Azərbaycan Beynəlxalq Universiteti

Vikipediya, açıq ensiklopediya
Keçid et: naviqasiya, axtar

Azərbaycan Beynəlxalq Universiteti
Azərbaycan Beynəlxalq Universiteti

ABU emblema.png
Yaranma tarixi 11 oktyabr 1997
Şəhər Bakı
Ölkə Flag of Azerbaijan.svg Azərbaycan
Ünvan Bakı, Flag of Azerbaijan.svg Azərbaycan

Azərbaycan Beynəlxalq UniversitetiAzərbaycan Respublikasında 1997-2010-cu illərdə fəaliyyət göstərmiş ali məktəb.

Təhsil[redaktə | əsas redaktə]

Universitetdə bakalavr hazırlığı üçün 4 il vaxt norması nəzərdə tutulmuşdu. Təhsil ödənişli əsaslarla idi. Burada əyani və qiyabi şöbələri fəaliyyət göstərirвш. Universitetdə təhsil Azərbaycan və rus dillərində aparılır.

Universitetdə bütün ixtisaslar üzrə müasir tələblərə cavab verən maddi-texniki baza yaradılmış, müasir standartlar səviyyəsində tədris planları və proqramları tərtib edilmiş, ən yeni model müasir kompüterlərlə təchiz olunmuş tədris mərkəzləri, müasir tipli linqafon otaqları, zəngin kitabxana, oxu zalları, üzgüçülük hovuzu, tennis kortları və futbol meydançası olan idman kompleksi tələbələrin istifadəsinə verilmişdir. Burada tibb məntəqəsi, mini-nəşriyyat fəaliyyət göstərir və 4 adda elmi jurnal nəşr olunurвг. Tələbələrin asudə vaxtlarında məşğul olmaları üçün universitetdə kompüter, xarici dil və sürücülük kursları təşkil olunmuşdu.

Tərəfdaşları[redaktə | əsas redaktə]

Açıq Cəmiyyət, Amerika-Azərbaycan Dostluq Cəmiyyəti və digər xarici ölkə təşkilatları və ali məktəbləri ilə əməkdaşlıq müqavilələri bağlanmışdır.

Lisenziyası[redaktə | əsas redaktə]

Azərbaycan Respublikası Nazirlər Kabinetinin 11 oktyabr 1997-ci il tarixli, 204s saylı qərarı ilə qeydiyyatdan keçərək özəl ali məktəb statusu almışdı. Universitet, həmçinin Ədliyyə Nazirliyinin 17 oktyabr 1997-ci il tarixli 15 saylı şəhadətnaməsini alaraq dövlət qeydiyyatından keçmişdir. 1998-ci ildə Təhsil Nazirliyinin 04.12.1997-ci il tarixli 48-11-4058/16 nömrəli qərarı ilə ilk dəfə, 1999-cu ildə 6 il müddətinə, 2005-ci ildə isə 5 il müddətinə yenidən lisenziya alıb. 2010-cu il iyulun 8-də ABU-nun lisenziya müddəti bitdiyi üçün bu məsələyə yenidən baxılıb. Ali məktəbdə tədris prosesinin təşkili vəziyyətinin araşdırılması məqsədi ilə yaradılan ekspert qrupu ABU-da ciddi pozuntular aşkarlayıb. Hazırlanmış arayış Təhsil Nazirliyi Lisenziya Komissiyasının iclasında müzakirə olunub. Lisenziya Komissiyasının yekdil qərarı ilə qeyd olunan nöqsanlar nəzərə alınaraq Təhsil Nazirliyi tərəfindən ABU-nun fəaliyyətinə verilmiş 30.06.2005-ci il tarixli 003283 №-li xüsusi razılığın (lisenziya) müddətinin uzadılmaması barədə qərar qəbul olunub.

Azərbaycan Beynəlxalq Universitetinin (ABU) fəaliyyəti 2010-cu ildə dayandırılmışdır. Bununla bağlı 2010-cu il sentyabrın 1-də təhsil naziri Misir Mərdanov əmr imzalamışdır.

Mənbə[redaktə | əsas redaktə]