Azərbaycan Texnologiya Universiteti
| Azərbaycan Texnologiya Universiteti University of Technology of Azerbaijan | |
|---|---|
 | |
| Əsası qoyulub | 10 iyul 1980 |
| Rektor | Akif Süleymanov[1] |
| Şəhər | Gəncə |
| Ölkə |
 Azərbaycan |
| uteca.edu.az/ | |
Azərbaycan Texnologiya Universiteti — Azərbaycan Respublikası Təhsil Nazirliyinin tabeliyində olan ali təhsil müəssisəsi[2].
Haqqında[redaktə | əsas redaktə]
Azərbaycan Respublikası Prezidentinin "Azərbaycan Respublikasında təhsil sisteminin təkmilləşdirilməsi haqqında" 13.06.2000-ci il tarixli Fərmanının icrası ilə əlaqədar olaraq Azərbaycan Respublikası Təhsil Nazirinin 11.07.2000-ci il tarixli 691 saylı əmri ilə Azərbaycan Texnologiya İnstitutunun profili genişləndirilməklə Azərbaycan Texnologiya Universiteti yaradılmışdır.
Universitetdə hazırda 4 fakültə, 17 kafedra, aspirantura və magistratura şöbəsi, elmi-tədqiqat bölməsi, hazırlıq kursu, iki elmi-tədqiqat laboratoriyası, ingilis dili resurs mərkəzi, kitabxana, İnformasiya Hesablama Mərkəzi, tibb məntəqəsi, 3 iaşə, 4 istehsalat-təcrübə obyekti, idman zalı (sahəsi 1000 kv.m.) və tələbə şəhərciyi fəaliyyət göstərir.
Universitetdə 1983-cü ildən çoxtirajlı "Texnoloq" qəzeti və 2004-cü ildən isə "Elmi xəbərlər" məcmuəsi nəşr olunur.
Universitetdə elmi-tədqiqat işləri əsasən təbiət-texnika, texnika və mühəndis iqtisadiyyatı istiqamətləri üzrə aparılır.
Heydər Əliyevin fəaliyyətini və dövlətçilik siyasətini daha dərindən elmi əsaslarla öyrənmək məqsədilə universitetdə "Heydər Əliyev Məktəbi" fəaliyyət göstərir. Eyni zamanda universitetin tarixini əks etdirən muzey yaradılmışdır.
Azərbaycan Texnologiya Universiteti 2007-ci ildə attestasiya olunaraq Azərbaycan Respublikası Təhsil Nazirliyinin komissiyası tərəfindən akkreditasiyadan keçirilmiş və sertifikat almışdır (sertifikat № 006, 06.06.2007-ci il).
Tarixi[redaktə | əsas redaktə]
Azərbaycan Texnologiya İnstitutu Heydər Əliyevin təşəbbüsü ilə, keçmiş SSRİ Nazirlər Sovetinin 202 saylı 22 fevral 1979-cu il tarixli, ona müvafiq Azərbaycan SSR Nazirlər Sovetinin 206 saylı 10 iyul 1980-ci il tarixli qərarı ilə Ç.İldırım adına Azərbaycan Politexnik İnstitutunun Kirovabad (indiki Gəncə) filialının bazasında, Krasnodar Politexnik İnstitutunun Bakı filialını, həmçinin S.Ağamalıoğlu adına Azərbaycan Kənd Təsərrüfatı İnstitutunun "Şərabçılığın texnologiyası" ixtisasını birləşdirməklə yaradılmışdır.
Respublika ali məktəbləri arasında 1982-ci ildə keçirilən yarışda Azərbaycan Texnologiya İnstitutu ikinci yer, 1983 və 1984-cü illərdə isə birinci yer tutaraq Azərbaycan SSR Ali və Orta İxtisas Təhsili Nazirliyinin və sahə Həmkarlar İttifaqı Respublika Komitəsinin Fəxri Fərmanı ilə təltif edilmişdir. Həmçinin 1984-cü ildə Azərbaycan KP MK-nın, Azərbaycan SSR Nazirlər Sovetinin və Azərbaycan LKGİ MK-nın Keçici Qırmızı Bayrağı ilə təltif olunmuşdur.
