Xəzər Universiteti

Vikipediya, açıq ensiklopediya
Keçid et: naviqasiya, axtar

Xəzər Universitəsi

Yaranma tarixi 18 mart 1991
Tip Özəl
Rektor Hassan Niknafs
Tələbə sayı 2500
Şəhər Bakı
Ölkə Flag of Azerbaijan.svg Azərbaycan
Ünvan Bakı şəhəri, Məhsəti 11
Vebsayt www.khazar.org
Xəzər Universitetinin qurucusu Hamlet İsaxanlı

Xəzər Universiteti və ya Xəzər Universitəsi — Azərbaycanda rəsmi fəaliyyətə başlamış ilk özəl ali məktəbdir[1][2][3][4]. Xəzər Universiteti professor Hamlet İsaxanlı tərəfindən təsis olunmuşdur. O, 1991-ci ildən 2010-cu il sentyabrın 6-na qədər rektor vəzifəsini də daşımışdır. 6 sentyabr 2010-cu ildən başlayaraq təsisçilikdən əlavə professor Hamlet İsaxanlı Xəzər Universiteti Direktorlar və Qəyyumlar Şurasının sədri kimi fəaliyyətə başlamışdır.

Mövcud olduğu illər ərzində müxtəlif dərgi və televiziya sorğuları, tələbələr arasında keçirilən sorğular, qeyri-hökumət təşkilatlarının apardığı tədqiqatlar, beynəlxalq komissiyaların dəyərləndirmələri, beynəlxalq şirkətlərin rəyi, beynəxalq reytinqlər və sairlərdə Xəzər Universiteti Azərbaycanın, eləcə də QafqazMərkəzi Asiyanın, Yaxın Şərqin və Şərqi Avropanın ən yaxşı ali məktəblərindən biri olaraq qiymətləndirmişdir.[5][6] Xəzər Universiteti ən ciddi və müasir ali məktəb, güclü elmmədəniyyət ocağı kimi ictimai rəy qazanmışdır.

Mündəricat

Yaranma tarixi və akreditasiya[redaktə | əsas redaktə]

Keçmiş SSRİ-də ilk ingilisdilli özəl ali məktəb olan Xəzər Universiteti 1991-ci il martın 18-də Azərbaycan Respublikası Nazirlər Kabinetinin 41 saylı qərarı ilə, Azərbaycanda beynəlxalq standartlara uyğun kadrlara, eləcə də ingilisdilli mütəxəssislərə olan kəskin ehtiyacı ödəmək məqsədilə yaradılmışdır. Bir qədər əvvəl – 1990-cı il dekabrın 20-də Nazirlər Sovetinin 286 saylı sərəncamına əsasən bu ali məktəbin yaradılması üçün hazırlıq işləri aparılmışdı. Universitet 1993-cü il aprelin 10-da Təhsil Nazirliyi yanında Dövlət Ali Ekspert Komissiyasının 9/1 saylı qərarı və 1995-ci il martın 4-də Azərbaycan Respublikası Nazirlər Kabinetinin 45 saylı qərarı ilə özəl ali məktəb kimi yenidən qeydiyyatdan keçmişdir.

Məkan[redaktə | əsas redaktə]

Xəzər Universiteti Bakı şəhərində yerləşən 3 kampusa və ayrıca bir mərkəzə malikdir. Daha bir kampus hal-hazırda tikilir.

Xəzər Universiteti047.jpg
Xəzər Universiteti023.jpg
Xəzər Universiteti025.jpg
Xəzər Universiteti038 BS.jpg
Mekteb.jpg
  • Neftçilər kampusu – Neftçilər metro stansiyasının yaxınlığında yerləşir. Ünvan: Məhsəti küç. 11; AZ 1009* ==Xəritə==
  • Bəşir Səfəroğlu kampusu – Bakı şəhərinin mərkəzində yerləşir. Ünvan: Bəşir Səfəroğlu küç. 122; AZ 1009
  • Alatava kampusu – Ünvan: Alatava küç 2; AZ 1012
  • Binəqədi kampusu – Xəzər Universiteti və Dünya məktəbi üzrə yeni təhsil kompleksi. Naxçivani küç. 9; AZ 1130

Rəmzlər və musiqilər[redaktə | əsas redaktə]

Xazar bayraqdalga.jpg
Xəzər Universiteti039.jpg


  • Xəzər Universitəsi Məzunluq Andı:
" "Xəzər Universitəsində əldə etdiyim bilik və bacarığı tətbiq edərək ailəm, xalqım və vətənim üçün faydalı olacağıma and içirəm!

Xəzər Universitəsinin şərəfini qoruyacağıma and içirəm!"

"

Fakültə və ixtisaslar[redaktə | əsas redaktə]

Xəzər universitetində 4 fakültə fəaliyyət göstərir:
1 Xəzər Universiteti Mühəndislik və Tətbiqi Elmlər fakültəsi
2 Xəzər Universiteti İqtisadiyyat və menecment fakültəsi
3 Xəzər Universiteti Humanitar və Sosial Elmlər fakültəsi
4 Xəzər Universiteti Təhsil fakültəsi

Fakültələrdə aşağıdakı ixtisaslar üzrə kadr hazırlığı aparılır.

Mühəndislik və tətbiqi elmlər fakültəsi[redaktə | əsas redaktə]

Fakültədə fəaliyyət göstərən ixtisaslar:
1 Kompüter mühəndisliyi (BS, MS); yəni bakalavr, magistr və Elmlər doktoru (PhD) dərəcələri üzrə
2 İnşaat mühəndisliyi (BS)
3 Kompüter elmləri (BS, MS, PhD)
4 ElektronikaTelekommunikasiya (BS, MS)
5 Neft-qаz mühəndisliyi (BS, MS)
6 Kimya mühəndisliyi (BS)
7 Mexanika mühəndisliyi (BS)
8 Dizayn (BS)
9 Bioloji-tibbi mühəndislik (BS, MS)
8 Analiz və funksional analiz (PhD)
10 Diferensial tənliklər (PhD)
11 Sistemli analiz, idarəetmə və informasiyanın işlənməsi (PhD)

İqtisadiyyat və menecment fakültəsi[redaktə | əsas redaktə]

Fakültədə fəaliyyət göstərən ixtisaslar:
1 Biznesin idarə edilməsi (BBA, MBA)
2 İqtisadiyyat (BS, MS)
3 Ümumi İqtisadiyyat (MS)
4 Dünya İqtisadiyyatı (MS)
5 Marketinq (BBA, MBA)
6 Maliyyə (BBA, MBA)
7 Daxili fiskal siyasət və dövlət maliyyəsi (PhD)
8 Mühasibat uçotu və audit (BBA, MBA)
9 Menecment (BBA, MBA, PhD)
10 Beynəlxalq iqtisadiyyat (MBA)
11 Layihə idarəedilməsi (MBA)

Humanitar və sosial elmlər fakültəsi[redaktə | əsas redaktə]

Fakültədə fəaliyyət göstərən ixtisaslar:
1 İngilis dili və ədəbiyyatı (BA)
2 Dilşünaslıq (İngilis dili) (MA)
3 Ədəbiyyatşünaslıq (İngilis ədəbiyyatı) (MA)
4 German dilləri (İngilis dili) (PhD)
5 Regionşünaslıq (regionlar üzrə) (BA, MA)
6 Beynəlxalq münasibətlər (BA, MA, PhD)
7 Siyasi elmlər (Politologiya) (BA, MA, PhD)
8 Radiotelejurnalistika (MA)
9 Beynəlxalq jurnalistika (MA)
10 Tərcümə (ingilis dili) (BA, MA)
11 Psixologiya (BA)
12 Sosial fəlsəfə (PhD)
13 Fəlsəfə tarixi (PhD)
14 Azərbaycan tarixi (PhD)
15 Dünya tarixi (PhD)

Təhsil Fakültəsi[redaktə | əsas redaktə]

