Azərbaycan Dövlət Dəniz Akademiyası

Vikipediya, açıq ensiklopediya
Keçid et: naviqasiya, axtar


Azərbaycan Dövlət Dəniz Akademiyası

ADDA logo.png
Şüar *Biz • bir • Ailəyik • Hamımız birimiz üçün, birimiz hamımız üçün!!!*
Yaranma tarixi 1996
Tip Dövlət ali təhsil müəssisəsi
Rektor Çingiz Əliyev[1]
Prorektor Faiq Nağıyev
Şəhər WP baku siegel.pngBakı
Ölkə Flag of Azerbaijan.svg Azərbaycan
Koordinat 40°23′43″ şm. e. 49°52′56″ ş. u. / 40.39528° şm. e. 49.88222° ş. u. / 40.39528; 49.88222
Ünvan AZ 1000, Bakı şəhəri, Səbail rayonu, Z.Əliyeva küçəsi 18
Universitet şəhərciyi «Akademiyanın II tədris korpusu»,
AZ1003, Bakı şəhəri, Yasamal rayonu, Xanlar küç.22
Universitet şəhərciyi 2 «Dənizçilərin Hazırlanması və sertifikatlandırılması Mərkəzi»,
Bakı şəhəri, Qaradağ rayonu, Lökbatan qəsəbəsi, Salyan şosesi 23
Vebsayt www.adda.edu.az

Azərbaycan Dövlət Dəniz AkademiyasıAzərbaycanda dənizçi kadrların hazırlığı ilə məşğul olan dövlət ali təhsil müəssisəsi[2]

Azərbaycan Xəzər Dəniz Gəmiçiliyinin strukturuna daxildir.

Yaranma tarixi[redaktə | əsas redaktə]

Azərbaycanda dənizçi kadrların hazırlanmasına 1881-ci ilin noyabrından başlanılmış və çox şərəfli tarixi inkişaf yolu keçmişdir.

Azərbaycan Respublikası Mərkəzi dövlət tarix arxivində Bakı şəhər başçısının Qafqaz baş idarə rəisinə Bakıda 21 noyabr 1881-ci ildə Dənizçilik siniflərinin açılması barədə məlumatı vardır. Həmin illər Bakı dənizçilik siniflərində oxuyanların əksəriyyəti dənizdə işləyənlər idi. Tədris ili 1 noyabrdan 1 aprelə kimi müddətdə (qış mövsümü ilə əlaqədar olaraq Həştərxana dəniz yolunun bağlı olması, buxarla işləyən və yelkənli donanmanın Bakı portunda qışlaması dövrü) təşkil edilirdi. Dənizçilik siniflərini hər il 25-30 nəfər gəmi sürücüsü və 15-18 nəfər şpiker bitirirdi.

1896-cı ildə dənizçilik sinifləri nəzdində mexanika kursu (sonralar gəmi mexanikləri məktəbi) açıldı.

Əksər Azərbaycan dənizçiləri təhsilini bu siniflərdə almışdılar.

1 iyul 1902-ci ildə Bakı dənizçilik sinifləri əsasında üç illik Bakı uzaq səfərlər məktəbi yaradıldı və eyni zamanda məktəbin tərkibində hazırlıq kursları təşkil edildi.

1 oktyabr 1921-ci ildə isə Bakı su nəqliyyatı texnikumunda istehsalatdan ayrılmamaqla axşam şöbəsi və istehsalatdan ayrılmaqla əyani şöbə açıldı.

Dəniz nəqliyyatı mərkəzi idarəsinin və Yollar xidməti üzrə Xalq Komissarlığının sərəncamı ilə 1 oktyabr 1924-cü ildə Bakı su nəqliyyatı texnikumu Bakı su yolları texnikumu adlandırılaraq, Xəzər Dəniz Gəmiçiliyinin tabeliyinə verildi. 1925-ci ildə ilk dəfə olaraq, texnikumun tərkibində Azərbaycan bölməsi açıldı. 1930-cu ilin martında hökumətin sənaye texnikumlarının sahələr üzrə yenidən təşkili haqqında qərarına uyğun olaraq 1 sentyabr 1930-cu ildə Bakı su yolları texnikumu Bakı dənizçilik texnikumu adlandırıldı. 1944-cü ilin martından Bakı dənizçilik texnikumu Bakı dəniz yolları məktəbi adlandırıldı.

