Azərbaycan Dövlət Mədəniyyət və İncəsənət Universiteti

Vikipediya, açıq ensiklopediya
Keçid et: naviqasiya, axtar

Azərbaycan Dövlət Mədəniyyət və İncəsənət Universiteti

Azərbaycan-Dövlət-Mədəniyyət-ve-İncəsənət-Universiteti.png.jpg
Yaranma tarixi 1923
Rektor Fərəh Əliyeva
Prorektor Rafiq Sadıqov
Tələbə sayı 7258 (2010)
Şəhər Bakı
Ölkə Azərbaycan
Ünvan Azərbaycan, Bakı
Vebsayt www.admiu.edu.az

Azərbaycan Dövlət Mədəniyyət və İncəsənət UniversitetiAzərbaycan Respublikası Təhsil Nazirliyinin tabeliyində olan ali təhsil müəssisəsi[1].

Tarixi[redaktə | əsas redaktə]

1923-cü ildə yaradılmış Bakı Teatr Texnikumunun bazası əsasında 1945-ci ildə Azərbaycan Teatr İnstitutu yaradılır. İlk tələbə qəbulu teatrşünaslıq, aktyor sənəti və rejissorluq ixtisasları üzrə aparılmışdır.

1954-cü ildə instituta xalq artisti Mirzağa Əliyevin adı verilmişdir. 1959-cu ildən burada "mədəni maarif", 1963-cü ildə isə "dekorativ tətbiqi sənət" ixtisasları üzrə mütəxəssis hazırlığına başlanmışdır. 1968-ci ildə ali məktəb Azərbaycan Dövlət İncəsənət İnstitutuna çevrilmişdir. 1981-1991-ci illərdə burada rəngkarlıq, qrafika, heykəltəraşlıq, sənətşünaslıq ixtisasları, habelə teatr, kino, kulturologiya və bədii sənaye incəsənəti üzrə bir sıra yeni ixtisaslaşmalar açılmışdır.

V Bakı Beynəlxalq Kitab Sərgi-Yarmarkasında

1991-ci ildə tədris müəssisəsi Azərbaycan Dövlət İncəsənət Universiteti, 1993-cü ildə isə Azərbaycan Dövlət Mədəniyyət və İncəsənət Universiteti adlandırılmışdır. 1991-ci ildə universitetin Quba rayonunda filialı yaradılmışdır. Filial Azərbaycanın şimal bölgəsində yüksək ixtisaslı mədəniyyət işçilərinə olan ehtiyacı ödəyir. Filialın müasir tələblərə cavab verən maddi-texniki bazası vardır. 1994-cü ildən universitetin nəzdində aspirantura, 1995-ci ildən isə stajorluq-assistentura fakultəsi fəaliyyət göstərir. Son illərdə universitetdə ixtisasartırma dekanlığı və baza kafedraları təşkil edilmişdir. 1997-ci ildə xarici abituriyentlər üçün hazırlıq şöbəsi yaradılmışdır.

Kafedralar
Aktyor sənəti və dram rejissorluğu;
Musiqili teatr aktyoru;
Vokal, musiqi tarixi və nəzəriyyəsi;
Televiziya rejissorluğu;
Kino rejissorluğu və operator sənəti;
Səhnə danışığı;
Teatr kollektivinin rejissorluğu;
Kütləvi tədbirlər rejissoru;
Xalq çalğı alətləri və musiqi fənləri;
Səhnə hərəkəti və xoreqrafiya;
Sosial siyasi fənlər;
Mədəniyyət tarixi və nəzəriyyəsi;
Tətbiqi kulturologiya;
Bədən tərbiyəsi və idman;
Teatrşünaslıq;
Mədəniyyət və muzey işi;
Təsviri incəsənət tarixi və nəzəriyyəsi;
Ədəbiyyat və Azərbaycan dili;
Xarici dillər;
Kinoşünaslıq və ekran dramaturgiyası;
Rəngkarlıq;
Heykəltəraşlıq;
Qrafika;
Rəsm;
Dekorativ-tətbiqi sənət;
Dizayn