Fakültədə fəaliyyət göstərən ixtisaslar:
1 İbtidai sinif müəllimliyi (BS)
2 Riyaziyyat və informatika müəllimliyi (BS)
3 Fizika müəllimliyi (BS)
4 Kimya müəllimliyi (BS)
5 Biologiya müəllimliyi (BS)
6 Tarix müəllimliyi (BA)
7 Coğrafiya müəllimliyi (BA)
8 Azərbaycan dili və ədəbiyyatı (BA)
9 Azərbaycan dili və ədəbiyyatı müəllimliyi (BA)
10 Azərbaycan dili (MA)
11 Azərbaycan ədəbiyyatı (MA, PhD)
12 İngilis dili müəllimliyi (BA)
13 Pedaqogika nəzəriyyəsi və tarixi (MA, PhD)
14 Təhsilin idarə edilməsi (MA, PhD)

Departamentlər[redaktə | əsas redaktə]

1 Azərbaycan dili və ədəbiyyatı
2 Biologiya
3 Kimya
4 İnşaat mühəndisliyi
5 Kompüter mühəndisliyi
6 Dillər və mədəniyyətlər
7 İqtisadiyyat və menecment
8 Təhsil
9 ElektronikaTelekommunikasiya
10 İngilis dili və ədəbiyyatı
11 Coğrafiya
12 Tarix və arxeologiya
13 Jurnalistika
14 Hüquq
15 Riyaziyyat
16 Musiqi və incəsənət
17 Neft-qаz mühəndisliyi
18 Fəlsəfə və sosiologiya
19 Siyasi Elm və Beynəlxalq Münasibətlər
20 Psixologiya

Doktorantura təhsili[redaktə | əsas redaktə]

Universitetdə fəlsəfə doktoru üzrə doktorantura təhsili verilir[7].

Ümumi məlumat[redaktə | əsas redaktə]

Universitetdə 200-dən çox professor-müəllim heyəti, o cümlədən 40-a yaxın elmlər doktoru, 100-ə yaxın elmlər namizədi (Ph.D) çalışır. Müəllimlərin əksəriyyəti xarici ölkələrdə təhsil almış və ya təcrübə keçmiş tanınmış alimlər, elmmədəniyyət xadimləridir. Universitədə yerli müəllimlərlə yanaşı xarici mütəxəssislər də çalışır.

Universitet geniş maddi-texniki bazaya malikdir. Burada 5 tədris korpusu, nəşriyyat, mətbəə, elmi-tədris laboratoriyaları və muzeylər mövcuddur, üç dildə elmi-kütləvi jurnal və bir sıra elmi jurnallar nəşr olunur. Tələbələrə və tədqiqatçılara ən müasir xidmət göstərın zəngin kitabxanada Azərbaycan, rus, ingilis, fransız, alman, fars, türk, ərəb, yapon, ispan, italyan, çin və digər dillərdə 200 mindən çox kitab, minlərlə elmi jurnallara çıxışı təmin edən elektron məlumat bazası mövcuddur. Bu kitabxana Azərbaycanda ən müasir və zəngin ingilisdilli kitabxanadır, ən böyük və zəngin özəl ali məktəb kitabxanasıdır. Universitədə mövcud olan kitab, jurnal və digər çap və elektron məhzullarının çox böyük hissəsi yeni və müasir nəşrlərdir.

Xəzər Universitetinin kitabxanası

Kitabxana arasıkəsilmədən öz fondunu genişləndirməkdədir, xidmətini təkmilləşdirməkdədir.

Universitetdə 7 kompüter mərkəzi fəaliyyət göstərir. Universitetdə təhsil alan 4-5 tələbəyə 1 kompüter düşür; bu, Azərbaycan ali məktəbləri arasında ən yüksək göstəricidir. Bütün mərkəzlər tələbə və işçilərin tədris və tədqiqat ehtiyaclarına xidmət edir.

Xəzər Universitetində dərslər, əsasən, ingilis dilində tədris edilir. Bununla yanaşı, ingilis dilini zəif bilən və ya ingilis dilini öyrənməmiş abituriyentlər də Xəzər Universitetinə qəbul oluna bilərlər. Onlar ingilis dilini təcrübəli müəllimlərin köməyilə intensiv surətdə xüsusi proqram əsasında öyrənir və sonra təhsillərini ingiliscə davam etdirirlər.

Təhsildə fərqlənən tələbələr təhsillərinin bir hissəsini ABŞ, Kanada, AvropaAsiyanın çoxsaylı universitetlərində davam etdirmək imkanı qazanırlar. İndiyə qədər müxtəlif ixtisaslar üzrə təhsil alan yüzlərlə tələbə öz təhsilinin müəyyən hissəsini xarici ölkələrdə davam etdirmişdir.

Хəzər Universiteti tələbəyə geniş seçim imkanı verən çevik kredit sistemini Аzərbаycаndа tаm tətbiq edən ilk аli məktəbdir (Bu işə o, Avropadakı Bologna sistemindən xeyli əvvəl başlamışdır!)

Tаnınmış yerli və хаrici mütəхəssislərin işə cəlb оlunmаsı, geniş beynəlхаlq əlаqələr, ciddilik, hаlаllıq, çevik və ədаlətli yeni təhsil mоdeli, dünyа təhsil təcrübəsinə və təhlilə əsаslаnаn təhsil-tədris prinsipləri "Хəzər"i fərqləndirən cəhətləridir.

İnstitut və Mərkəzlər[redaktə | əsas redaktə]

Xəzər Universitetində akademik departmentlərlə (kafedralarla) yanaşı bir sıra institut və mərkəzlər də fəaliyyət göstərir. Onlar beynəlxalq layihələr və bölgə ilə bağlı proqramlar həyata keçirir, ölkənin və geniş bölgənin elmi-iqtisadi-siyasi-mədəni inkişafı üçün zəruri olan məsələlər ətrafında tədqiqatlar aparır.

1 Magistratura, Doktorantura və Elmi işlər bölməsi
2 Kitabxana İnformasiya Mərkəzi
3 Elm və Sənət məclisi
4 Xəzər Universiteti Hazırlıq Mərkəzi
5 Qafqaz Tədqiqat Resurs Mərkəzi
6 İnkişaf mərkəzi
7 Beynəlxalq Tələbə və Mütəxəssislər Mərkəzi
8 Təhsil Siyasəti İnstitutu
9 Peşə-məşğulluq Mərkəzi
10 Hüquq Tədris Mərkəzi
11 Xəzər tərcümə araşdırmaları mərkəzi
12 Avrasiya Hasilat Sənayesi Bilik Mərkəzi
13 E-təhsil mərkəzi
14 Keyfiyyətin təminatı mərkəzi
15 Layihə idarəetmə məktəbi
16 Xəzər internet institutu
17 Psixoloji Məsləhət və Psixoterapiya Mərkəzi
18 Regionşünaslıq mərkəzləri
19 E-Media
20 Xəzər Universiteti İnnovasiya Mərkəzi
21 Miqrasiya Araşdırmaları Mərkəzi


Magistratura, Doktorantura və Elmi işlər bölməsi[redaktə | əsas redaktə]

Magistratura, Doktorantura və Elmi işlər bölməsi Rektorun T/16 nömrəli 2 aprel 2011-ci il tarixli əmrinə əsasən, kadr hazırlığı spektrini genişləndirmək, habelə tədqiqat işlərinin təkmilləşdirilməsi və idarə edilməsi məqsədilə yaradılmışdır. Magistratura, Doktorantura və Elmi işlər bölməsinin missiyası iki mühüm məsələni əhatə edir:

  • Magistratura və doktorantura təhsili sahəsində işlər
  • Tədqiqat sahəsində işlər

Kitabxana İnformasiya Mərkəzi[redaktə | əsas redaktə]

Xəzər Universiteti033.jpg

Xəzər Universiteti Kitabxana İnformasiya Mərkəzi universitet tədris binalarının hər birində yer tutur və fəaliyyət göstərir. Yeni istifadəyə verilmiş tədris binasının (Məhsəti küçəsi 11) 5-ci və 6-cı mərtəbəsi bütövlükdə kitabxana-informasiya mərkəzinə məxsusdur. Dünyаnın bir çох ölkələrindən аlınıb gətirilmiş, elmin müхtəlif sаhələrinə аid ən müasir dərslik və mоnоqrаfiyаlаrlа zəngin bu kitаbхаnа tədqiqat və treyninqlə də məşğul olur.

