	26 sentyabr 1997(1997-09-26)
Doğum yeri	Yengicə, Şərur rayonu, Naxçıvan Muxtar Respublikası, Azərbaycan
Vəfat tarixi	19 sentyabr 2023(2023-09-19) (25 yaşında)
Vəfat yeri	Ağdərə rayonu[d], Azərbaycan
Dəfn yeri	Şərur Şəhidlər Xiyabanı[d]
Dəfn tarixi	21 sentyabr 2023
Vətəndaşlığı	Azərbaycan
Hərbi fəaliyyəti
Xidmət illəri	2019-cu ildən
Rütbəsi	Baş leytenant
Döyüşlər	İkinci Qarabağ müharibəsi, Qarabağda döyüşlər
Təltifləri

Elçin Bağırov (26 sentyabr 1997, Yengicə, Naxçıvan Muxtar Respublikası – 19 sentyabr 2023, Ağdərə rayonu^[d]) — baş leytenant, azərbaycanlı şəhid.

Həyatı

Elçin İbrahimli 1997-ci il sentyabr ayının 26-da Naxçıvan MR Şərur rayonunun Yengicə kəndində anadan olmuşdur. O orta təhsilini Şərur rayonu Yengicə kənd tam orta məktəbində almışdır. Elçin İbrahimli təhsilini 2012-ci ildən "Cəmşid Naxçıvanski" adına Hərbi liseydə davam etdirmişdir. O, 2015-ci ildə Bakıda yerləşən Heydər Əliyev adına Azərbaycan Ali Hərbi Məktəbinə daxil olmuşdur.

Hərbi xidməti

Elçin İbrahimli 2019-cu ildə təhsilini bitirərək "Leytenant" hərbi rütbəsi almışdır və Tərtər rayonunda yerləşən "N" saylı hərbi hissədə Mühəndis-istehkam Taqım komandiri vəzifəsində xidmətə başlamışdır. 2022-ci ildə Goranboy rayonunda yerləşən "N" saylı hərbi hissədə "Mühəndis-istehkam Bölük komandiri" olaraq xidmətini davam etdirmişdir.

2022-ci il iyun ayının 26-da "Baş Leytenant" hərbi rütbəsi almışdır.

Vətən Müharibəsində iştiraki

44 günlük Vətən müharibəsində Tərtər-Suqovuşan istiqamətində gedən döyüşlərdə və 12–14 sentyabr 2022-ci ildə Kəlbəcərdə gedən döyüşlərdə iştirak etmişdir . Elçin İbrahimli xidmətdə olan zaman, 2020-ci ildə ərazilərimiz işğaldan azad olduqdan sonra , Tərtər, Suqovuşan, Ağdamda və Şuşada böyük sahələrin minalardan təmizlənməsində, minlərlə minaların zərərsizləşdirilməsində böyük xidmətləri olmuşdur .

Anti-terror əməliyyatında iştirakı

Elçinin anti-terror əməliyyatında aldığı ağır tapşırıq :

Ağdam-Ağdərə istiqamətində düşmənin 30 ildən çox qurduğu müdafiə zolağından döyüş texnikalarımızın döyüşə girməsi üçün Zirehli Texnika ilə keçid açmaq idi .

Elçin ölümü gözə alaraq tapşırığın nə qədər ağır və məsuliyyətli olduğunu bilib getməzdən öncə tabeliyində olan şəxsi heyətinə öz tövsiyələrini tapşırıqlarını verib və vidalaşıb onları sığınacağa yerləşdirib , Cavuşa mən Şəhid olsam Şəxsi heyət sənə əmanət deyərək uzaqlaşıb , daha sonra telefonla Anası , Bacısı , Həyat Yoldaşı , Babası və Dayıları ilə vidalaşıb tapşırığın icrasına başlayıb. Elçin şəxsi heyətin arxasında yox önündə gedən zabitlərdən biri olub . Elçin həmin istiqamətdə Zirehli Texnika üzərində özü başda olmaqla iki gizir ilə düşmənin bir neçə postunu darma-dağın edərək , Ağdərənin yüksəkliyinə ilk girənlərdən biri olub . Verilən tapşırığı qəhrəmancasına yerinə yetirib və son anda zirehli texnikanın vurulması ilə gizirlər ağır yaralanıb özü isə şəhidlik zirvəsinə ucalıb .

Dəfn mərasimi

Şəhidimizin Şəhid olduğu məkan atəş altında olduğundan şəhidimizin cansız bədəni 20 saatdan çox döyüş meydanında qalıb. Arxasınca döyüşərək gələn qoşunlarımız Elçinin Şəhidlik zirvəsinə ucaldığı məkana gəlib çatdıqdan sonra Elçinin cansız bədənini döyüş meydanından çıxarmaq mümkün olub . 21.09.2023-cü ildə Şərur rayon Şəhidlər xiyabanında dəfn olunmuşdur.

Ailəsi

Onun ailəsi ana və 1 bacıdan ibarət olmuşdur. Anası Aynur xanım 1977-ci il oktyabrın 24-ün də Şərur Rayon Yengicə kəndində anadan olmuşdur və Naxçıvan MR Heyran xanım adına tibb kollecindən məzun olmuşdur. Bacısı Züleyxa xanım isə 1 avqust 1999-cu ildə Şərur rayon Yengicə kəndində anadan olmuşdur və O "Yengicə kənd" tam orta məktəbindən 2016-cı ildə məzun olmuşdur . Züleyxa xanım 2016–2020-ci ildə NDU-də Riyaziyyat müəllimliyi ixtisasında təhsil almışdır. Züleyxa xanım 2020–2022-ci ildə UTECA-da Magistratura təhsili almışdır. Elçin İbrahimli 10.04.2021-ci ildə Ceyran Abbasova ilə ailə həyatı qurmuşdur . Həyat yoldaşı Ceyran xanım 6 aprel 1998-ci ildə Şərur rayon Yengicə kəndində anadan olmuşdur və 2015-ci ildə "Yengicə kənd" tam orta məktəbini bitirmişdir. Ceyran xanım 2015–2019-cu illərdə NDU-də Biologiya müəllimliyi ixtisası üzrə təhsil almışdır.

Təltifləri

• - "Vətən müharibəsi iştirakçısı" medalı
• - "Suqovuşanın azad olunmasına görə" medalı
• - "Cəsur döyüşçü" medalı
• - "Vətən uğrunda" medalı
• - "İgidliyə görə" medalı
• - "3-cü dərəcəli vətənə xidmətə görə" medalları ilə təltif olunmuşdur.