Azərbaycan İlahiyyat İnstitutu

Vikipediya, açıq ensiklopediya
Jump to navigation Jump to search
Picto infobox université.png
Azərbaycan İlahiyyat İnstitutu
İnstitutun loqosu
İnstitutun loqosu

Əsası qoyulub 9 fevral 2018
Rektor Ceyhun Məmmədov
ŞəhərBakı
ÖlkəFlag of Azerbaijan.svg Azərbaycan

Azərbaycan İlahiyyat İnstitutu (tam adı: Azərbaycan Respublikasının Dini Qurumlarla İş üzrə Dövlət Komitəsinin tabeliyində Azərbaycan İlahiyyat İnstitutu[1]) — Azərbaycan Respublikasında ilahiyyat istiqaməti üzrə ixtisaslaşmış ali təhsil müəssisəsi. Rektoru Ceyhun Məmmədovdur[2].

Tarixi[redaktə | əsas redaktə]

Azərbaycan İlahiyyat İnstitutu Azərbaycan Respublikası Prezidentinin 9 fevral 2018-ci il tarixli Sərəncamına əsasən Azərbaycan Respublikasının Dini Qurumlarla İş üzrə Dövlət Komitəsinin tabeliyində yaradılması qərara alınmışdır[1]. Eyni Sərəncamla Bakı Dövlət Universitetinin İlahiyyat fakültəsinin Azərbaycan İlahiyyat İnstitutunun strukturuna daxil edilməsini təmin edilməsi Azərbaycan Respublikasının Təhsil Nazirliyinə tapşırılmışdır[1].

2018-ci il sentyabrın 17-də Azərbaycan İlahiyyat İnstitutunun açılış mərasimi keçirilib[3]. Tədbirdə Azərbaycan Respublikası Prezidenti Administrasiyasının Millətlərarası münasibətlər, multikulturalizm və dini məsələlər şöbəsinin müdiri Etibar Nəcəfov, Dini Qurumlarla İş üzrə Dövlət Komitəsinin sədri Mübariz Qurbanlı, Milli Məclisin ictimai birliklər və dini qurumlar komitəsinin sədri Siyavuş Novruzov, Türkiyə Diyanət Vəqfi 29 Mayıs Universiteti İdarə Heyətinin sədri Tayyar Altıkulac, Azərbaycanda fəaliyyət göstərən dini icmaların rəhbərləri və digər məsul şəxslər iştirak ediblər[3].

Məqsədi[redaktə | əsas redaktə]

İnstitutun yaradılmasında məqsəd Azərbaycan xalqının tarixi ənənələrinə söykənən və dövlət siyasətinin məntiqi nəticəsi olan yüksək dini-mənəvi mühitin qorunub saxlanılmasını və inkişaf etdirilməsini, dini fəaliyyətin təşkili sahəsində yüksək ixtisaslı kadrların hazırlanmasını təmin etməkdir[1].

Rəhbərlik[redaktə | əsas redaktə]

2018-ci ilin may ayının 31-də Prezident İlham Əliyev tərəfindən verilən sərəncamla instituta rektor Ceyhun Məmmədov təyin olunmuşdur[2].

13 sentyabr 2018-ci ildə Azərbaycan İlahiyyat İnstitutunda ilk prorektor təyinatları həyata keçirilib[4]. Azərbaycan Respublikasının Dini Qurumlarla İş üzrə Dövlət Komitəsinin sədri Mübariz Qurbanlının əmri ilə dosent Mübariz Camalov Aİİ-nin Tədris işləri üzrə prorektor, ilahiyyat üzrə fəlsəfə doktoru Aqil Şirinov isə Aİİ-nin Elm və innovasiyalar üzrə prorektoru vəzifəsinə təyin ediliblər[4].