Kitаbхаnа infоrmаsiyа mərkəzi, Science Direct, Cambridge University Press, Oxford University Press, Bio One, AGORA, Ingenta və s. kimi zəngin verilənlər bаzаlаrınа çıxışı (əlçatanlığı) təmin edir. Universitenin tələbələrinin dünyаnın müхtəlif yerlərində nəşr оlunаn 5000-dən artıq аkаdemik və 3600-dən çox biznes jurnаllаrınа çıхışı vаr. Universitədə mövcud olan 200.000-dən çox nüsxə kitabın böyük qismi yeni nəşrlərdir.

Elm və Sənət məclisi[redaktə | əsas redaktə]

Əsas məqalə: Elm və Sənət Məclisi
Assembly of Science and Art

Universitetdə 2006-cı ildən professor Hamlet İsaxanlı nın rəhbərliyi altında fəaliyyətə başlayan "Elm və Sənət Məclisi" qısa müddət ərzində nəinki alim, müəllim, ziyalı, sənət adamları və tələbələrin rəğbətini qazanmışdır. ABŞ, İngiltərə, Almaniya, Türkiyə, Rusiya, İran, Yaxın ŞərqOrta Asiya dan dəvət olunan tanınmış mütəxəssislər Xəzər universiteti "Elm və sənət Məclisi"nin qonağı olmuş, maraqlı mövzularda mühazirələr oxumuş, geniş və dərin müzakirələrin iştirakçısı olmuşlar. Bu məclis son illərdə Azərbaycanda elm və sənət adamlarının, tələbə və ziyalıların məmnuniyyətlə gəldikləri bir yerdir. Adətən ayda bir və ya iki dəfə keçirilən "Elm və Sənət Məclisi"nin materialları nəfis şəkildə çap olunur. Assembly of Science and Art

Xəzər Universiteti Hazırlıq Mərkəzi[redaktə | əsas redaktə]

Xəzər Universiteti Hazırlıq Mərkəzi Xəzər Universitetinin nəzdində fəaliyyət göstərir və aşağıdakı xidmətləri təklif edir:

  • Hazırlıq kursları
  • Magistraturaya hazırlıq kursları
  • Xarici dil kursları
  • TOEFL, IELTS, GMAT, GEİ, SAT hazırlıq kursları
  • Kompüter kursları

Kompüter və xarici dil kurslarını bitirdikdikdən sonra Xəzər Universiteti bütün iştirakçıları sertifikatla təmin edir.

Qafqaz Tədqiqat Resurs Mərkəzi[redaktə | əsas redaktə]

QTRM sosial elmlər üzrə mütəxəssislərə fundamental ədəbiyyatdan, məlumatlardan istifadə etmək imkanı yaratmaqla Cənubi Qafqazda sosial elmlər üzrə fəaliyyət göstərən bir mərkəzdir.

İnkişaf mərkəzi[redaktə | əsas redaktə]

Xəzər Universiteti İnkişaf mərkəzi universitetin fəaliyyətinə və uğurlarına yaxından dəstək olmaq məqsədi ilə yaradılmışdır. Mərkəz universitetin rektoru və təsisçisinin birbaşa tabeliyindədir və təsdiq edilmiş inkişaf proqramını idarə edir, universitetin inkişafını nəzarətdə saxlayır, şura üzvləri, donorlar, məzunlar və administrasiya ilə məhzuldar əlaqələrin qurulmasını təmin edir. İnkişaf mərkəzi aşağıdakı sahələrdə fəaliyyət göstərir: - Fandreyzinq - Məzunlarla əlaqələr - Valideynlərlə əlaqələr - Donorlarla əlaqələr - Təşkilati və korporativ əlaqələr İnkişaf mərkəzi fandreyzinq ilə bağlı olan bütün işləri, tədbirləri hazırlayır, həyata keçirir və idarə edir. Mərkəzin heyəti donorlarla əlaqələrin qurulub inkişaf etdirilməsi sahəsində bütün fəaliyyət və strategiyaları idarə edirlər. Eləcə də mərkəz fondlar və korporasiyalar üçün qrant təkliflərini inkişaf etdirmək, illik fandreyzinq proqramlarını inkişaf etdirmək və həyata keçirmək, hərtərəfli təşviqat proqramını inkişaf etdirmək missiyası daşıyır.

Beynəlxalq Tələbə və Mütəxəssislər Mərkəzi[redaktə | əsas redaktə]

Xəzər Universitetinin əcnəbi tələbələri
Xəzər Universiteti032.jpg

BTMM-nin missiyası Xəzər Universitetinin beynəlmiləşməsinə yardım etməkdən ibarətdir. Mərkəz təhsil almaq, elmi tədqiqatlar aparmaq, dərs keçmək və digər məqsədlər üçün universitətə gələn qonaqlara tam xidmət göstərir. BTMM-nin göstərdiyi xidmətlərə aşağıdakılar daxildir:

  • Viza qeydiyyatı
  • Qonaqların gəlişini təşkil etmək
  • Mənzillə təchiz etməkdə yardım
  • Miqrasiya xidməti
Xəzər Universitetində beynəlxalq tələbələr

Mərkəzin əməkdaşları xarici tələbərə müvəqqəti yaşama vəsiqəsinin tez bir zamanda alınması üçün sənədləşmə prosessinə birbaşa nəzarət edir və beynəlxalq tələbələr qısa müddət ərzində vəsiqəni əldə edirlər.

Təhsil Siyasəti İnstitutu[redaktə | əsas redaktə]

İnstitutun məqsədi:

  • Təhsildə dünya təcrübəsini öyrənmək, keyfiyyətin artırılması və onun ölçülməsi problemləri üzərində çalışmaq;
  • Azərbaycanda təhsil siyasətinin və təhsil sisteminin inkişaf yollarını araşdırmaq;
  • Bolonya Prosesini yaxından izləmək və maraqlı tərəflərə bu sahədə yardım göstərməkdir.

Peşə-məşğulluq Mərkəzi[redaktə | əsas redaktə]

Xəzər Unicersiteti peşə-məşğulluq Mərkəzi.jpg
Career Development Center holds career fair in Khazar courtyard

Xəzər Universiteti Peşə-Məşğulluq Mərkəzi ABŞ Avrasiya Fondunun dəstəyi ilə yaradılmışdır. Mərkəzin əsas məqsədi yuxarı kurs tələbələri və məzunlara uğurlu karyeralarının qurulmasında yardımçı olmaqdır.

Mərkəz müxtəlif beynəlxalq və yerli təşkilat və şirkətlərlə əlaqə saxlayır, mövcud iş yerləri ilə bağlı məlumatlar toplayır. Mərkəzin təşkil etdiyi iş yarmarkalarında tələbə və məzunlar işəgötürənlərlə birbaşa ünsiyyətdə olurlar.

Mərkəzdə tələbə və məzunlara müxtəlif beynəlxalq proqramlar, o cümlədən tələbə mübadiləsi, beynəlxalq təqaüd və maliyyə mənbələri haqqında məlumatlar da verilir. Bu proqramlarda iştirak etmək üçün zəruri olan sənədləşmələrin düzgün yazılması ilə bağlı məsləhətlər verilməsi də mərkəzin fəaliyyət dairəsinə daxildir. Mərkəzin əməkdaşları müxtəlif yerli və beynəlxalq treyninqlərdə iştirak edirlər.

