Elçin İbrahimli

Elçin İbrahimli
Şəxsi məlumatlar
Doğum tarixi	26 sentyabr 1997(1997-09-26)
Doğum yeri	Yengicə, Şərur rayonu, Naxçıvan Muxtar Respublikası, Azərbaycan
Vəfat tarixi	19 sentyabr 2023(2023-09-19) (25 yaşında)
Vəfat yeri	Ağdərə rayonu[d], Azərbaycan
Dəfn yeri	Şərur Şəhidlər Xiyabanı[d]
Dəfn tarixi	21 sentyabr 2023
Vətəndaşlığı	Azərbaycan
Hərbi fəaliyyəti
Xidmət illəri	2019-cu ildən
Rütbəsi	Baş leytenant
Döyüşlər	İkinci Qarabağ müharibəsi, Qarabağda döyüşlər
Təltifləri

Elçin İbrahimli (26 sentyabr 1997, Yengicə, Naxçıvan Muxtar Respublikası – 19 sentyabr 2023, Ağdərə rayonu^[d]) — baş leytenant, azərbaycanlı şəhid.

Həyatı

Elçin İbrahimli 1997-ci il sentyabr ayının 26-da Naxçıvan MR Şərur rayonunun Yengicə kəndində anadan olmuşdur .

Elçin İbrahimli 7 yaşındaykən (2004-cü il)

Təhsili

O orta təhsilini Şərur rayonu "Yengicə kənd" tam orta məktəbində almışdır . Elçin İbrahimli 8-ci sinfi orta səviyyədə bitirdikdən sonra (2012-ci il) təhsilinə "Cəmşid Naxçıvanski" adına Hərbi liseydə davam etdirmişdir. O, 2015-ci ildə Bakıda yerləşən Heydər Əliyev adına Azərbaycan Ali Hərbi Məktəbinə daxil olmuşdur . Elçin İbrahimli 2019-cu ildə təhsilini bitirərək "Leytenant" hərbi rütbəsi almışdır və Tərtər rayonunda yerləşən "N" saylı hərbi hissədə "Mühəndis-istehkam Taqım komandiri" vəzifəsində xidmətə başlamışdır. 2022-ci ildə Goranboy rayonunda yerləşən "N" saylı hərbi hissədə "Mühəndis-istehkam Bölük komandiri" olaraq xidmətini davam etdirmişdir . 2022-ci il iyun ayının 26-da "Baş Leytenant" hərbi rütbəsi almışdır.

Ailəsi

Onun ailəsi ana və 1 bacıdan ibarət olmuşdur. Anası Aynur 1977-ci il oktyabrın 24-ün də Şərur Rayon Yengicə kəndində anadan olmuşdur və Naxçıvan MR Heyran xanım adına tibb kollecindən məzun olmuşdur. Bacısı Züleyxa xanım isə 1 avqust 1999-cu ildə Şərur rayon Yengicə kəndində anadan olmuşdur və O "Yengicə kənd" tam orta məktəbindən 2016-cı ildə məzun olmuşdur . Züleyxa xanım 2016–2020-ci ildə NDU-də Riyaziyyat müəllimliyi ixtisasında təhsil almışdır. Züleyxa xanım 2020–2022-ci ildə UTECA-da Magistratura təhsili almışdır. Elçin İbrahimli 10.04.2021-ci ildə Ceyran Abbasova ilə ailə həyatı qurmuşdur. Həyat yoldaşı Ceyran xanım 6 aprel 1998-ci ildə Şərur rayon Yengicə kəndində anadan olmuşdur və 2015-ci ildə "Yengicə kənd" tam orta məktəbini bitirmişdir. Ceyran xanım 2015–2019-cu illərdə NDU-də Biologiya müəllimliyi ixtisası üzrə təhsil almışdır.

Hərbi xidməti

Elçin İbrahimlinin Şərur Şəhidlər Xiyabanında Yerləşən Məzarı

Vətən Müharibəsində iştiraki

44 günlük Vətən müharibəsində Tərtər-Suqovuşan istiqamətində gedən döyüşlərdə və 12–14 sentyabr 2022-ci ildə Kəlbəcərdə gedən döyüşlərdə iştirak etmişdir . Elçin İbrahimli xidmətdə olan zaman, 2020-ci ildə ərazilərimiz işğaldan azad olduqdan sonra Tərtər, Suqovuşan, Ağdamda və Şuşada böyük sahələrin minalardan təmizlənməsində, minlərlə minaların zərərsizləşdirilməsində böyük xidmətləri olmuşdur .

İrsi və Xatirəsi

Xatirə Otağı

• 21.09.2023-cü ildə Şərur rayon Şəhidlər xiyabanında dəfn olunmuşdur.
• Elçin İbrahimliyə ailəsi tərəfindən xatirə otağı həsr olunmuşdur.

• Elçin şəhidlik zirvəsinə ucaldıqdan sonra qardaşının müraciəti ilə Pərviz Hüseyni tərəfindən onun adına bir musiqi ifa olunmuşdur.

"Pərviz Hüseyni — Şəhid Elçin"

Təltifləri

• — "Vətən müharibəsi iştirakçısı" medalı
• — "Suqovuşanın azad olunmasına görə" medalı
• — "Cəsur döyüşçü" medalı
• — "Vətən uğrunda" medalı
• — "İgidliyə görə" medalı
• — "3-cü dərəcəli vətənə xidmətə görə" medalları ilə təltif olunmuşdur.