Sabiq Rektorlar[redaktə | əsas redaktə]
- Sadıxov İsmayıl Camal oğlu 1980-1981-ci illərdə
- Rəhimov Rəhim Kərim oğlu 1981-1986-cı illərdə
- Qocayev Tofiq Bayram oğlu 1986-1992-ci illərdə
- Mütəllimov Şəmsəddin Mütəllim oğlu 1992-1993-cü illərdə
- Əsgərov Namiq Rza oğlu 1993-1994-cü illərdə
- Məmmədov Vidadi Yunis oğlu 1994-2000-ci illərdə
Fakültələr və Kafedralar[redaktə | əsas redaktə]
Yüngül sənaye mühəndisliyi və logistika fakültəsi[redaktə | əsas redaktə]
Fakültədə 6 ixtisas üzrə bakalavr hazırlanır:
- Çoxişlənən malların texnologiyası mühəndisliyi
- Maşın mühəndisliyi
- Texnoloji maşın və avadanlıqlar mühəndisliyi
- Nəqliyyatda daşınmaların və idarəetmənin təşkili mühəndisliyi
- Metallurgiya mühəndisliyi
- Dizayn
İqtisadiyyat və idarəetmə fakültəsi[redaktə | əsas redaktə]
Fakültədə 5 ixtisas üzrə bakalavrlar hazırlanır:
- Sənayenin təşkili və idarə olunması
- Marketinq
- Mühasibat uçotu və audit
- Biznesin idarə edilməsi
- Menecment
Avtomatika,telekommunikasiya və informatika fakültəsi[redaktə | əsas redaktə]
Fakültədə 6 ixtisas üzrə bakalavr hazırlanır:
- Proseslərin avtomatlaşdırılması
- Kompüter mühəndisliyi
- İnformasiya texnologiyaları və sistemlər mühəndisliyi
- Kompüter elmləri
- Elektronika, telekommunikasiya və radiotexnika
- Dövlət və bələdiyyə idarəetməsi
Məzunları[3][redaktə | əsas redaktə]
- Elmar Vəliyev – Gəncə şəhər İcra hakimiyyətinin başçısı
- Vilyam Hacıyev – İmişli rayon İcra hakimiyyətinin başçısı
- Mübariz Ağayev – Quba şəhər İcra hakimiyyətinin başçısı
- Qəzənfər Ağayev – Astara Rayon İcra Hakimiyyətinin başçısı
- Qoca Səmədov– Yevlax rayonu Icra Hakimiyyətinin başçısı
- Xətai Zeynalov – Ağcabədi rayonu Icra Hakimiyyətinin məsul işçisi
- Nizami Məmmədov – yüngül və yeyinti sənaye sahələrində rəhbər vəzifələrdə çalışıb
- Rövşən Əliyev – texniki elmlər namizədi, dosent
- Mətanət Əhmədova – texniki elmlər namizədi
- Tofiq Mirzəyev – texniki elmlər namizədi, dosent
- Rasim Bəşirov – Bakı Dəniz Akademiyasının rektoru, texnika elmləri doktoru
- Rauf Qurbanov – sabiq millət vəkili
- Arzu Həsənov – texniki elmlər namizədi, dosent
- Fizuli Məmmədov – iqtisad elmlər doktoru, professor
- Məzahir Cavadov – texniki elmlər namizədi, dssent
- Şahlar Babayev – texniki elmlər namizədi, dosent
- Surxay Əliyev – texniki elmlər namizədi, dosent
- Əhməd Məlikov – texniki elmlər namizədi, dosent
- Nigar Əmiraslanova – texniki elmlər namizədi, dosent
- Hidayət Hüseynov – texniki elmlər namizədi, dosent
- Qəhrəman Namazov – texniki elmlər namizədi, dosent
- Mərdan Tağıyev – texniki elmlər namizədi, dosent
- Müşviq Xəlilov – texniki elmlər namizədi, dosent
- Aygün Hacıyeva – texniki elmlər namizədi, dosent
- Səadət Əbilova – kimya elmlər namizədi, dosent əvəzi
- Məsim Abadov – biologiya elmlər namizədi, dosent
İstinadlar[redaktə | əsas redaktə]
- ↑ A.Ş.Süleymanovun Azərbaycan Texnologiya Universitetinin rektoru təyin edilməsi haqqında Azərbaycan Respublikası Prezidentinin Sərəncamı
- ↑ ""Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 15 iyul 2011-ci il tarixli, 118 nömrəli Qərarı. (azərb.)
- ↑ Azərbaycan Texnologiya Universitetinin məzunları