Azərbaycan Dövlət Dəniz Akademiyası
Azerbaijan State Marine Academy.jpg
Ölkə Flag of Azerbaijan.svg Azərbaycan
Şəhər WP baku siegel.png Bakı
Yerləşir Z.Əliyeva küçəsi 18
Tikilmə tarixi 1881
Azərbaycan Dövlət Dəniz Akademiyası (Bakı)
Anchor-a.gif
Commons-logo.svg Azərbaycan Dövlət Dəniz Akademiyası Wikimedia Commonsdа

Ulu öndərimiz Heydər Əliyevin tapşırığına əsasən Bakı Dəniz yolları məktəbinin bazasında Azərbaycan Respublikası Nazirlər kabinetinin 15 iyul 1996-cı il 91 saylı qərarı ilə Azərbaycan Dövlət Dəniz Akademiyası yaradıldı. Bu, Azərbaycan təhsilinin yeni bir istiqaməti olaraq respublikamızın ticarət gəmilərində işləmək üçün ixtisaslı dənizçi kadrlar hazırlayan yeganə ali məktəb oldu. 1995-ci ilin may ayında Ulu öndərimiz Heydər Əliyevin Azərbaycanı dünyaya tanıtması siyasətinin davamı kimi, Azərbaycan Beynəlxalq Dəniz Təşkilatına üzv qəbul olundu və bu təşkilatın bütün konvensiyalarını qəbul etdi. Azərbaycan Konvensiyaya qoşulduqdan sonra Dəniz Akademiyası ilk gündən BDT-nin "Dənizçilərin hazırlanması, onlara diplom verilməsi və növbə çəkməsi haqqında" 1978-ci ildə qəbul edilmiş Beynəlxalq Konvensiyanın tələblərinə uyğun olaraq təhsilini qurmuşdur. Bu məqsədlə bütün ixtisaslar üzrə baza təhsil proqramları, tədris planları və təhsilin dövlət standartları hazırlanmış və müvafiq qaydada təsdiq edilərək, BDT tərəfindən qəbul edilmişdir.

Azərbaycan Dövlət Dəniz Akademiyası 2000-ci ilin yanvar ayında Beynəlxalq Dəniz Təşkilatının dəniz təhsil məktəbləri kataloquna 012 sayla daxil edilmişdir.

Hazırda Akademiyanın verdiyi diplom və sertifikatlar beynəlxalq səviyyədə tanınır.

Akademiyanın fəaliyyətinin digər bir istiqaməti kadrların ixtisasartırma və yenidən hazırlanması sahələrində gördüyü işlərdir. Bu məqsədlə Akademiyada Nazirlər Kabinetinin 2000-ci il 8 may tarixli 83 saylı qərarı ilə "Dənizçilərin hazırlanması və sertifikatlandırılması mərkəzi" yaradıldı. Burada müxtəlif kurslar fəaliyyət göstərir.

Akademiyanın tərkibində Sıravi Heyət Mütəxəssisləri Hazırlama şöbəsi (Dənizçilik məktəbi) də fəaliyyət göstərir. Burada dənizçilik idarələrinin tələbatına uyğun orta-peşə təhsilli kadrlar hazırlanır. Akademiyada dənizçilik ixtisasları üzrə təhsilin bütün pillələrində tədris prosesi qurulmuşdur.

