Cənnət Səlimova

Cənnət Səlimova
Cənnət Əlibəyovna Səlimova
Doğum tarixi	20 yanvar 1940 (1940-01-20)
Doğum yeri	Bakı, Azərbaycan SSR, SSRİ
Həyat yoldaşı	Qəzənfər Topçuyev
Atası	Əlibəy Səlimov
Anası	Anna Moiseyevna Korenman
Vətəndaşlığı	SSRİ Azərbaycan
Peşəsi	Rejissor
Təhsili	BDU
Fəaliyyət illəri	1967–indiyə kimi
Mükafatları

Cənnət Səlimova Əlibəyovna (Cənnət Səlimova) (d. 20 yanvar 1940, Bakı, Azərbaycan SSR, SSRİ) — Azərbaycanın görkəmli teatr rejissoru, Azərbaycanın Respublikasının Xalq Artisti (1999) "Şöhrət" ordeni, "Şərəf Nişanı" ordeni, Prezident təqaüdçüsü, Mədəniyyət və İncəsənət Universetinin professoru, Azərbaycanda Kamera Teatrının yaradıcısı.

Həyatı

20 yanvar 1940-cı ildə Bakı şəhərində anadan olub. 1957- 1962-ci illərdə Azərbaycan Dövlət Universitetinin «filologiya», 1962-1967-ci illərdə Leninqrad Dövlət Teatr Musiqi və Kinematoqrafiya İnstitutunun «dram rejissoru» fakultələrində təhsil alıb.Əvvəllər S.Vurğun adına Rus Dram Teatrı və Musiqili Komediya Teatrlarında rejissor kimi fəaliyyət göstərmişdir.Bakı Kamera Teatrının yaradıcısı və bədii rəhbəri olmuşdur. 1972-ci ildə Azərbaycan Respublikasının əməkdar artisti, 1999-cu ildə Azərbaycan Respublikasının xalq artisti fəxri adlarına layiq görülmüşdür. 2001-ci ildən Prezidentinin təqaüdçüsüdür. Azərbaycan Dövlət Mədəniyyət və İncəsənət Universitetinin professorudur. 2009-cu il aprel ayının 8-dən 2012-ci il sentyabr ayının 1-dək Azərbaycan Dövlət Gənc Tamaşaçılar Teatrının baş rejissoru vəzifəsində fəaliyyət göstərmişdir. Hazırda teatrda quruluşçu rejissor vəzifəsini icra edir.

• Tanınmış teatr xadimi Azərbaycan Dövlət Musiqili Teatrının keçmiş direktoru Qəzənfər Topçuyevin həyat yoldaşıdır.
• Dünyaca tanınmış azərbaycanlı alim, süni intelellekt sahəsində qeyri-səlis məntiq nəzəriyyəsinin banisi,Kaliforniya Berkli Universitetinin professoru Lütfi Zadənin xalası qızıdır.

Quruluş verdiyi əsas tamaşalar:

Azərbaycan Dövlət Gənc Tamaşaçılar Teatrı:

• «Aydın» - (C.Cabbarlı)
• «Şeyx Sənan» - (H.Cavid)
• «Hekayəti xırs quldurbasan» - (M.F.Axundzadə) (2009)
• «Məkkəyə gedən yol» - (C.Məmmədquluzadə)
• «Cəsur qurbağa balası» - (L.Ustinov)
• «Axırıncı qatar, yaxud itlər» - (O.Kazımi, İ.Fəhmi)
• «Ezop» - (G.Fiqeyredo)
• «Sərgüzəşti vəziri Xani Lənkəran» - (M.F.Axundzadə)
• «Mənim ağ göyərçinim» - (T.Vəliyeva)
• «Göyçək Fatma» - (Azərbaycan Xalq nağılı)
• «Mən səni sevirəm –M.S.S» - (Ə.Əmirli)
• «Romeo və Cülyetta» - (U.Şekspir)
• «Buzovna kəndinin əhvalatları» - (Elçin)
• «Don Rafaello Tranbomçu» - (F.Peppino)
• «Müsyo Jordan və Dərviş Məstəli şah» - (M.F.Axundzadə)
• «Əlincə qalası» - (Dilsuz)
• «İtalyansayağı xoşbəxtlik» - (D.Fo, P.Filippo)
• «III Riçard» - (U.Şekspir)
• «Mehmanxana sahibəsi» (K.Qaldoni)

Azərbaycan Dövlət Akademik Milli Dram Teatrı:

• «Fərhad və Şirin» - (S.Vurğun)

Azərbaycan Dövlət Akademik Opera və Balet Teatrı:

• «Söyüdlər ağlamaz» - (Ə.Bədəlbəyli)
• «Sevil» - (F.Əmirov)
• «Traviata» - (C.Verdi)
• «Məsxərəçilər» - (C.Leonkovallo)
• «Bohema» - (C.Puççini)

Azərbaycan Dövlət Musiqili Komediya Teatrı:

• «Silva» - (İ.Kalman)
• «Bayadera» - (İ.Kalman)
• «Maritsa» - (İ.Kalman)
• «İddialı qaraçı» - (İ.Kalman)
• «Şən dul qadın» - (F.Leqar)
• «O olmasın, bu olsun» (Ü.Hacıbəyov)
• «Baladadaşın toy hamamı» - (Elçin)

Azərbaycan Dövlət Rus Dram Teatrı:

• «Vanya dayı» - (A.P.Çexov)
• «İdiot» - (F.M.Dostoyevski)
• «Kuraj ana və onun uşaqları» - (B.Brext)
• «İvanov» - (A.P.Çexov)
• «Mehmanxana sahibəsi» - (K.Qaldoni)
• «Beluginin evlənməsi» - (A.Ostrovski)

Bakı Kamera Teatrı:

• «Qodo həsrətində» - (S.Bekket)
• «Qodo həsrətində» - (S.Bekket)
• «Ezop» - (G.Fiqeyredo)
• «İtlər» - O.Kazımi, İ.Fəhmi)
• «Hekayəti- xırs quldurbasan» - (M.F.Axundov)

Mükafatları

• "Azərbaycan SSR Əməkdar İncəsənət Xadimi"
• "Şərəf Nişanı" ordeni
• "Azərbaycan Respublikası Xalq Artisti" fəxri adı
• "Şöhrət" ordeni
• "Prezident təqüdü"

Filmoqrafiya

1. Zəlimxan dastanı (film, 2007)
2. Dünən qəfildən gəldi (film, 2009)

Mənbə

• "Kinoaktyor studiyasının fəaliyyəti (1966-1974)". Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 169.

Xarici keçidlər

• “Baladadaşın toy hamamı” tamaşası növbəti dəfə səhnədə…
• Джаннет Селимова: Мы недооцениваем азербайджанских актеров - ФОТО  (rus.)
• “O olmasın, bu olsun” yeni quruluşda təqdim olunub