İxtisaslar
Kitabşünaslıq;
Dekorativ tətbiqi incəsənət və xalq sənəti (zərgərlik, sənaye qrafikası, xalçaçılıq, bədii çini və şüşə);
Dizayn;
Toxuculuq və yüngül sənaye mallarının bədii layihələndirilməsi;
Heykəltəraşlıq;
Qrafika;
Teatr-dekor sənəti;
Rəngkarlıq;
Aktyor sənəti (musiqili teatr, dram-teatrı və kino aktyorluğu);
Rejissorluq (dram rejissorluğu, televiziya rejissorluğu, bədii kino və televiziya filmləri rejissorluğu);
Muzey işi, tarix və mədəniyyət abidələrinin mühafizəsi;
Ədəbi iş və ekran dramaturgiyası;
Təsviri incəsənət tarixi və nəzəriyyəsi;
Kinoşünaslıq;
Teatrşünaslıq;
Mədəni fəaliyyətin təşkilatçısı;
Mədəniyyət meneceri;
Bədii yaradıcılıq (teatr kollektivinin rejissoru, kütləvi bayramlar və tamaşalar rejissoru);
Solo oxuma;
İnstrumental ifaçılıq;
Bədii toxuculuq;
Kulturologiya;
Reklam işi üzrə rəssam;
Miniatür və kalliqrafiya üzrə rəssam;
Kinooperator sənəti;
Tətbiqi incəsənət (aşıq sənəti, teatr və konsert işləri üzrə prodüsser, məktəb və məktəbəqədər tədris-tərbiyə müəssisələrində bədii rəhbər);
Xalq çalğı alətləri orkestrinin rəhbəri; 27. İnteryer üzrə rəssam;
Xoreqrafiya sənəti.
Beynəlxalq munasibətlər.

Bütün bu ixtisaslar üzrə mütəxəssis hazırlığı ilə 7 fakültə və 26 kafedra məşğul olur. Universitetdə respublikanın görkəmli sənətkarları və alimləri, o cümlədən xalq rəssamları, respublika və beynəlxalq mükafatlar laureatları Mikayıl Abdullayev, Nadir Əbdürrəhmanov, Tokay Məmmədov, Yusif Hüseynov, Böyükağa Mirzəzadə, Kamil Nəcəfzadə, Arif Əzimov, xalq artistlərindən Həsən Turabov, Şəfiqə Məmmədova, Əlabbas Qədirov, Yaşar Nuriyev, Amalya Pənahova, İlham Namiq Kamal, Eldar Quliyev, Oqtay Mirqasımov sənət nəzəriyyəsi üzrə alimlərdən Həsən Quliyev, İlham Rəhimli, Nurəddin Həbibov, İnqilab Kərimov və başqaları dərs deyirlər.

Universitetdə yaradıcılıq kinostudiyası; "Səda" tədris teatrı; foto-laboratoriya; səsyazma studiyası; kompüter və həsablama mərkəzi; natürmort fondu; professor-müəllim və tələbələrin yaradıcılıq və ifa işləri muzeyi, onun fondu; xalçaçılıq emalatxanası; keramika emalatxanası; tikiş və toxuculuq mə’mulatları emalatxanası; texniki vəsaitlər kabinəsi; tədris teatrı; xüsusi auditoriyalar; idman klubu; kitabxana; nəşriyyat və s. fəaliyyət göstərir. ADMİU-nun xarici ölkələrin aparıcı ali məktəbləri ilə əlaqələri ildən-ilə inkişaf edir. Artıq İran İslam Respublikasının İncəsənət Universiteti, Türkiyə Respublikasının Me’mar Sinan və Süleyman Dəmirəl Universitetləri və Qazi Universiteti ilə işbirliyinə dair müqavilələr bağlanmış və müəyyən əməli tədbirlər görülmüşdür. Son illər İtaliya, Marokko, Yaponiya, Fransa və s. dövlətlərin ali məktəbləri ilə əlaqələr yaradılmışdır.

Universitetin məzunları təyinatla respublikanın mədəniyyət və incəsənət müəssisələrində işləməyə göndərilir. Universitet iki pilləli təhsil modeli üzrə mütəxəssislər hazırlayır (bakalavr və magistr). Universitetdə aspirantura fəaliyyət göstərir.

19 dekabr 2013-cü ildə Azərbaycan Dövlət Akademik Milli Dram Teatrında Azərbaycan Dövlət Mədəniyyət və İncəsənət Universitetinin 90 illik yubileyinə həsr olunmuş təntənəli mərasim keçirilib.

Fakültələr[redaktə | əsas redaktə]

Kulturologiya fakültəsi[redaktə | əsas redaktə]

Bu fakültənin ən yüksək ballı ixtisası Beynəlxalq munasibətlərdi. Bu ixtisasın başqa universitetlərdəki Beynəlxalq munasibətlər ixtisasından fərqi yoxdu.