2002-ci ilin oktyabrında Akademiya dənizçi mütəxəssislərin hazırlanması sahəsində keyfiyyətin menecmenti sistemi üzrə İSO 9001-2000 Beynəlxalq standartına uyğun sertifikata layiq görülmüş və 2010-cu ilin fevralın 1-dən isə Akademiyada İSO 9001-2008 keyfiyyət menecment sistemi tətbiq edilmişdir. Akademiya MDB ölkələrinin və digər xarici dövlətlərin ali dənizçilik məktəbləri ilə əməkdaşlıq edir. Akademiya Sankt-Peterburq şəhərindəki A. Makarov adına Dənizçilik Akademiyası tərkibində fəaliyyət göstərən MDB ölkələrinin dənizçilik ali məktəblərinin tədris-metodiki şurasının üzvüdür.

"Təhsil Azərbaycanın davamlı inkişaf strategiyasının ən öncül istiqamətlərindən biridir" deyən Azərbaycan Respublikasının Prezidenti cənab İlham Əliyevin diqqət və qayğısı sayəsində Azərbaycanda təhsil sistemi gündən-günə inkişaf edir. Hər il tikilən yeni-yeni məktəblər, ali təhsil ocaqlarının maddi-texniki bazasının möhkəmləndirilməsi, aparılan islahatlar təhsildə keyfiyyət dəyişikliklərinə səbəb olmaqla bərabər, elmin və tədrisin inkişafı üçün ucu-bucağı görünməyən meydan açır.

Öz profilinə görə regionda yeganə təhsil müəssisəsi olan Azərbaycan Dövlət Dəniz Akademiyası da bu qayğı və diqqətin bəhrəsini görür. Akademiya fəaliyyət göstərdiyi illər ərzində istər tədrisdə, istərsə də elmi araşdırmalarda çox böyük uğurlar qazanıb. Gəmiçiliyin donanması yeni və müasir gəmilər hesabına zənginləşdikcə, Akademiyanın tədris prosesi də yeni trenajorlarla təmin edilir və laboratoriya şəbəkəsi genişlənir. Akademiyada tədrisin dünya standartlarına cavab verməsi üçün müasir avadanlıq və trenajorlarla təchiz edilməsi ardıcıl şəkildə davam etdirilir. Son üç ildə Beynəlxalq Konvensiyanın B-1/12 bölməsinin tələblərinə cavab verən "Engine room simulator ERS-4000", "NT-4000", "TQS" və "NS-3000" trenajorları alınaraq tədris prosesində istifadə edilir. Eyni zamanda Akademiyanın tələbələrinin istifadəsində olan "Radar", "Naviqasiya", "Elektron xəritə çəkmə", "GMDSS" trenajorları və su üzərində olan "Deborkader" tədris-məşq mərkəzi, quru yük götürmə qabiliyyəti 3000 ton olan "Rəzul Rza" adına tədris gəmisi yüksək ixtisaslı dünya standartlarına cavab verən dənizçi kadrların hazırlanmasına əsas verir.

Tədrisin təkmilləşdirilməsi, onun elm və istehsalatla əlaqələrinin möhkəmləndirilməsi prosesi daim diqqət mərkəzindədir. Akademiyada 4 elmi-tədqiqat laboratoriyası fəaliyyət göstərir. Tələbələr tədrislə yanaşı, həm də kafedraların elmi-tədqiqat laboratoriyalarının araşdırmalarında iştirak edirlər. Akademiyada Tələbə Elmi cəmiyyəti, Tələbə Gənclər təşkilatı, Həmkarlar təşkilatı, Qadınlar cəmiyyəti fəaliyyət göstərir və bu gün də öz işlərini günün tələbləri səviyyəsində davam etdirirlər. Hər il Akademiyada yerinə yetirilmiş elmi-tədqiqat işlərinin müzakirəsinə həsr edilmiş professor-müəllim heyətinin elmi-texniki və elmi-metodik konfransı keçirilir, 2005 və 2006-cı illərdə Akademiyada "Su nəqliyyatının problemləri"nə həsr olunmuş Respublika miqyaslı Elmi-texniki konfranslar keçirilmişdir.