Hüquq Tədris Mərkəzi[redaktə | əsas redaktə]

Hüquq Tədris Mərkəzi

Hüquq Tədris Mərkəzi 2013-cü ilin yanvar ayında Azərbaycan Hüquqşünasları Konfederasiyası (AHK) və ABŞ İnkişaf Agentliyi (USAİD) dəstəyi ilə “Azərbaycan Hüquq Konsorsiumu” layihəsi çərçivəsində yaradılmışdır. AHK layihəsinin ümumi məqsədləri hüququn aliliyinin, vətəndaşların hüquqlarının və maraqlarının daha yaxşı müdafiəsinin təmin olunması üçün hüquqi maarifləndirmə və vətəndaş cəmiyyətinin təsirliliyinin artırılmasıdır. Layihənin xüsusi məqsədləri isə Azərbaycan hökümət dairələrinin vətəndaşların hüquqlarının qorunması sahəsində həyata keçirilən islahatların inkişafının aktiv şəkildə dəstəklənməsi və təşviq edilməsi, müştərilərə yardım göstərilməsi və qanunların tətbiqi sahəsində hüquqi peşəkarlığın səviyyəsinin artırılmasından ibarətdir. Hazırda Azərbaycanda gənc hüquqşünasların hazırlanması əsasən akademik səviyyədə keçirilir. Belə ki, tələbələrin kifayət qədər praktiki vərdişlərə yiyələnməməsi uğurlu karyeranın başlanmasına təsir edir.

Xəzər tərcümə araşdırmaları mərkəzi[redaktə | əsas redaktə]

Tərcümə Araşdırmaları Mərkəzinin əsas məqsədi müxtəlif dillərdə nəşr olunmuş elmi-texniki, bədii, ictimai-siyasi, tarixi əsərlərin Azərbaycan dilinə çevirmək, həmçinin yazılı Azərbaycan mədəniyyət nümunələrini başqa dillərə tərcümə etməkdir. Mərkəz tərcümənin tədqiqi, tədrisi və tərcüməçilərin hazırlanması işlərində də iştirak edir.

Avrasiya Hasilat Sənayesi Bilik Mərkəzi[redaktə | əsas redaktə]

Avrasiya Hasilat Sənayesi Bilik Mərkəzi 2010-cu ilin sentyabrında Xəzər universitəsi ilə ABŞ-ın Gəlirlərə Nəzarət İnstitutu (Revenue Watch Institute) arasında imzalanmış Anlaşma Memorandumuna əsasən yaranmışdır. Mərkəz Bakı şəhərində, Xəzər universitəsində yerləşir. Mərkəzin əsas fəaliyyəti Avrasiya məkanında (əsasən əski Sovet Respublikaları) hasilat sənayesində (neft, qaz və dağ-mədən sənayesi) fəaliyyət göstərən qeyri hökumət təşkilatları, habelə media mənsublarının bu sahədə bilik və bacarığının artıtırlmasına yönəlib.

E-təhsil mərkəzi[redaktə | əsas redaktə]

E-təhsil mərkəzi

Xəzər Universitetinin E-təhsil mərkəzi işçilərə aşağıdakı sahələrdə köməklik göstərir:

Tədris proqramlarının inkişafı İnternetlə bağlı kursların təşkili E-təhsil texnologiyalarının yayılması Onlayn təlimin asanlaşdırılması Onlayn tədris strategiyaları Tələbələrin onlayn öyrənmə prosesinə nəzarət olunması

E-təhsil mərkəzi professor-müəllim və işçi heyəti üçün təlimlər keçirir, onlayn kursların necə planlaşdırılması, hazırlanması və inkişaf etdirilməsi məqsədilə seminarlar təşkil edir. Mərkəz müəllimlərə həmçinin təhsil texnologiyalarından səmərəli istifadə olunması istiqamətində də treyninqlər təşkil edir. Xəzər Universiteti e-təhsilin təchizi və kadr hazırlığı üçün güclü texniki infrastrukturla təmin olunub. Mərkəz e-təhsil kurslarının nəticələrini və tələbələrin irəliləyişini izləmək üçün Moodle təlim idarəetmə sistemindən istifadə edir.

Keyfiyyətin təminatı mərkəzi[redaktə | əsas redaktə]

Keyfiyyətin Təminatı Mərkəzi 1999-cu ildə Tempus Tacis layihəsi (1999-2001) çərçivəsində yaradılmışdır.

Mərkəz 3 istiqamətdə fəaliyyət göstərir :

  • Kurrikulanın yoxlanılması və təhlili;
  • Tədrisin keyfiyyətinin qiymətləndirilməsi;
  • Kadrların inkişafı və qiymətləndirilməsi.

Layihə idarəetmə məktəbi[redaktə | əsas redaktə]

Layihə idarəetmə məktəbi Azərbaycanda layihə idarə etmək təcrübəsinin və qabiliyyətinin inkişaf etdirilməsi məqsədilə BP, onun neft və qaz tərəfdaşları tərəfindən yaradılmış, Xəzər Universiteti və Amerikanın Beynəlxalq Təhsil Xidmətləri İnstitutu tərəfindən həyata keçirilir. Məktəb 2011-ci il 28 yanvar tarixindən etibarən fəaliyyətə başlayıb, aparıcı özəl, ictimai və beynəlxalq təşkilatların, eləcə də yerli biznes nümayəndələri üçün açıqdır. Layihələrin İdarə olunması Məktəbi bu təşkilatların bütün işçiləri üçün Beynəlxalq Təhsil Xidmətləri İnstitutunun dünya səviyyəli müəllimləri tərəfindən tədris edilən yeddi fəndən ibarət təlim proqramını təklif edir. Məktəbin məqsədlərindən biri də məhz xarici təcrübəli müəllimlərin köməyi ilə gələcəkdə bu proqram üzrə nəzərdə tutulan fənləri tədris edə biləcək yerli kadrların hazırlanmasıdır.

Xəzər internet institutu[redaktə | əsas redaktə]

Xəzər internet institutu Xəzər Universitetinin www.khazar.org saytına nəzarət edir. Xəzər Universitetində Internet Programming dərsinin tədrisi. Dərs proqramı HTML, CSS, PHP, MySQL, JavaScript haqqında təlimləri əhatə edir. Google Technology User Groups (GTUG) Azerbaijan tərəfindən təşkil olunmuş Android Erası 1 və 2 yarışmalarına məkan dəstəyi olur: Android Erası 1 - http://androidage.hackathonazerbaijan.org/ , Android Erası 2 - http://hackathonazerbaijan.org.

Psixoloji Məsləhət və Psixoterapiya Mərkəzi[8][redaktə | əsas redaktə]

2009-cu ildə yaradılan bu mərkəzin bir neçə məqsədi var.

  • Ayrı-ayrı fərdlərə və müxtəlif təşkilatlara psixologi xidmət göstərmək
  • Psixologiya nın müxtəlif sahələri üzrə elmi-tədqiqat işləri aparmaq, konfranslar təşkil etmək
  • Psixologiya üzrə maarifçilik işləri görmək
  • Psixologiya ixtisası üzrə təhsil alan tələbələrə təcrübə keçmək imkanı yaratmaq.

Psixoloji Məsləhət və Psixoterapiya Mərkəzi AvropaAmerika nın bir çox psixoloji mərkəzləri və universitetləri ilə sıx əlaqə saxlayır, psixologiya elmində və təcrübəsində baş verən yenilikləri izləyir və tətbiq edir.

