Müxlis Cənizadə

Vikipediya, azad ensiklopediya
Jump to navigation Jump to search
Müxlis Cənizadə
Müxlis Cənizadə.JPG
Digər adı Muxlis Cənizadə
Doğum tarixi 26 noyabr 1928(1928-11-26)
Doğum yeri Bakı, Azərbaycan SSR, SSRİ
Vəfat tarixi 10 dekabr 1972 (43 yaşında)
Vəfat səbəbi Ağır xəstəlik
Peşəsi Aktyor
IMDb ID 2365624

Müxlis Mirsabir oğlu Cənizadə (26 noyabr 1928 – 10 dekabr 1972) — Azərbaycanın teatr, kino və dublyaj aktyoru, bədii qiraətçi, Azərbaycan SSR əməkdar artisti (1960).[1]

Həyatı[redaktə | əsas redaktə]

Müxlis Cənizadə 26 noyabr 1928-cu ildə Bakıda anadan olub. Azərbaycan Dövlət Teatr Texnikumunu və Dövlət Teatr İnstitutunu bitirib (Kazım Ziyanın kursu). 1953-1963-cü illərdə Azərbaycan Dövlət Akademik Dram Teatrında çalışıb. Müxlis Cənizadə dövrünün teatr və kino aktyoru, təkrarsız bədii qiraət ustası, səhnə danışığı müəllimi, rejissor kimi tanınıb. 1961-ci ildən ömrünün sonunadək Dövlət Teatr İnstitutunda dərs deyib. Teatr İnstitutunun Tədris Teatrında “Təbilçi qız”, “Aydın”, “Qaraçılar”, “Üləmalar” və s. tamaşalara quruluş verib. Azərbaycan Radiosunun “Qızıl fond”unda və Dövlət Səsyazma Fondunda Müxlis Cənizadənin ifasında bədii qiraət nümunələri saxlanılır. SSRİ kinematoqrafçılarının istehsalı olan “Sonuncu qum təpəsi” (Последний дюйм, Lenfilm / Rusiya, 1958, rejissor: Teodor Vulfoviç, Nikita Kurixin), “Namus uğrunda” (Из-за чести, rejissor: Artaşes Ayrtyan, Ermənistanfilm, 1956) filmlərində çəkilib. Əməkdar artist (1960) Müxlis Cənizadə 1972-ci ildə ağır xəstəlikdən vəfat edib.

Filmoqrafiya[redaktə | əsas redaktə]

  1. Bakının işıqları (film, 1950)
  2. Bəxtiyar (film, 1955) - rol: Kərim
  3. Bir məhəllədən iki nəfər (film, 1957)
  4. Bir qalanın sirri (film, 1959) - film səsləndirən: Elşən (Gündüz Abbasov)
  5. Bizim küçə (film, 1961) - film səsləndirən: Rasim (Gündüz Abbasov)
  6. Dəli Kür (film, 1969) - rol: Kipiani
  7. Əhməd haradadır? (film, 1963) - film səsləndirən: Şofer Əhməd (Elxan Qasımov)
  8. Ən vacib müsahibə (film, 1971) - rol: Ənvər müəllim
  9. Ənvər Həsənov. Yeddi oğuldan biri (film, 2007)
  10. Əsl dost (film, 1959) - rol: Əsəd
  11. Fətəli xan (film, 1947) - film səsləndirən
  12. Görüş (film, 1955) - rol: Ənvər
  13. Xatirələr sahili (film, 1972) - film səsləndirən: Prokuror (Ə. Sultanov)
  14. İstintaq davam edir (film, 1966) - film səsləndirən: Çingizov (Kamal Xudaverdiyev)
  15. İyirmialtılar (film, 1966)
  16. "Kazbek" qutusu (film, 1958) - rol: "Kirpi" əməkdaşı
  17. Qızmar günəş altında (film, 1957) - rol: Sürücü
  18. Leyli və Məcnun (film, 1961)
  19. O olmasın, bu olsun (film, 1956)
  20. Onu bağışlamaq olarmı? (film, 1959) - rol: Baş leytenant İbrahimov
  21. Sehrli xalat (film, 1964) - film səsləndirən: Eynulla müəllim (Lütfi Məmmədbəyov)
  22. Səhər (film, 1960) - rol: Fəhlə/film səsləndirən: Rəşid (M. Hüseynov)
  23. Sonuncu qarış (film, 1958) (Lenfilm)
  24. Torpaq. Dəniz. Od. Səma (film, 1967) - film səsləndirən: Murad (Rafiq Tağıyev)
  25. Ulduz (film, 1964) - film səsləndirən: Bəxtiyar (Hacımurad Yagizarov)
  26. Ulduzlar sönmür (film, 1971)
  27. Yenilməz batalyon (film, 1965) - rol: Nəriman Tağıyev

İstinadlar[redaktə | əsas redaktə]

  1. “Ekranın cazibəli aktyoru”: [Müxlis Cənizadə haqqında] //Ekran-efir.- 2015.- 10 aprel.- S.8.

Mənbə[redaktə | əsas redaktə]

  • Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 53; 169.

Xarici keçidlər[redaktə | əsas redaktə]