2008-2012-ci illərdə Akademiyada 9 mövzu üzrə elmi-tədqiqat işlərinin, 2 mövzu üzrə isə elmi-metodik işlərin yerinə yetirilməsi nəzərdə tutulmuşdur və bu işlər müvəffəqiyyətlə yerinə yetirilir. Hal-hazırda 52 əməkdaş elmi-tədqiqat və elmi-metodiki işləri yerinə yetirirlər. Son 2 ildə Akademiyanın əməkdaşlarının 125-dən çox elmi məqalə və tezisləri, 15 kitabı, o cümlədən 2 monoqrafiya, 7 dərslik, 6 dərs vəsaiti, 12 metodiki vəsait və 20 fənn proqramları çap edilmişdir.

2003-cü ildən etibarən "Azərbaycan Dövlət Dəniz Akademiyasının Elmi Əsərləri" məcmuəsi nəşr olunur. 2007-ci ildən bu məcmuə Azərbaycan Respublikası Prezidenti yanında Ali Attestasiya Komissiyasının elmi əsərlərin çap olunması məsləhət görülən məcmuələr siyahıya daxil edilmişdir.

Akademiyada 11 dissertant öz elmi mövzuları üzərində tədqiqatlarını davam etdirirlər. Bu illər ərzində Akademiyanın əməkdaşları dissertasiya müdafiyə edərək 3 nəfər elmlər doktoru və 4 nəfər isə fəlsəfə elmləri doktoru alimlik dərəcəsi almışlar. Hazırda 3 dissertant dissertasiya üzərində işlərini tamamlamış və müdafiəyə hazırlaşırlar.

Akademiyanın 2 nəfəri İngiltərədə, 5 nəfəri Rusiyada, 3 nəfəri Kiprdə ixtisasartırma kursları keçmiş və müvafiq sertifikatlar almışlar.

Möhtərəm Prezidentimiz cənab İ.Əliyevin 2008-ci ildə imzaladığı sərəncamla "Gəmi elektrik avadanlığı və avtomatikası" kafedrasının müdiri dosent Hamlet Mehdiyev "Əməkdar müəllim" fəxri adına layiq görülmüşdür.

Professor-müəllim və tələbə heyətinin effektiv fəaliyyəti üçün Akademiyada hər cür şərait yaradılmışdır. Onların tələbatını ödəyən kompüter mərkəzi, poliklinika, yeməkxana, şəhərin mərkəzində rahat, təmirli yataqxana vardır. Akademiyanın Azərbaycan, rus və ingilis dillərində 80.000-nə yaxın dənizçilik ixtisasları üzrə dərslik və dərs vəsaitləri, elmi, bədii ədəbiyyat toplanmış zəngin elmi-texniki kitabxanası fəaliyyət göstərir.

Tələbələrimiz yelkənli qayıq, futbol, güləş və şahmat üzrə yarışlarda iştirak edirlər. Yelkənli qayıq yarışlarında yüksək nəticələr əldə edilmişdir.

Fakültə və ixtisaslar[redaktə | əsas redaktə]

Dəniz Akademiyasında 3 fakültə fəaliyyət göstərir:
1 “Dəniz naviqasiyası” fakültəsi
2 “Gəmi mexanikası” fakültəsi
3 “Gəmi elektrotexnikası” fakültəsi

Fakültələrdə aşağıdakı ixtisaslar üzrə kadr hazırlığı aparılır.

“Dəniz naviqasiyası” fakültəsi[redaktə | əsas redaktə]

Bakalavr və Magistratura səviyyəsində:
1 “Dəniz naviqasiyası mühəndisliyi”
2 “Nəqliyyatda daşımaların və idarəetmənin təşkili mühəndisliyi”

“Gəmi mexanikası” fakültəsi[redaktə | əsas redaktə]

Bakalavr səviyyəsində:
1 “Gəmi energetik qurğularının istismarı mühəndisliyi”
2 “Gəmiqayırma və gəmi təmiri mühəndisliyi”
Magistratura səviyyəsində:
1 “Dəniz texnikası və avadanlıqlarının istismarı mühəndisliyi”
2 “Dəniz texnikası və texnologiyası mühəndisliyi”