ADMİU – nun böyük, nəzəri fakültələrindən biridir. Əsasi 1959-cu ildə "Mədəni – maarif işi" fakültəsi kimi qoyulmuşdur. Fakültə dörd kafedranı özündə birləşdirir:

  • Mədəniyyətşünaslıq
  • Muzeyşünaslıq
  • Tətbiqi kulturologiya
  • İqtisadiyyat və informatika

Fakültə aşağıdakı ixtisalar üzrə kadr hazırlayır:

Bakalavr pilləsində:

  • Beynəlxalq munasibətlər
  • Mədəniyyət meneceri
  • Bədii yaradıcılıq
  • Muzey işi və abidələrin mühafizəsi
  • Turizm və mədəni servis xidməti
  • Kulturoloq
  • Tətbiqi incəsənət

Magistr pilləsində:

  • Mədəniyyətşünaslıq
  • Muzeyşünaslıq
  • Beynəlxalq münasibətlər

Fakültənin nəzdində müasir avdanlıq ilə təchiz edilmiş kompüter mərkəzi, metodiki kabinələr və laboratoriyalar fəaliyyət göstərir. Fakültənin ali orqanı fakültə elmi şurasıdır.

Aktyor sənəti fakültəsi[redaktə | əsas redaktə]

Aktyor sənəti fakültəsi ADMİU-nun tarixən ilk yaradılmış fakültələrindəndir. Hələ 1923-cü ildə Bakida açılmış teatr məktəbində eyni adlı fakültə fəaliyyət göstərirdi. 1945-ci ildə bu fakültə yeni yaradılmış teatr institutunun əsas fakültəsinə çevrildi. Yaradıcılıq ənənələri ADMİU-nun yaradıcılıq salnaməsi ilə sıx bağlı olan Aktyor sənəti fakültəsi (1923-1992) bir müddət Teatr və kino sənəti fakültəsi (1992-2002) adlanmiş, 2002-ci ildən sonra isə Aktyor sənəti fakültəsi adını daşıyır. Fakültədə altı kafedra fəaliyyət göstərir.

- Səhnə danışığı; - Aktyor və rejissor sənəti - Vokal - Musiqili teatr sənəti - Xoreoqrafiya sənəti və səhnə plastikası; - Estrada sənəti; - Bədən tərbiyəsi və idman.

Fakültə aşağıdakı ixtisalar üzrə kadr hazırlayır:

Bakalavr pilləsində:

- Dram teatrı və kino aktyoru; - Musiqili teatr aktyoru; - Estrada aktyoru; - Xareoqafiqa sənəti

Magistr pilləsində:

- Aktyor sənəti; - Xoreoqrafiya sənəti

Aktyor sənəti fakültəsi nəzdində universitetin klubu və akt zalı fəaliyyət göstərir. Burada tələbə elmi konfransları, seminarlar, müxtəlif bədii tədbirlər və konsertlər keçirilir. Universitet klubu səhnəsində müəllim və tələbələrin yaradıcılıq – plan işləri, diplom tamaşaları göstərilir. Aktyor sənəti fakültəsində universitetin kompüter mərkəzi fəaliyyət göstərir. Aktyor sənəti fakültəsi onun inzibati, pedaqoji və yaradıcılıq – plan işlərini koordinasiya edən elmi şuraya və bədii şuraya malikdir.

Rejissor sənəti fakültəsi[redaktə | əsas redaktə]

Rejissor sənəti fakültəsi ADMİU-nun rejissorluq və operatorluq ixtisaslrını birləşdirir. Fakültə əvvəllər Bədii yaradıcılıq fakültəsi adlanmışdır. 2001-ci ildən etibarən Rejissor sənəti fakültəsi adlanir. Rejissor sənəti fakültəsi dörd kafedradan ibarətdir.

- Teatr rejissorluğu - Kütləvi tədbirlər və tamaşalar rejissorluğu; - Televiziya rejissoru - Kino rejissoru

Fakültə aşağıdakı ixtisalar üzrə kadr hazırlayır:

Bakalavr pilləsində:

- Teatr kollektivinin rejissoru - Kütləvi tədbirlər və tamaşalar rejissoru - Dram rejissoru - Televiziya rejissoru - Kino rejissoru - Estrada rejissoru - Musiqili teatr rejissoru - Kino operatoru

Magistr pilləsində:

- Kütləvi tədbirlər və tamaşalar rejissoru - Teatr rejissoru - Kino rejissoru

Fakültədə müəllimlərin, məzunların və tələbələrin yaradıcılıq işlərinin qorunub saxlandığı tədris kinoarxivi vardır. Kinoarxiv hər il 50-dən yuxarı yeni bədii, sənədli və tədris filmi qəbul edir. Rejissor sənəti fakültəsi həmçinin müasir avadanlıqla təchiz edilmiş foto- kinolaboratoriyaya malikdir. Fakültənin ali inzibati – struktur orqani fakültə elmi şurasidir. - Estrada rejissorluğu və musiqili teatr rejissorluğu fakultəsinin yeni kafedrası 2011 ci ildən fəaliyyət göstərir. Kafedra müdiri xalq artisti, professor Ramiz .H. Əzizbəylidir. Estrada rejissorluğu ixtisasının müəllimi sevimli aktyorumuz, dosent Vidadi Həsənovdur. Estrada rejissorluğu ixtisasının tələbələri bu il Almatı şəhərində keçirilən teatr festivalında iştirak etmiş, və Vətənə qran-pri ilə qayıtmışdır.