Loqosu[redaktə | əsas redaktə]

Azərbaycan İlahiyyat İnstitutu öz korporativ loqosunun təşkili üçün 26 iyul 2018-ci il tarixində müsabiqə elan edib[5]. Bu məqsədlə İnstitutda Dini Qurumlarla İş üzrə Dövlət Komitəsinin İctimaiyyətlə əlaqələr şöbəsinin müdiri Yaqut Əliyeva, Azərbaycanın xalq rəssamı Eldar Mikayılzadə, AMEA-nın M.Füzuli adına Əlyazmalar İnstitutunun elmi işçisi Zaur Orucov və Azərbaycan İlahiyyat İnstitutunun müəllimi Kövsər Tağıyevdən ibarət komissiya təşkil edilib[5]. Müsabiqəyə Azərbaycanın müxtəlif bölgələrindən fərdi və müştərək qaydada 36 müəllif ümumilikdə 106 loqo nümunəsi təqdim edib[5].

Keçirilən loqo müsabiqəsi ilə əlaqədar Azərbaycan İlahiyyat İnstitutunda avqustun 8-də iclas keçirilib[5]. İclasda loqo nümunələri komissiya üzvlərinə təqdim edilib və müzakirələr aparılıb[5]. Elan edilən parametrlər üzrə qiymətləndirilmədən sonra, Könül Məmmədzadənin təqdim etdiyi loqo nümunəsi müsabiqənin qalibi seçilib və o, Azərbaycan İlahiyyat İnstitutu tərəfindən mükafatlandırılıb[5].

Komissiya üzvlərinin yekdil rəyinə görə, K.Məmmədzadənin təqdim etdiyi nümunə Azərbaycan İlahiyyat İnstitutunun məqsəd və məramını daha yaxşı əks etdirir[5]. Belə ki, multikulturalizmi və tolerantlığı əks etdirən loqonun tam mərkəzindəki əlləri səmaya yönələn "insan" simvolu Tanrı ilə ünsiyyəti, "kitab" - elmin əsas qaynağını, "zeytun budağı" isə sülhü və mənəviyyatı ifadə edir[5].

Fəaliyyəti[redaktə | əsas redaktə]

Hazırda institutda bir fakültə, üç kafedra mövcuddur. İnstitutda tədris Azərbaycan dilində həyata keçirilir. Gələcəkdə rus, ingilis və ərəb dilli bölmələrin açılması və dünyanın müxtəlif ölkələrindən tələbələrin institutda təhsilə cəlb olunması nəzərdə tutulur[3].

2018-2019-cu tədris ili[redaktə | əsas redaktə]

2018-2019-cu tədris ilində dövlət sifarişi əsasında qəbul üzrə Aİİ-nin islamşünaslıq ixtisasına 35, dinşünaslığa isə 25 plan yeri təsdiq edilib. Bu ayrılmış plan yerləri 100 faiz dolub[3].

Tələbə təqaüdləri[redaktə | əsas redaktə]

DQİDK tərəfindən Aİİ-nin bir tələbəsi üçün Heydər Əliyev adına təqaüd təsis edilib[3]. Qafqaz Müsəlmanları İdarəsi də tələbələrdən biri üçün aylıq təqaüd ayırıb[3].

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 1,2 1,3 "Azərbaycan İlahiyyat İnstitutunun yaradılması haqqında" Azərbaycan Respublikası Prezidentinin 9 fevral 2018-ci il tarixli Sərəncamı. president.az  (azərb.)
  2. 2,0 2,1 C.V.Məmmədovun Azərbaycan İlahiyyat İnstitutunun rektoru təyin edilməsi haqqında Azərbaycan Respublikası Prezidentinin Sərəncamı. president.az, 31.05.2018  (azərb.)
  3. 3,0 3,1 3,2 3,3 3,4 3,5 Azərbaycan İlahiyyat İnstitutunun açılışı olub. azertag.az, 17.09.2018  (azərb.)
  4. 4,0 4,1 Azərbaycan İlahiyyat İnstitutuna prorektorlar təyin edilib. scwra.gov.az, 13.09.18  (azərb.)
  5. 5,0 5,1 5,2 5,3 5,4 5,5 5,6 5,7 İlahiyyat İnstitutunun loqosu müəyyənləşib. report.az, 10.08.2018  (azərb.)

Xarici keçidlər[redaktə | əsas redaktə]