“Gəmi elektrotexnikası” fakültəsi[redaktə | əsas redaktə]

Bakalavr və Magistratura səviyyəsində:
1 “Elektrik mühəndisliyi”
2 “Proseslərin avtomatlaşdırılması mühəndisliyi”

Azərbaycan Respublikası Nazirlər Kabinetinin 14.12.2010-cu il tarixli 235 nömrəli qərarı ilə ADDA-da aşağıda göstərilən ixtisaslar üzrə doktorantura açılmışdır:

Doktorantura səviyyəsində:
1 “Gəmiçilik və su nəqliyyatının istismarı”
2 “Dəniz texnikası”
3 “Gəmiqayırma və gəmi təmiri texnologiyası”

Son ildə həmin ixtisaslara 11 doktorant və 3 dissertant qəbul olmuşdur.

“Ali təhsilin bakalavriat səviyyəsi ixtisaslarının (proqramlarının) Təsnifatı”nın təsdiq edilməsi haqqında” Azərbaycan Respublikası Nazirlər Kabinetinin 2009-cu il 12 yanvar tarixli 8 nömrəli qərarında dəyişikliklər edilməsi barədə Azərbaycan Respublikası Nazirlər Kabinetinin Qərarı

“Təhsil haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanına əsasən və Azərbaycan Xəzər Dəniz Gəmiçiliyi QSC-nin təklifini nəzərə alaraq Azərbaycan Respublikasının Nazirlər Kabineti

QƏRARA ALIR:

" Azərbaycan Respublikası Nazirlər Kabinetinin 2009-cu il 12 yanvar tarixli 8 nömrəli qərarı (Azərbaycan Respublikasının Qanunvericilik Toplusu, 2009, № 1, maddə 29, № 4, maddə 287; 2011, № 3, maddə 230, № 11, maddə 1069; 2012, № 4, maddə 387) ilə təsdiq edilmiş “Ali təhsilin bakalavriat səviyyəsi ixtisaslarının (proqramlarının) Təsnifatı”nın “6. Texniki və texnoloji ixtisaslar qrupu” bölməsində “Dəniz texnikası və texnologiyası mühəndisliyi” sözləri “Gəmiqayırma və gəmi təmiri mühəndisliyi sözləri ilə, “Dəniz texnikası və avadanlıqlarının istismarı mühəndisliyi” sözləri “Gəmi energetik qurğularının istismarı mühəndisliyi” sözləri ilə, “Gəmiçilik və gəmilərin hərəkətinin idarə edilməsi” sözləri “Dəniz naviqasiyası mühəndisliyi” sözləri ilə əvəz edilsin. "

Azərbaycan Respublikasının Baş naziri Artur Rasi-zadə Bakı şəhəri, 6 avqust 2012-ci il № 175 Mənbə

Tədris sistemi[redaktə | əsas redaktə]

Bakalavr pilləsində əyani şöbənin təhsil müddəti 4, qiyabi şöbənin isə 5 ildir (xarici vətəndaşlar əlavə 9 ay hazırlıq şöbəsində oxumalıdırlar). Magistr hazırlığı üçün əyani şöbədə 2 il, qiyabi şöbədə isə 2,5 il vaxt norması nəzərdə tutulmuşdur.

Beynəlxalq Dəniz Təşkilatı tərəfindən tanınan təhsil!