Sənətşünaslıq fakültəsi[redaktə | əsas redaktə]

Bu fakültə ADMİU- nun çoxprofili nəzəri fakültələrindən biridir. Fakültə 1991 –ci ildə Teatrşunaslıq fakultəsi zəminində təşkil edilmişdir. Fakultə altı kafedranı özündə birləşdirir:

- Teatrşunaslıq - Kinoşünaslıq - Ədəbiyyat və Azərbaycan dili - Bədii yaradıcılıq

Xarici dillər

- Sosial-siyasi elmlər

Fakültə aşağıdakı ixtisaslar üzrə kadrlar hazırlayır:

Bakalavr Pilləsində

- Teatrşünaslıq; - Kinoşünaslıq; - Ədəbi yaradıcılıq və ekran dramaturgiyası - Nəşriyyat işi

Magistr pilləsində

- Teatrşünaslıq - Kinoşünaslıq - Ədəbi yaradıcılıq və ekran dramaturgiyası - Kitabşunaslıq

Sənətşünaslıq fakültəsində müəllim və tələbələrin yaradıcı – plan işlərinə baxış keçirmək üçün xüsusi olaraq tədris kinozalı yaradılmışdır.Baxışdan sonra kinozalda filmin müzakirəsi keçirilir.Burada həmçinin kinoproyeksiya avadanlığı otağı və kinoarxiv vardir.

Musiqi sənəti fakültəsi[redaktə | əsas redaktə]

Musiqi sənəti ADMİU – da zəngin ənənələrə malikdir . Hazırkı musiqi fakültəsi 2001 – ci ildə yaradılmışdır. Fakultə beş kafedranı özündə birləşdirir.

- Musiqişunaslıq - Musiqi fənləri və dirijorluq - İnstrumental ifaçılıq

- Muğam sənəti

- Estrada və populyar musiqi

Fakultə aşağıdakı ixtisaslar üzrə kadrlar hazırlayır:

Bakalavr pilləsində

- Solo oxuma - Xalq çalğı alətləri orkestrinin bədii rəhbəri - İnsturimental ifaçılıq - Aşıq sənəti - Estrada müğənnisi - Musiqişunaslıq

Magistr pilləsində

- Musiqişünaslıq; - İnstrumental ifaçılıq ( xalq çalğı alətləri ) ; - Solo oxuma; - Xalq çalğı alətləri dirijoru;

Musiqi sənəti fakültəsi nəzdində ansabl və xalg çalgi alətləri orkestri yaradilmişdir. Ansambl və orkestr respublika miqyasinda keçirilən bir çox tədbirlərdə iştirak edir. Fakültənin ali qanunverici orqanı fakültə elmi şurasıdır.

Rəssamlıq fakültəsi[redaktə | əsas redaktə]

Hazırki Rəssamlıq fakültəsinin nisbətən yaxin keçmişdə təşkil edilməsinə baxmayaraq ADMİU-da rəssamliq ixtisaslari, eləcə də təsviri incəsənət tarixinin tədris edilməsi zəngin ənənələrə malikdir. Bu ənənələrin əsasi ötən əsrin 60-ci illərindən başlanir. O dövrdə Nazirlər Kabinetinin əmri ilə o zamankı M. A. Əliyev adina İncəsənət İnstitutunda rəssamliq fakültəsi yaradilmişdi. Sonrakı illərdə Rəssamliq fakültəsi sürətlə inkişaf etmiş, onun material – texniki bazasi və ixtisaslar şəbəkəsi xeyli genişlənmişdir. Qeyd etmək lazimdir ki , ADMİU uzun müddət Azərbaycanda rəngkarliq, qrafika, heykəltaraşliq və sənətşünasliq ixtisaslari üzrə ali təhsil verən yeganə təhsil müəssisəsi olmuşdur. Fakültəyə aşagidaki kafedralar daxildir:

- Rəsm və rəngkarliq kafedrası - Dekorativ – tətbiqi sənət - Sənətşünasliq

Fakültədə aşağıdakı ixtisaslar üzrə kadr hazılıgı aparılır:

- Təsviri sənətin tarixi və nəzəriyyəsi - Teatr – dekor sənəti (səhnəqrafiya) - Televiziya və kino rəssamı - Xalçaçı rəssam - Reklamçı rəssam - Dizayner rəssam - Qrim sənəti və dekorativ kosmetoloq

Mənbə[redaktə | əsas redaktə]

İstinadlar[redaktə | əsas redaktə]