Regionşünaslıq mərkəzləri[redaktə | əsas redaktə]

Avropa Birliyi (AB) Araşdırmaları Mərkəzi, İranşünaslıq, Koreyaşünaslıq və Çinşünaslıq mərkəzləri Neftçilər kampusunda yerləşir və bu sahələr üzrə yüksək təhsil və tədqiqat aşılayır. Hal-hazırda Universitetdə İslam Dünyası Araşdırmalar Mərkəzinin yaradılması prosesi gedir. AB Araşdırmaları Mərkəzi Avropa İttifaqının TEMPUS layihəsi çərçivəsində yaradılıb. Bu mərkəz tələbə və alimlərin AB Araşdırmaları sahəsində tədqiqatlar aparması üçün nəzərdə tutulub. Aparıcı Avropa Universitetlərilə tərəfdaşlıq və tətbiqçi və alimlər ilə yeni ideyaların davamlı mübadiləsi mərkəzə öz tədqiqat məqsədləri gücləndirməyə və bütün əsas Aİ siyasəti bağlı konseptual və praktiki təcrübənın əlaqəsini yüksək səviyyədə təmin etməyə imkan yaradır. İranşünaslıq Mərkəzi tələbə və tədqiqatçıların İranFars dünyası haqqında öz biliklərini gücləndirməsinə kömək edir. Bu mərkəz dil dərsləri, mədəni və tarixi məsələlər haqqında yığıncaqlar təşkil edir.

Koreya Mərkəzi Koreya Respublikasının Azərbaycandakı Səfirliyinin dəstəyi ilə 2012-ci ildə təsis edilib və Koreyalılar tərəfindən idarə olunur. Bu mərkəz tələbələr üçün Koreya dili dərsləri və Koreya tarixi, siyasəti, iqtisadi və mədəniyyəti ilə əlaqəli seminarlar və mühazirələr təşkil edir. Bundan əlavə, 2013-cü ildə universitetdə Çin Xalq Respublikasının Azərbaycandakı səfirinin dəstəyi ilə Konfutsi İnstitutunun filialı açılıb. Bu, Çin dili, mədəniyyəti, tarixi və fəlsəfə tədqiqatları ilə bağlı bir mərkəzdir və Xəzər Universitetinin tələbələri, işçiləri və ümumi ictimaiyyəti üçün Çin dərsləri təşkil edir.

E-Media[redaktə | əsas redaktə]

2009-cu ildən Xəzər Universitəsində "Xəzərin Səsi" internet radiosu fəaliyyətə başlamışdır. 24 saat bütün dünyaya yayımlanan bu internet radioda xəbərlər, milli və klassik musiqi, müzakirələr və müsahibələr, poeziyası haqqında proqramlar yayımlanır. Bu radio Azərbaycanda ilk universitet radiosudur. Yaradıcı heyət isə tələbələrdən ibarətdir. Xəzər Universiteti nəzdində audio video-foto materiallarla əlaqəli Media Mərkəzi fəaliyyət göstərir. Mərkəzin vəzifəsi foto və video materialların arxivini yaratmaqdır. Mərkəzin əsas fəaliyyət istiqamətləri aşağıdakılardır: - Xəzər Universitetində keçirilən tədbirlərin foto və videosunu çəkmək - Videoların montajı və müxtəlif media məhzullarının (klip, film, və s.) istehsalı

Xəzər Universiteti İnnovasiya Mərkəzi[redaktə | əsas redaktə]

Xəzər Universiteti İnnovasiya Mərkəzinin əsas məqsədi biznes dünyası ilə universitetin arasında qarşılıqlı əlaqələr sistemini təşkil etməkdir. Mərkəz universitetlə birgə tədqiqat aparması üçün texnologiyaya əsaslanan bizneslərə müəllim və tələbələrin imkanlardan öz xeyirinə istifadə etmək və universitetin kitabxana laboratoriyalar, avadanlıq, xidmətlər və s. kimi resurslarına sərbəst daxil olaraq, onlardan yararlanmaq üçün şərait yaradır. Xəzər Universiteti İnnovasiya Mərkəzi sinif otaqlarında və laboratoriyalarda əmələ gəlmiş ideyaları real şərtlər mühitində yoxlayaraq, akademik missiyanı zənginləşdirir. Bundan başqa, mərkəz tələbələrə sənaye ilə birbaşa təcrübə və araşdırma imkanları təklif edir. Mərkəz ən yaxşı müəllim və tələbələrini cəlb etməyə və saxlamağa kömək edərək, Universitetin akademik missiyasını dəstəkləyir. Vəzifəsi Xəzər Universiteti İnnovasiya Mərkəzinin (Techno-Park) tərəfdaşları və iştirakçıları üçün təhsil, elm və biznesin inteqrasiyası vasitəsilə rəqabət üstünlükləri yaratmaq. Hədəf fəaliyyətləri

  • Yüksək texnoloji sənayelər
  • Elmi tədqiqatlar
  • Məsləhət, layihə və dəstək xidmətləri
  • Təlimlər

Miqrasiya Araşdırmaları Mərkəzi[redaktə | əsas redaktə]

UNIMIG

Miqrasiya Araşdırmaları Mərkəzi Avropa birliyinin Tempus layihəsi çərçivəsində yaradılmışdır.[9] Mərkəzin məqsədi elmi tətqiqatların aparılması, tətqiqatçılar, tələbələr, müəllimlər və praktik təcrübəsi olan mütəxəssislər üçün təlimlərin təşkilindən ibarətdir. Mərkəz həmçinin marifləndirmə məqsədilə müxtəlif seminar, konfrans və nəşrlər hazırlayır.Mərkəz bir sıra ali təhsil müəssisələri, yerli və beynəlxalq təşkilatlarla əməkdaşlıq edir.

Dünya məktəbi[redaktə | əsas redaktə]

Dunya1.jpg
Xəzər Universiteti041.jpg

"Dünya məktəbi"[10] Xəzər Universitetinin nəzdində fəaliyyət göstərən orta ümumtəhsil məktəbidir. Burada 3-5 yaşlı körpələr üçün bağça-hazırlıq sinifləri də mövcuddur.

2009-cu il yanvarın 16-nda məktəb beynəlxalq status almış, International Baccalaureate Organization (IBO) təşkilatının akkreditasiyasını keçmişdir. X və XI siniflərdə dərslər orta təhsil sahəsində dünyada ən geniş və ən nüfuzlu[11] şəbəkə yaratmış IBO-nun proqramı əsasında ingilis dilində keçiriləcək.

Məzunlar həm IBO diplomu, həm də Azərbaycan attestatı alacaqlar. Bəzi universitetlər IBO diplomuna sahib olanlara üstünlük verir, onları birbaşa və ya müsahibə yolu ilə tələbə kimi qəbul edirlər.

Tələbələrə dəstək sistemi[redaktə | əsas redaktə]

Khazar concert.gif
Khazar vocal concert.gif

Ali məktəbdə təhsil alan tələbələrin əksəriyyəti həyat təcrübəsi az olan gənclərdir. Buna görə də, onların hərtərfli dəstək və məsləhətlərə ehtiyacları var. Bu məqsədlə Xəzər Universitetində tələbələrə müxtəlif dəstək və yardım proqramları mövcuddur. Universitetdə təhsil və ümumilikdə həyatla bağlı müxtəlif sahələrdə tələbələrə kömək məqsədi ilə Tələbələrə Dəstək Sistemi yaradılmışdır.

Tələbələrə dəstək sisteminin əsas məqsədi müxtəlif yollarla karyeranın inkişaf etdirilməsi, hüququn tənzimlənməsi, məsləhət, psixoloji dəstək və tələbələrə xüsusi qayğı göstərməkdir. Universitetə yeni qəbul olan tələbələrə kampus və universitet şəraitinə uyğunlaşmaq üçün faydalı məlumatlarla zəngin məlumat kitabçası təqdim edilir.