  • Akademiyanın tələbələri ödənişsiz əsaslarla ildə 2 dəfə (yay və qış geyimləri) forma ilə təmin edilir.
  • Tələbələr yeni təmirdən çıxmış və yüksək standartlara cavab verən Akademiyanın yataqxanasından ödənişsiz istifadə etmək iqtidarındadırlar.
  • Tələbələr Akademiya nəzdində ödənişsiz əsaslarla dil kurslarından (ingilis və rus dillərində) yararlana bilərlər.
  • Tələbələr yelkənli qayıq və üzgüçülük üzrə xüsusi hazırlıq keçəcəklər.
  • Tələbələr Makarov Adına Sankt-Peterburq Dövlət Dəniz və Çay Donanması Universitenin elektron kitabxanasından istifadə hüququna malikdirlər.
  • Həftənin 5 tədris günü (Bazar ertəsi – Cümə) tələbələr gündə 2 dəfə ödənişsiz yeməklə (səhər yeməyi və naharla) təmin olunurlar.
  • Təhsil müddətində tələbələr 12 ay Beynəlxalq sularda üzən gəmilərdə, yeni gəmiqayırma zavodunda və limanda təcrübə kecəcəklər.
  • 1-ci kursdan sonra tələbələrə matros, motorçu və gəmi elektriki işçi diplomları və müvafiq Beynəlxalq standartlara uyğun sertifikatlar veriləcək.
  • Akademiyanın diplomu yüz əlli altı (156) dövlət tərəfindən tanınır.
  • Məzunlar vakant iş yeri olduğu halda müsabiqə ilə Azərbaycan Xəzər Dəniz Gəmiçiliyi QSC-nin gəmilərində və müəssisələrində yüksək əmək haqqı və zəmanətli işlə təmin olunacaqlar.

Yüksək keyfiyyətli mütəxəssislər hazırlamaq üçün akademiya özünün maddi-texniki potensialını daim moderinləşdirir, auditoriyalarını, laboratoriyalarını, tədris kabinələrini ən müasir texniki-təlim vasitələri ilə zənginləşdirir. Tədrisin təkmilləşdirilməsi, onun elm və istehsalatla əlaqələrinin möhkəmləndirilməsi prosesi daim diqqət mərkəzindədir. Professor-müəllim və tələbə heyətinin effektiv fəaliyyəti üçün Akademiyada hər cür şərait yaradılmışdır. Onların təlabatını ödəyən azərbaycan, rus və ingilis dillərində 90 mindən çox dənizçilik peşəsinə aid kitabla təmin olunmuş elmi-texniki kitabxana, kompyuter mərkəzi, poliklinika, yeməkxana, idman zalları vardır.

Akademiya Rusiya, Türkiyə, Almaniya, Polşa, Bolqarıstan, Qazaxıstan, Gürcüstan, Ukrayna, Latviya və digər xarici dövlətlərin ali dənizçilik məktəbləri ilə əməkdaşlıq edir. Professor-müəllim heyəti İngiltərədə, Rusiyada, Polşada və Kiprdə ixtisasartırma kursları keçmiş və müvafiq Beynəlxalq sertifikatlar almışlar.Akademiyanın 10 kafedrasında 98 müəllim, o cümlədən, 4 professor, elmlər doktoru və 37 dosent, elmlər namizədi, 24 nəfər baş müəllim, 31 assistent, 2 müəllim çalışır.

Azərbaycan Dövlət Dəniz Akademiyası Beynəlxalq Dəniz Təşkilatının ali dəniz təhsili məktəblərinin kataloquna 012 sayla daxil edilmiş və fəaliyyətində İSO 9001-2008 keyfiyyətin menecment sistemi tətbiq edilmişdir.

Azərbaycan Respublikasının dövlət müstəqilliyinin möhkəmləndirilməsi, onun xarici əlaqələrinin genişləndirilməsi, beynəlxalq nüfuzunun güclənməsi Dəniz Akademiyası qarşısında inkişaf üçün perspektivlər açır, yüksəkixtisaslı dənizçi kadrları hazırlamaq sahəsində onun məsuliyyətini artırır.

Hazırda Akademiyada Qazaxıstandan, Türkümənistandan və Gürcüstandan xarici tələbələr təhsil alır.

