Gündüz Abbasov

Vikipediya, azad ensiklopediya
Jump to navigation Jump to search
Gündüz Abbasov
Gündüz Abbasov.jpg
Doğum tarixi 20 noyabr 1930(1930-11-20)
Doğum yeri Bakı, Azərbaycan SSR, SSRİ
Vəfat tarixi 21 avqust 1995(1995-08-21) (64 yaşında)
Vəfat yeri Bakı, Azərbaycan
Həyat yoldaşı Ofeliya Məmmədzadə
Atası Şəmsəddin Abbasov
Anası Mələk xanım
Vətəndaşlığı
Peşəsi aktyor
IMDb ID 1075793

Gündüz Şəmsəddin oğlu Abbasov (20 noyabr 1930(1930-11-20), Bakı21 avqust 1995(1995-08-21), Bakı) — Azərbaycan kino aktyoru, yazıçı, tərcüməçi və rəssam. Romantik obrazlar ustası.[1]

Həyatı[redaktə | əsas redaktə]

Gündüz Abbasov 1930-cu ildə Bakının Dağlı məhəlləsində, Bakı kinostudiyasının direktoru Şəmsəddin Abbasovun ailəsində dünyaya gəlmişdir. Şəmsəddin Abbasovun həyat yoldaşı Mələk xanım dahi azərbaycanlı dramaturq Cəfər Cabbarlının qardaşı qızı idi.Uşaqlıqdan sənətə həvəs göstərən Gündüz 1952-ci ildə Bakı Rəssamlıq məktəbini, 1961-ci ildə Azərbaycan Dövlət Universitetinin jurnalistika şöbəsini bitirmişdi.

Ədəbiyyat sahəsinə böyük marağı olan Gündüz Abbasovun 1950-1960-cı illərdə "Papasının qızı", "Canlı körpü" və "Qanadlar" adlı üç kitabı çap olunmuşdu. Az müddət olsa da, Azərbaycan radiosunun gənclər şöbəsinin müdiri, sonra "Uşaqgəncnəşr" və "Azərnəşr" nəşriyyatlarının redaktoru, "Ədəbiyyat və incəsənət" qəzetində şöbə müdiri kimi vəzifələrdə çalışmışdır.

Gündüz Abbasovu kinoda "Onun böyük ürəyi" və "Bir qalanın sirri" filmlərində ifa etdiyi rollar məşhurlaşdırır. Bundan sonra ard-arda bir neçə filmdə çəkilən aktyor çəkildiyi filmlərdə müxtəlif planlı yaddaqalan xarakterik rollarda çəkilir. Aktyor ciddi rollarla yanaşı "Mozalan" kinojurnalının bir çox süjetlərində də iştirak etmişdi. Aktyorun çəkildiyi sonuncu film "Yuxu" filmi olmuşdu. Sağlığında filmi görə bilməsə də, yaratdığı Hidayət əmi obrazı tamaşaçıların yaddaşında hər zaman xatırlanır.

Gündüz Abbasov 1995-ci ildə 21 avqustda vəfat etmişdir.

Filmoqrafiya[redaktə | əsas redaktə]

  1. Alman klinikasına şəxsi səfər (film, 1988)(tammetrajlı bədii film)-rol: Stepan Leonozov
  2. Arvadım mənim, uşaqlarım mənim (film, 1978)
  3. Aygün (film, 1960)
  4. Babək (film, 1979)
  5. Bir qalanın sirri (film, 1959)
  6. Bizim küçə (film, 1961)
  7. Cəza (film, 1986)
  8. Çətirimiz buludlardır (film, 1976)
  9. Dədə Qorqud (film, 1975)
  10. Doğma sahillər (film, 1989)
  11. Evlənmək istəyirəm (film, 1983)
  12. Əmək və qızılgül (film, 1962)
  13. Həmyerli (film, 1989)
  14. Xoşbəxtlik qayğıları (film, 1976)
  15. İşarəni dənizdən gözləyin (film, 1986)
  16. İşgüzar səfər (film, 1982)
  17. Qəm pəncərəsi (film, 1986)
  18. Qərib cinlər diyarında (film, 1977)
  19. Leyli və Məcnun (film, 1961)
  20. Mühazirə (film, 1986)
  21. Onun böyük ürəyi (film, 1958)
  22. Sizin düşməniniz (film, 1987)
  23. Sovet pəhləvanı (film, 1942)
  24. Sürəyya (film, 1987)
  25. Şeytan göz qabağında (film, 1987)
  26. Telefonçu qız (film, 1962)
  27. Vulkana doğru (film, 1977)
  28. Yuxu (film, 2001), Yuxu filmi 1994-cü ildə çəkilmişdir lakin filmin tam istehsalı müəyyən səbəblərdən 2001-ci ildə başa çatmışdır.

İstinadlar[redaktə | əsas redaktə]

  1. Fərəcov, S. Romantik obrazlar ustası: [görkəmli kino aktyoru Gündüz Abbasov haqqında] //Mədəniyyət.- 2013.- 28 avqust.- S. 11.

Mənbə[redaktə | əsas redaktə]