Career fair.JPG
Clinic, Khazar University.jpg
  • Tələbə Məclisi: Xəzər Universitetinin əsas tələbə təşkilatıdır. Bu təşkilat Tələbə Məclisi Prezidenti, Vitse-prezident və digər lider tələbə-şəxsiyyətlərdən təşkil olunmuş Tələbə Senatı tərəfindən öz nizamnaməsi əsasında idarə edilir.
  • Yaşayış: Xəzərin mənzil xidmətləri komandası əcnəbi müəllimlərin, qonaqların və Xəzər Universitəsində təhsil almağa gələn əcnəbi tələbələrin yerləşdirilməsində köməklik göstərir. Gəlməmişdən öncə onlara şəhərimizdə mənzillər, onların kirayə qiymətləri, kirayəçilərin məsuliiyət və vəzifələri haqqında məlumatlar təqdim olunur, gəldikdən sonra isə yerləşdirilmə prosesində yaxından köməklik göstərilir. Komanda mütəmadi olara tələbələrlə əlaqə saxlayır və yaranan hər hansı problem həll edilməsində onlara köməklik edirlər.
    Khazar University's Neftchilar campus canteen
  • Bufet: Univеrsitənin bütün binаlаrındа əməkdаşlаr və tələbələr üçün yеməkхаnаlаr fəаliyyət göstərir. Yеməkхаnаlаr, bаzаr günü istisnа оlmаqlа, həftənin 6 günü tələbə və əməkdаşlаrın хidmətindədir. Хüsusi hаllаrdа (kоnfrаnslаr, görüşlər və s.) yеməkхаnаlаr bаzаr günləri də işləyir.

Yeməkxanada tələbə və müəllimlərə geniş çeşidli yemək menyüsü təklif edilir. Yeməkxana xüsusi tədbirləri, etnik mərasimləri, bayramları yüksək gigiyena standartlarına cavab verən qidalı ərzaqlarla təmin edərək universitet kollektivinə birlikdə yaxşı vaxt keçirilməsi şərait yaradır. Ərzaq və xidmətlərin keyfiyyətini təmin etmək üçün universitet yeməkxanaları nüfuzlu, ictimaiyyətdə hörmət və inam qazanmış yerli və xarici firmalarla əməkdaşlıq edir.

E-learning.jpg
  • Kompyuter xidmətləri: Universitetdə iş saatında istifadəsi nəzərdə tutulan fakültə, işçilər və tələbələr üçün yüksək kompyuter xidmətlərinə malik 10 kompyuter laboratoriyası açılıb. Hər 3 tələbəyə bir kompyuter düşür. Bu, Azərbaycan və sərhəd regionların ali təhsil müəssisələrində yüksək göstəricilərindəndir. Əlavə olaraq Xəzər Universiteti bütün korpuslarını yüksək sürətə malik internet və wifi xidmətləriylə təmin edir.
  • Tibbi yardım mərkəzi bütün tələbə və işçilərə xidmət edir. Bu mərkəz əsas ambulator tibbi yardım, peyvənd, ilk tibbi yardım kimi tibbi xidmətlər göstərir.

Ehtiyac olarsa mərkəzə ixtisaslı mütəxəssislər dəvət olunur. Bütün tibbi qeydlər, o cümlədən səhiyyə ilə bağlı tələb olunan məlumatlar mərkəzdə saxlanılır. Bu qeydlər məxfi hesab edilir və onlara yalnız mərkəzin peşəkar heyət üzvləri baxa bilər. Tibbi yardım mərkəzi şənbə və bazar günü istisna olmaqla, hər gün saat 9:00-dan 18:00-a qədər açıqdır. Tibbi yardım mərkəzinin xidmətləri ilə bərabər, Xəzərin Psixoloji Məsləhət və Psixoterapiya Mərkəzi vasitəsilə psixoloji məsləhət və mənəvi dəstək verilir.

Xarici əlaqələri[redaktə | əsas redaktə]

Хəzər Universitetində tədris dili ingilis dilidir və bu dünyа təhsil sisteminin nаiliyyətləri və ənənələrindən bəhrələnməyə, eləcə də dünyаnın qаbаqcıl universitetləri ilə tələbə, alimmüəllim mübаdiləsini uğurlа həyаtа keçirməyə kömək edir. Akаdemik keyfiyyət və beynəlхаlq stаndаrtlаrın təmin olunmasında geniş beynəlхаlq əlаqələr və əməkdаşlıq proqramları mühüm rol oynayır. Xaricdən dəvət edilmiş mütəxəssislərin, eləcə də xaricə göndərilən müəllim və tələbələrin sayına görə Azərbaycanın və geniş bölgənin ən qabaqcıl ali məktəblərindəndir.

Xəzər Universitəsi beynəlxalq əlaqələrini 2 istiqamətdə – akademik və qeyri-akademik istiqamətdə həyata keçirir:

1-ci istiqamətUniversitet, kollec, institut və başqa elmtəhsil ocaqları
2-ci istiqamət – Təşkilat və şirkətlər.
Xəzər Universitetinin Erasmus Mundus proqramı ilə təhsil alan Magistr tələbələri.
Azərbaycan günü. Yunanıstan, Saloniki şəhəri.

Tələbələr Şimali Amerika, Qərbi, Orta və Şərqi Avropa, Yaxın və Uzaq Şərq ölkələrində öz təhsillərini dаvаm etdirmiş və etdirməkdədir. Хəzərin müəllimlərinin isə, demək оlаr ki, hаmısı xaricdə oxumuş və ya çalışmışlar. Universitetlərаrаsı mübаdilə prоqrаmlаrındаn sаvаyı Хəzər Universitetinin bir sırа müəllimləri və yuхаrı kurs tələbələri, eləcə də mаgistrаnt və dоktоrаnt lаrı müхtəlif beynəlхаlq fоndlаrın və prоqrаmlаrın (ACTRA/ACCELS Undergraduate exchange Program, British Chevening Program, German DAAD Program, Muskie Fellowship Program, IREX Contemporary Program, Freedom Support Act Program, British Council Scholarships Program, Fulbright Scholarship və s.) dəstəyi ilə məşhur хаrici universitetlərdə uzun və yа оrtаmüddətli stаj keçmiş və yа təhsil аlmış, müхtəlif ölkələrdə kоnfrаnslаrdа, seminаrlаrdа iştirаk etmişlər. Bu əməkdаşlıq prоqrаmlаrı çərçivəsində həmçinin yüzlərlə хаrici mütəхəssislər "Хəzər"də işə cəlb оlunmuşlаr.

Intlstudents2.tif

Хəzər Universiteti bir sırа beynəlхаlq və regional universitetlər assоsiаsiyаsının və bаşqа təşkilаtların üzvüdür. Məsələn:

Аvrоpа Universitet Аssоsiаsiyаsı, (EUА – European University Assosiation);
Qаrа Dəniz Universitetləri Şəbəkəsi (BSUN – Black Sea Universities Network);
Хəzər Dənizi Bölgə ölkələri Universitetlər Аssоsiаsiyаsı (CRCUA – Caspian Region Countries Universities Association);
Avrasiya Universitetlər Birliyi;
Neft Mühəndisləri Cəmiyyəti (SPE – Society of Petroleum Engineers);
Təhsildə Əməkdаşlıq üzrə Qаfqаz Beynəlхаlq Kоnsоrsiumu (CICAC – Caucasus International Consortium for Academic Cooperation);
Dünyа Səhiyyə Təşkilаtı (World Health Оrganization); Beynəlхаlq Tibb Təhsili Direktоriyаsı (IMED – International Medical Education Directory) və s.
Intlstudents3.tif

Хəzər Universitəsi Tacis-Tempus, Erasmus, Аvrаsiyа fondu, Sоrоs (Corc Soros) fоndu, Аmerikа Hüquqşünаslаr Аssоsiаsiyаsı, İREХ, Fulbright, BP, StatoilHydro, Azərbaycan Respublikası Dövlət Neft Şirkəti, Sasakawa Peace Foundation, Japan Foundation, Amerika Dövlət Departmenti, Dünya Bankı, Asiya İnkişaf Bankı, Norveç hökuməti, UNESCO və onlarla digər təşkilatlarla geniş əməkdаşlıq prоqrаmlаrı həyаtа keçirir.

Azərbaycanda fəaliyyət göstərən səfirlərin, yüksək ranqlı diplomatların, iş adamlarının Хəzər Universitəsində mühаzirələr охumаsı xoş ənənəyə çevrilmişdir.