Sıravi heyət mütəxəssislərinin hazırlanması şöbəsi[redaktə | əsas redaktə]

Sıravi Heyət Mütəxəssislərinin Hazırlanması şöbəsi 2004-cü ildən fəaliyyətə başlayıb. Sıravi heyət mütəxəssisləri hazırlama şöbəsi Respublikanın dənizçilik müəssisələri üçün beynəlxalq konvensiyasının DHSNÇ78, A II/4, A III/4, A V/1 bölmələri tələblərinə uyğun aşağıdakı ixtisaslar üzrə mütəxəssislər hazırlayır:

  • İxtisaslaşmış matros
  • İxtisaslaşmış motorçu
  • Gəmi elektriki
  • Gəmi aşpazı
  • Kran operatoru
  • Doker – mexanizator

İxtisas seçimindən asılı olmayaraq şöbəyə qəbul olmaq istəyən şagirdlər aşağıdakı sənədləri təqdim etməlidirlər:

  • Rektorun adına ərizə (ixtisas göstərilməklə)
  • Şəxsiyyət vəsiqəsi (əsli və surəti)
  • Tam orta təhsil (orta ixtisas və ali təhsil) haqqında sənəd (əsli və surəti)
  • Sağlamlıq haqqında arayış (forma 086)
  • 3×4 –ölçülü fotoşəkil (6 ədəd)
  • Hərbi bilet (əsli və surəti)

Sıravi Heyət Mütəxəssislərinin Hazırlanması şöbəsində təhsil müddəti 6 aydır. 6 aylıq təhsil müddətinin 3 ayı nəzəri təlimlərə, 3 ayı isə təcrübə təlimlərinə ayrılır. Nəzəri təlimləri Akademiyanın təcrübəli professor – müəllim heyəti aparır. Təcrübə müddətində – matros, motorçu və elektrik ixtisasına yiyələnən şagirdlər “RƏSUL RZA” təlim gəmisində, gəmi aşpazı – ADXDG – nin Quru yük liman məntəqəsinin yeməkxanasında və Azərbaycan Dövlət Dəniz Akademiyasının yeməkxanasında, kran operatoru və doker-mexanizator ixtisasları üzrə Gəmiqayırma və gəmi təmiri istehsalat bazasında təcrübələr keçirlər.

Şagirdləri istehsalat təcrübəsinə göndərilməzdən əvvəl Xəzər Dəniz Gəmiçiliyinin və Akademiyanın müvafiq mütəxəssisləri tərəfindən “Əməyin Mühafizəsi və Təhlükəsizlik Texnikası üzrə giriş təlimatı” və “Yanğına Qarşı Təhlükəsizlik texnikasının təlimatı” ilə məlumatlandırılırlar.

Şöbəni “Matros”, “Motorçu” və “Elektrik” ixtisası üzrə başa vurmuş mütəxəssislər yalnız Xəzər dənizində deyil, dünyanın bütün sularında üzən gəmilərdə, aparıcı beynəlxalq şirkətlərdə, limanlarda şərəflə çalışırlar. “Kran operatoru” ixtisası üzrə mütəxəssislər gəmilərdə, limanlarda və zavod daxilində olan sexlərdə kran maşinisti kimi fəaliyyət göstərirlər.

Dənizçilərin hazırlanması və sertifikatlandırılması mərkəzi[redaktə | əsas redaktə]

Dənizçilərin Hazırlanması və sertifikatlandırılması Mərkəzində  DHDNÇ-78 əlavələr edilmiş Beynəlxalq Konvensiyasına uyğun olaraq, Beynəlxalq Dəniz Təşkilatının Model Kursları əsasında kapitanlar, komandir heyəti üzvləri və sıravi heyət üzvləri üçün xüsusi təlim kursları, habelə ixtisasartırma və yenidən hazırlıq kurslar keçirilir.

