Sumqayıt Dövlət Universiteti

Vikipediya, azad ensiklopediya
Jump to navigation Jump to search
Sumqayıt Dövlət Universiteti
SDU
Sumqayıt Dövlət Universiteti loqo.jpg
Əvvəlki adları Azərbaycan Neft və Kimya İnstitutunun filialı
(1962–1975)
Ali Texniki Təhsil Məktəbi (1975–1992)
Azərbaycan Sənaye İnstitutu (1992–2000)
Əsası qoyulub 1962
Tip Ali məktəb
Rektor Elxan Hüseynov
Tələbə sayı 8000
Şəhər Sumqayıt
Ölkə
Vikianbarın loqosu Vikianbarda əlaqəli mediafayllar

Sumqayıt Dövlət Universiteti və ya qısaca SDUAzərbaycanın Sumqayıt şəhərində yerləşən və Azərbaycan Respublikası Təhsil Nazirliyinin tabeliyində olan ali təhsil müəssisəsi.

Tarixi[redaktə | mənbəni redaktə et]

Sumqayıt Dövlət Universiteti.jpg

Universitetin tarixi 1962-ci ildən başlayır. Həmin il bu ali məktəb SSRİ Nazirlər Sovetinin qərarına əsasən Azərbaycan Neft və Kimya İnstitutunun filialı olaraq yaradılmışdır.1975-ci ilə qədər filial kimi fəaliyyət göstərmiş, 1975–1992-ci illərdə isə Ali Texniki Təhsil Məktəbi adı altında tədrisini davam etdirmişdir. 1992-ci ildən Azərbaycan Sənaye İnstitutu adlandırılıb.

Azərbaycan Respublikası Prezidentinin 13 iyun 2000-ci il tarixli fərmanı ilə Azərbaycan Sənaye İnstitutunun bazasında Sumqayıt Dovlət Universiteti yaradılmışdır.

AMİ Sumqayıt filialı[redaktə | mənbəni redaktə et]

Azərbaycan Müəllimlər İnstitutunun Sumqayıt filialı Azərbaycan Respublikasının Prezidenti Heydər Əliyevin 13 iyun 2000-ci il tarixli 349 nömrəli Fərmanı ilə Sumqayıt Politexnik Texnikumunun bazasında yaradılmışdır.

Filial fəaliyyətinə keçmiş Sumqayıt Politexnik Texnikumunun üç tədris korpusundan ibarət ikimərtəbəli, tədris üçün yararsız olan və o zamanlar köçkünlər məskunlaşmış binasında başlamışdır.

Filial Azərbaycan Respublikası Prezidentinin 24 iyul 2015-ci il tarixli Sərəncamına əsasən ləğv edilmişdir.[1] Bundan sonra təhsil nazirinin sərəncamına əsasən filialın bütövlükdə öz maddi-texniki bazası, pedaqoji və tələbə heyəti ilə birlikdə Sumqayıt Dövlət Universitetinin nəzdinə keçirilməsi qərara alınmışdır.[2]

Fakültələri[redaktə | mənbəni redaktə et]

Universitetdə 7 fakültə mövcuddur:

  • İqtisadiyyat və idarəetmə;
  • Fizika və elektroenergetika;
  • Tarix və coğrafiya;
  • Filologiya;
  • Mühəndislik;
  • Riyaziyyat;
  • Kimya və biologiya.

Maddi-texniki bazası[redaktə | mənbəni redaktə et]

SDU-nun 3 tədris korpusu, 2 yataqxanası, müasir təhsil standartlarına uyğun auditoriya və laboratoriyaları, zəngin kitabxanası, müasir texnika ilə təchiz olunmuş informasiya-hesablama mərkəzi, nəşriyyat-poliqrafiya şöbəsi, idman kompleksi və yeməkxanası vardır.

Azərbaycan Respublikası Prezidentinin 24 iyul 2015-ci il tarixli Sərəncamına əsasən ləğv edilmiş Azərbaycan Müəllimlər İnstitutunun Sumqayıt filialının təhsil nazirinin sərəncamına əsasən bundan sonra bütövlükdə öz maddi-texniki bazası, pedaqoji və tələbə heyəti ilə birlikdə Sumqayıt Dövlət Universitetinin nəzdinə keçirilməsi qərara alınmışdır.

Tələbə yataqxanası[redaktə | mənbəni redaktə et]

Sumqayıt Dövlət Universitetinin arxasında – şəhərin 44-cü məhəlləsindəki Ağa Quliyev küçəsində universitetin tələbə yataqxanası yerləşir. Amma Qarabağ müharibəsi səbəbindən yataqxanada 1993-cü ildən qaçqın və məcburi köçkünlər məskunlaşdığı üçün tələbə yaşamır.

Xatirə bağçası[redaktə | mənbəni redaktə et]

2011-ci ildə — 20 Yanvar faciəsinin növbəti ildönümü ərəfəsində universitetdə Xatirə Bağçasının açılışı olmuşdur. Şəhərdəki bu yeganə ali məktəbin yenidən abadlaşdırılmış həyətində universitetin tələbələri olmuş beş şəhidin (Mehdi Mehdiyev, Fuad Əhmədov, Namiq Hüseynov, Həmzə Adıyev və İbrahim Tağıyevin) şərəfinə Xatirə Parkı salınmış, parkda abidə qoyulmuşdur.

Təşkilatlar[redaktə | mənbəni redaktə et]

Tələbə təşkilatları[redaktə | mənbəni redaktə et]

  • Tələbə gənclər təşkilatı;
  • Tələbə həmkarlar ittifaqı;
  • Tələbə elmi cəmiyyəti.

Digər təşkilatlar[redaktə | mənbəni redaktə et]

2014-cü il noyabrın 12-də Sumqayıt şəhər Veteranlar Şurasının müraciətinə əsasən SDU-da Veteranlar təşkilatının ilk özəyi yaradılmışdır.[3]

Rektor[redaktə | mənbəni redaktə et]

Sumqayıt Dövlət Universitetinin ilk rektoru 30 iyun 2000-ci ildən2013-cü ilin dekabrına qədər Nadir Fərrux oğlu Qəhrəmanov olmuşdur.

2013-cü ilin dekabr ayında SDU-nun rektoru vəzifəsinin icrası müvəqqəti olaraq Elxan Bahadur oğlu Hüseynova həvalə edilmişdir. O, Azərbaycan Respublikası Prezidentinin 6 mart 2014-cü il tarixli Sərəncamı ilə Sumqayıt Dövlət Universitetinin rektoru vəzifəsinə təyin edilmişdir[4]

Beynəlxalq əlaqələri[redaktə | mənbəni redaktə et]

Qafqaz Universitetlər Birliyinin üzvüdür.[5]

Universitetin alimləri MDB ölkələrinin aparıcı universitetləri və elmi-tədqiqat mərkəzləri ilə, Fransanın Nitse, Sorbonna Universitetləri, Türkiyənin İstanbul Texniki Universiteti, Bursadakı Uludağ Universiteti, Pakistanın SidhMehran universitetləri və Ukrayna Milli Texniki Universiteti[6] ilə qarşılıqlı əməkdaşlıq edirlər.

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]

Həmçinin bax[redaktə | mənbəni redaktə et]