Qafqaz Universitetlər Birliyinin üzvüdür.[12]

Məzunlar[redaktə | əsas redaktə]

Məzunlar və yuxarı kurs tələbələri, əsasən, xarici şirkətlərdə, eləcə də dövlət qurumlarında və özəl bölmədə yüksək maaşlı işlərlə təmin olunur. Bu işlə birinci növbədə Universitetin Peşə-məşğulluq Mərkəzi məşğul olur.

Xəzər Universitetində təhsilin yüksək səviyyəsi tələbə və məzunların təhsillərini tanınmış xarici universitetlərdə davam etdirməsinə, eləcə də xarici ölkələrdə çalışmalarına geniş imkan yaradır. Bu günə qədər Xəzər Universitetinin təxminən 2000-dən çox məzunu arzuladıqları ixtisaslara yiyələnərək Azərbaycanda və onun hüdudlarından çox-çox uzaqlarda uğurla çalışır və ya təhsillərini davam etdirirlər.

"Xəzər"in məzunları ən nüfuzlu təşkilatlarda – Azərbaycan Respublikası Prezidentinin İcra Aparatı, Azərbaycan Respublikasının Milli Məclisi, Azərbaycan Respublikası Konstitusiya Məhkəməsi, Azərbaycan Respublikası Xarici İşlər Nazirliyi, Azərbaycan Respublikası Vergilər Nazirliyi, Azərbaycan Respublikası Nəqliyyat Nazirliyi, Azərbaycan Respublikası Ədliyyə Nazirliyi, Azərbaycan Respublikası Milli Təhlükəsizlik Nazirliyi, Azərbaycan Respublikası Təhsil Nazirliyi, Azərbaycan Respublikası İqtisadi İnkişaf Nazirliyi, Azərbaycan Respublikasının Mərkəzi Bankı, eləcə də Azərbaycanın ABŞ, Kanada, Macarıstan və digər səfirliklərdə, müxtəlif ölkələrin Azərbaycandakı səfirlik və diplomatik korpuslarında, BP, Lukoil və başqa neft şirkətlərində, Ernest and Young, Price Waterhouse və başqa nüfuzlu beynəlxalq təşkilatlarda uğurla çalışırlar(onları tam saymaq çətindir). Universitet məzunlarının bir qismi təhsillərini ABŞ, Böyük Britaniya, Fransa, Kanada, Yaponiya, Koreya, Çin, İspaniya, İtaliya, Türkiyə, Yunanıstan, Portuqaliya, Bolqarıstan, Almaniya, Norveç, İsveç və s. ölkələrin tanınmış ali məktəblərində magistratura və doktorantura səviyyəsində davam etdirirlər (onları tam saymaq çətindir).

Xəzər Universiteti məzunlar.jpg
Xəzər Universiteti məzunları.jpg

Bəzi məzunlar:

  • Fərid Dadaşov – Vice President, Investment Banking Division, Bank of America, Merrill Lynch, London, UK
  • Aytən Isayeva – Financial Control Manager, EMEA at Intertek, Chelmsford, UK
  • Şəfəq Mehralıyeva – "AzərTac" dövlət teleqraf agentliyinin ABŞ təmsilçisi
  • Məmməd Abbasov – Group Vice-President, Legal, Corporate Governance & Compliance, CPA Group
  • Emin Qasımov – Senior Financial Director at AAS-EKOL LLC
  • Xalıq Dadaşov – Coordinator, Upstream Strategy, Portfolio and Planning, BP plc Houston, USA
  • Yaşar Nağıyev – İdarə heyəti sədrinin müavini, Xalqbank, Azərbaycan
  • Həsən Rəsulov – Financial Controller, GADA Group Ltd, London, UK
  • Rəşad Novruzov – Azərbaycan Respublikası Xarici İşlər Nazirliyində şöbə müdiri
  • Fəxrəddin Kərimov – Export manager, Roca company, Spain, Barselona
  • Aydın Süleymanov – Hüquq şöbəsinin müdiri, Nəqliyyat Nazirliyi
  • Raziyə İsayeva – İnkişaf direktoru (Director of Development), Xəzər Universiteti
  • Ramin Əliyev – Knowledge Management Officer, World Bank, Washington, USA
  • Nigar CamalAzərbaycanın Avroviziya Mahnı Müsabiqəsində 2011-də təmsilçisi

və başqaları müxtəlif ölkələrdə müxtəlif vəzifələrdə çalışırlar.

Xəzər Universitetində tələbələr ildə 2 dəfə məzun olurlar (sentyabr və mart aylarının sonunda). Təntənəli məzunluq mərasimində məzunlara xüsusi kitabça (Degree Recognition Ceremony) təqdim edilir. Məzunlar "Xəzər"in məzunluq andını içirlər: "Xəzər Universitəsində əldə etdiyim bilik və bacarığı tətbiq edərək ailəm, xalqım və vətənim üçün faydalı olacağıma and içirəm! Xəzər Universitəsinin şərəfini qoruyacağıma and içirəm!"

Xəzər Universitetində idman, mədəniyyət və incəsənət[redaktə | əsas redaktə]

İdman[redaktə | əsas redaktə]

Xəzər Universitetində idman.JPG

Universitetdə tələbələrdən ibarət futbol, voleybol, basketbol, şahmat klubu, güləş və müxtəlif döyüş növləri üzrə (karate, cüdo, kunq-fu) idman bölmələri fəaliyyət göstərir. "Xəzər Universiteti" Peşəkar İdman Klubu idman fəaliyyətini tənzimləyir. Tələbələr idmanın müxtəlif növləri üzrə yerli və beynəlxalq yarışlarda iştirak edir, müxtəlif yarışların, o cümlədən Avropa və dünya çempionatlarının iştirakçısı və qalibləri olmuşlar.

"Xəzər Universiteti" peşəkar futbol klubu 1998-2004-cü illərdə Azərbaycanın peşəkar futbol çempionatında çıxış etmiş, beynəlxalq yarışlarda, o cümlədən UEFA İntertoto Kubokunda iştirak etmişdir. Hazırda milli çempionatın aparıcı komandalarından olan "İnter" (Bakı) klubu məhz "Xəzər Universiteti" klubunun bazasında yaradılmışdır.

Universitetin kişi və qadınlardan ibarət basketbol komandaları ("Xəzər Universiteti" basketbol klubu) tək Azərbaycanda deyil, İran, Gürcüstan, Rusiya və başqa ölkələrdə keçirilmiş müxtəlif beynəlxalq yarışlarda iştirak edirlər.

"Xəzər Universiteti" Şahmat Klubu bir çox milli və beynəlxalq yarışlara, o cümlədən peşəkar şahmatçıların (şahmat üzrə keçmiş dünya çempionu Anatoli Karpov, qadınlar arasında keçmiş dünya çempionu Nona Qaprindaşvili və s.) iştirakı ilə keçirilən görüşlərə ev sahibliyi etmişdir.

Mədəniyyət və incəsənət[redaktə | əsas redaktə]

Khazar culture.jpg

Xəzər Universiteti Musiqi və İncəsənət Departamenti digər əlaqəli qurumlarla birlikdə Universitetin mədəni həyatını zənginləşdirir, tamaşa və konsertlər təşkil edir, məzunluq mərasimlərinin və digər tədbirlərin keçirilməsində mühüm rol oynayır. "Xəzər"də peşəkar və həvəskar rəssamların sərgiləri, xarici ölkə teatr və konsert qruplarının qastrolları təşkil edilir, görkəmli sənət adamları ilə görüşlər keçirilir. Bu davamlı fəaliyyət Xəzər Universitəsini Bakı nın ən zəngin mədəni mərkəzlərindən birinə çevirmişdir.

Xəzərin mahnı və rəqs ansamblı Avropada, Türkiyə, QatarGürcüstanda uğurla çıxış etmiş, bir sıra müsabiqələrin qalibi olmuşdur. Xəzər Universiteti ansamblı Qafqaz, rus, ispan, ərəb, ingilis, italyan, İran, türk və digər xalqların milli rəqs və mahnılarını ifa edir.