  • Bütün dənizçilər üçün təhlükəsizlik üzrə tanışlıq, ilkin hazırlıq və təlimat
  • Sürətli olmayan xilasedici qayıq, növbətçi qayıq və sallar üzrə mütəxəssis
  • Əmniyyətli İdarəetmə haqqında Beynəlxalq Məcəllə
  • Gəminin mühafizəsi üzrə ümumi hazırlıq və təlimat
  • Gəminin mühafizəsi üzrə müəyyən edilmiş vəzifələrə malik şəxslərin hazırlığı
  • Yanğınla mübarizə geniş proqram üzrə
  • Təhlükəli və zərərli yüklərin daşınması
  • Gəmidə İlk Tibbi Yardım
  • Maşın şöbəsinin resurslarının idarə olunması
  • Liderlik və birgə iş fəaliyyəti
  • Sürətli xilasetmə Qayıq Mütəxəssisi
  • Gəmidə Tibbi Nəzarət
  • Neft tankerlərində yük əməliyyatına dair geniş proqram üzrə hazırlıq
  • İzdihamın idarə olunması üzrə hazırlıq
  • Böhran zamanı idarəetmə və insan davranışı üzrə hazırlıq
  • Neft və kimyəvi maddələr daşıyan tankerlərdə yük əməliyyatına dair ilkin hazırlıq və kvalifikasiya
  • Gəmi Əmniyyətliyi üzrə Məsul Şəxs
  • Gəmi mühafizəsi üzrə məsul şəxs
  • Kapitan Körpüsünün Resurslarının İdarə Olunması
  • Gəminin İdarə Olunması və Manevr Edilməsi
  • Elektron Xəritə Displeyinin və İnformasiya Sistemlərinin İstismar Qaydaları
  • Qlobal Dəniz Fəlakət və Əmniyyətli Rabitə Sisteminin (QDFƏRS) Məhdud Rayon Operatoru
  • Qlobal Dəniz Fəlakət və Əmniyyətli Rabitə Sisteminin (QDFƏRS) Ümumi Rayon Operatoru
  • Radar müşahidəsi və təsviri, Avtomatik Radar Müşahidə Vasitələrinin istismarı(istismar səviyyəsində)
  • Radar, avtomatik radar müşahidə vasitələri, kapitan körpüsü komandası və axtarış-xilasetmə (İdarəetmə səviyyəsində)
  • Sərnişinlərin, yükün və gəmi gövdəsinin təhlükəsizliyi üzrə hazırlıq
  • Sərnişinlərə bilavasitə xidmət göstərən heyət üzvləri üçün təhlükəsizlik üzrə hazırlıq
  • Gəmi Qaz analizatorları və onların istismarı
  • İnert Qaz Sistemi
  • Kimyavi maddələr daşıyan tankerlərdə yük əməliyyatlarına dair geniş proqram üzrə hazırlıq

Bundan başqa praktiki məşqələlərin təmin edilməsi üçün Mərkəzdə aşağıda qeyd olunan avadanlıqlar yerləşir:

  • Qravitasiya tipli AT xilasetmə qayığı
  • Xilasetmə sal “Wiking”
  • “Qlobal Dəniz Fəlakət və Əmniyyətli Rabitə Sistemi (QDFƏRS)” (POSEİDON və TRANSAS firmasının istehsalı olan) trenajoru.
  • “Qlobal Dəniz Fəlakət və Əmniyyətli Rabitə Sistemi (QDFƏRS)”-nin real avadanlığı.
  • “Radar müşahidəsi və təsviri, avtomatik radar müşahidəsi vasitələrinin istismarı” (POSEİDON firmasının istehsalı olan) trenajoru.
  • “Elektron Xəritə Displeyinin və İnformasiya Sistemlərinin İstismar Qaydaları” trenajoru.
  • “Sürətli xilasetmə qayıq mütəxəssisi” (TRANSAS firmasının istehsalı olan) hazırlığı trenajoru

Həmçinin bax[redaktə | əsas redaktə]

İstinadlar[redaktə | əsas redaktə]

  1. "Ç.M. Əliyevin Azərbaycan Dövlət Dəniz Akademiyasının rektoru təyin edilməsi haqqında" Azərbaycan Respublikası Prezidentinin 24 iyul 2015-ci il tarixli Sərəncamı. president.az  (azərb.)
  2. ADDA-nın rəsmi veb saytı

Xarici keçidlər[redaktə | əsas redaktə]

Mənbə[redaktə | əsas redaktə]