Lütfi Məmmədbəyov

Vikipediya, azad ensiklopediya
Jump to navigation Jump to search
Lütfi Məmmədbəyov
Lütfi Məmmədbəyli.jpg
Digər adları Lütfü Məmmədbəyli
Lütfü Məmmədbəyov
Doğum tarixi 6 fevral 1927(1927-02-06)
Doğum yeri Ağdaş, Azərbaycan SSR, Zaqafqaziya SFSR, SSRİ
Vəfat tarixi 1 fevral 2004 (76 yaşında)
Vəfat yeri Bakı, Azərbaycan
Vətəndaşlığı SSRİ SSRİ
Azərbaycan Azərbaycan
Peşəsi Aktyor
Mükafatları "Azərbaycan SSR əməkdar artisti" fəxri adı "Azərbaycan Respublikasının xalq artisti" fəxri adı — 1991 "Şöhrət" ordeni (Azərbaycan) — 1997
IMDb ID 2364989

Lütfi Şahbaz oğlu Məmmədbəyov — Azərbaycan aktyoru və rejissoru, ssenari müəllifi, mətn oxuyan, filmlərin bədii rəhbəri, Azərbaycan Respublikasının xalq artisti (1991).[1]

Həyatı[redaktə | əsas redaktə]

Lütfü Məmmədbəyov 6 fevral 1927-ci ildə Ağdaşda anadan olub. Teatr Texnikumunda (1943-1947), M.Əliyev adına ADİİ-nun rejissorluq fakültəsində (1961-1966) təhsil alıb. 1947-ci ildə bir müddət Musiqili Komediya Teatrında fəaliyyət göstərib,40-cı illərin sonunda bu teatr müvəqqəti olaraq bağlanarkən Gənc Tamaşaçılar Teatrının truppasına daxil olub.1961-ci ildə Akademik Milli Dram Teatrına dəvət olunub və ömrünün sonunadək burada çalışıb. Böyük aktyorluq məktəbi keçmiş Lütfi Məmmədbəyov 1953-cü ildə yaratdığı xalq teatrına 40 ildən çox rəhbərlik edib və adı teatr tarixinə şərəflə yazılan böyük aktyor nəsli yetişdirib. L.Məmmədbəyov Akademik Milli Dram Teatrının səhnəsində bir neçə tamaşanın quruluşçu rejissoru, televiziyada 60-dan çox televiziya tamaşasının rejissoru olub. Respublikada ilk çoxseriyalı televiziya filminin (teleserialın) yaradıcısı olub Lütfi Məmmədbəyov olub - Əlibala Hacızadənin əsəri əsasında 12 seriyalı "İtkin gəlin" filmi çəkib.

Lütfi Məmmədbəyov kinofilmlərdə də çəkilib. “O olmasın, bu olsun”, “Bəxtiyar”, “Qızmar günəş altında”, “Göz həkimi”, “Leyli və Məcnun”, “Sehrli xalat” və başqa filmlərdə rol alıb.

Görkəmli sənətkar 2004-cü il fevralın 1-də Bakıda vəfat edib.

Mükafatları[redaktə | əsas redaktə]

  • Azərbaycan SSR əməkdar artisti — 1 iyun 1974
  • Azərbaycan Respublikasının xalq artisti — 22 may 1991
  • "Şöhrət" ordeni — 13 mart 1997[2].
  • "Qızıl Dərviş" mükafatı

Filmoqrafiya[redaktə | əsas redaktə]

  1. Ağasadıq Gəraybəyli (film, 1974)
  2. Alov (film, 1979) (tammetrajlı televiziya tamaşası)
  3. Atayevlər ailəsi (film, 1978)
  4. Bəxtiyar (film, 1955)
  5. Duel (film, 1995)
  6. Göz həkimi (film)
  7. İtkin gəlin (film, 1994)
  8. Kişilər (film, 1979)
  9. Qızmar günəş altında (film, 1957)
  10. Leyli və Məcnun (film, 1961)
  11. Mehmanxana sahibəsi (film, 1978)
  12. Mücrü (film, 1973)
  13. O olmasın, bu olsun (film, 1956)
  14. Sarıköynəklə Valehin nağılı (film, 1980)
  15. Sehrli xalat (film, 1964)
  16. Səhər (film, 1960)
  17. Taleyin qisməti (film, 1996-1997)
  18. Unudulan adam (film, 1987)
  19. Yad qızı (film, 1990)
  20. Yağışdan sonra (film, 1998)
  21. Yeni il gecəsində (film, 1958)

İstinadlar[redaktə | əsas redaktə]

  1. "M. Əzizbəyov adına Azərbaycan Dövlət Akademik Dram Teatrının işçilərinə Azərbaycan Respublikasının fəxri adlarının verilməsi haqqında" Azərbaycan Respublikası Prezidentinin 22 may 1991-ci il tarixli, 217 nömrəli Fərmanı  (azərb.)
  2. Lütfi Məmmədbəyovun "Şöhrət" ordeni ilə təltif edilməsi haqqında Azərbaycan Respublikası Prezidentinin 13 mart 1997-ci il tarixli Fərmanıanl.az saytı