"Xəzər"də təhsil aldıqları müddətdə tələbələr musiqi, rəqs, teatr və digər qruplarda iştirak edir və eyni zamanda tanınmış mütəxəssislərin Muğam, xalq musiqisi, klassik Azərbaycan və dünya musiqisi, vokal, xor, xalçaçılıq, zərgərlik, milli paltar dizaynı dərslərinə yazılaraq kredit qazana bilirlər.

Xəzər Universiteti muzeyləri[redaktə | əsas redaktə]

Milli Geyimlər Mərkəzi[redaktə | əsas redaktə]

Bu mərkəzdə Azərbaycan və digər xalqların milli geyimləri toplanıb. Bu geyimləri mütəxəssislərin rəhbərliyi ilə tələbələr tikirlər. Hazırlanmış geyimlər Xəzər Universiteti oğlan və qızlardan ibarət rəqs ansamblının və teatr tamaşalarında istifadə olunur.

Xalça Muzeyi[redaktə | əsas redaktə]

Azərbaycan qədim zamanlardan bəri dünya xalçaçılıq mərkəzlərindən biri olmuşdur. Mütəxəssislər Azərbaycanda Quba-Şirvan, Qarabağ, TəbrizGəncə-Qazax kimi dörd əsas xalçaçılıq məktəbini qeyd edirlər. Xəzər Universitetinin Xalça Müzeyi həm muzey, həm də emalatxana kimi fəaliyyət göstərir. Peşəkar sənətkarların başçılıq etdiyi muzey və emalatxanada toplanan kiçik və böyük ölçülü xalça və başqa toxunma əşyalar əsasən tələbələr tərəfindən hazırlanmışdır.

Zərgərlik Mərkəzi[redaktə | əsas redaktə]

Xəzər Universiteti zərgərlik mərkəzində daha çox gümüş üzərində iş aparılır. Bu mərkəz zərgərlik fənnini seçən tələbələr üçün laboratoriya rolunu da oynayır.

Kukla muzeyi[redaktə | əsas redaktə]

Xəzər Universiteti Dünya məktəbində kukla muzeyi yerləşir. Muzeydə milli Azərbaycan və dünya xalqlarının kuklaları yer almışdır. Muzeydəki kukla-gəlinciklər uşaq yazıçısı,jurnalist Tahirə İskəndərova tərəfindən toplanmışdır. Övladları Tahirə xanımın uşaqlara olan dərin sevgisini nəzərə alaraq bu kolleksiyanı Dünya məktəbinin şagirdlərinə bağışlamışdır.

Jewelry center.jpg
Jewelry arts class.JPG


Dünya konsert salonu[redaktə | əsas redaktə]

Dünya konsert salonu
Əsas məqalə: Dünya konsert salonu

Xəzər Universitəsində 285 nəfərlik tutuma malik "Dünya konsert-konfrans salonu" fəaliyyət göstərir. Burada müxtəlif tədbirlər həyata keçirilir, o cümlədən:

  • klassiklərin və müasir elm-sənət adamlarının həyat və yaradıcılıqlarına həsr olunmuş toplantılar;
  • elmi konfranslar;
  • görkəmli elm, ədəbiyyat və incəsənət xadimlərinin iştirakı ilə keçirilən görüşlər;
  • teatr tamaşaları;
  • milli rəqslər və dünya xalqlarının rəqsləri;
  • tələbə və məktəblilərin tamaşa və konsert proqramları;
  • görkəmli xanəndə və müğənnilərin iştirakı ilə keçirilən muğam və klassik musiqi gecələri;
  • müxtəlif ölkələrdən qastrola gələn sənət adamlarının konsert və çıxışları.

Müxtəlif beynəlxalq təşkilatlar və səfirliklər də bir sıra tədbirlərini məhz bu salonda keçirməyə üstünlük verirlər.

Nəşriyyat və mətbəə[redaktə | əsas redaktə]

Xəzər Universiteti Nəşriyyatı (Xəzər Universitəsi Nəşriyyatı) – univesitetin kitab, jurnal və digər çap məhzullarını, eləcə də kənardan müraciətləri dəyərləndirən və nəşrə hazırlayan bir qurumdur (Xəzər Universiteti ilə bağlı adlarda bəzən "universitet" deyil, "universitə" yazılmışdır).

XUN-ın fəaliyyət dairəsinə dərslik, monoqrafiya, konfrans materialları, elmi-tədqiqat jurnalları, tərcümə layihələri (ingilis və başqa dillərdən Azərbaycan dilinə və həmçinin, Azərbaycan dilindən ingilis və başqa dillərə tərcümə olunmuş kitab və məqalələr), eləcə də bədii ədəbiyyat nəşri daxildir.

XUN-nın əməkdaşları bir sıra ölkələrdə sərgi, yarmarka, treyninq və digər program və tədbirlərdə iştirak edirlər.

Periodik elmi və populyar nəşrlər[redaktə | əsas redaktə]

1995-ci ildə Universitet qəzeti kimi fəaliyyətə başlayan "Xəzər Xəbər" jurnalı ("Khazar View") üç dildə – Azərbaycan, ingilis və rus dilərində nəşr olunur (jurnalın hər sayındakı yazılar azəri, ingilis və ya ruscadır). Dünya, Azərbaycan və universitet həyatı barədə materiallar, müxtəlif məqalələr, elmi xəbərlər, tələbə həyatı, müəllim və tələbələr tərəfindən yazılan şeir, esse və hekayələrin yer aldığı "Xəzər Xəbər" Azərbaycanda ən çox oxunan elmi-kütləvi və bədii jurnallardan biridir. 2010-cu ildən etibarən "Xəzər Xəbər" fəaliyyətini yeni formatda – ayda bir dəfə dərc edilən 80 səhifəli jurnal kimi davam etdirir.

Xəzər Universiteti042.jpg

XUN elmi-tədqiqat nəşrlərinə "Azərbaycan Araşdırmaları Jurnalı" ("Journal of Azerbaijani Studies"), "Azərbaycan Arxeologiyası Jurnalı" ("Journal of Azerbaijani Archeology") və "Xəzər Riyaziyyat Jurnalı" ("Khazar Journal of Mathematics") daxildir.

XUN Azərbaycan ISBN agentliyiAzərbaycan ISMN agentliyi – beynəlxalq kitab və musiqi əsərlərinin standartlaşdırılması Milli Agentliyi kimi də fəaliyyət göstərir.

  • Xəzər Xəbər jurnalı (Khazar Reiew) – üç dilli (Azərbaycan, ingilis və rus) ayda bir dəfə nəşr olunan dərgi
  • Khazar Journal of Humanities and Social Sciences [13] – elmi jurnal
  • Azərbaycan Arxeologiyası Jurnalı[14] – elmi jurnal
  • Khazar Journal of Mathematics – elmi jurnal

Mətbəə[redaktə | əsas redaktə]

Xəzər Universiteti mətbəəsi birinci növbədə Xəzər Universiteti Nəşriyyatının müntəzəm çap sifarişlərini yerinə yetirir. Mətbəə həmçinin tələbə, müəllim və universitet əməkdaşları üçün ofset çap, surətçıxarma, cildləmə və digər xidmətlər göstərir.

Bütün rektorları[redaktə | əsas redaktə]

Həmçinin bax[redaktə | əsas redaktə]

Hamlet İsaxanlı ilə Vikipediya haqqında müsahibə[redaktə | əsas redaktə]

VİKİPEDİYA NƏDİR? DÜNƏN, BUGÜN VƏ SABAHA BAXIŞ. Vikipediyanın 10 illiyi münasibətilə Hamlet İsaxanlı ilə müsahibə

İstinadlar[redaktə | əsas redaktə]

Mənbə[redaktə | əsas redaktə]

Xarici keçidlər[redaktə | əsas redaktə]