Lənkəran Dövlət Universiteti

Vikipediya, açıq ensiklopediya
Jump to navigation Jump to search
Picto infobox université.png
Lənkəran Dövlət Universiteti
LDU
Əsası qoyulub 25 sentyabr 1991-ci il
Tip Dövlət
Rektor Natiq İbrahimov
Tələbə sayı 3000-dən artıq
Şəhər Lənkəran
Ölkə Flag of Azerbaijan.svg Azərbaycan
Ünvan General Həzi Aslanov xiyabanı - 50
Vebsayt

Lənkəran Dövlət Universiteti və ya qısaca LDUAzərbaycan Respublikası Təhsil Nazirliyinin tabeliyində olan ali təhsil müəssisəsi[1].

Rektoru 7 aprel 2005-ci ildən[2] 28 mart 2016-cı ilə qədər Asəf İskəndərov olub.[3]LDU-nun hazırki rektoru Natiq İbrahimovdur.

Tarixi[redaktə | əsas redaktə]

Lənkəran Dövlət Universiteti Azərbaycan Respublikası Nazirlər Kabinetinin 25 sentyabr 1991-ci il tarixli 319 saylı qərarı ilə Bakı Dövlət Universitetinin Lənkəran filialı kimi açılmış, Nazirlər Kabinetinin 1992-ci il 23 iyul tarixli 403 saylı sərancamı ilə müstəqilliyini yenidən bərpa etmiş Azərbaycan Respublikasının ilk Dövlət statuslu ali məktəbi kimi fəaliyyətə başlamışdır.

Azərbaycanımızın cənub bölgəsində bu yeni ali məktəbin fəaliyyətə başlaması gənc dövlətin ictimai, mədənielmi həyatında böyük rezonans doğurmuş, bölgənin mədəni-siyasi, elmi həyatında alimlərin, ziyalıların və ali məktəb tələbələrinin fəal iştirakına şərait yaratmaqla yeni ictimai mühitin formalaşmasına səbəb olmuşdur. Tariximizin çətin, ziddiyyətli və şərəfli dövründə yaranmış Lənkəran Dövlət Universiteti ilk addımlarını Azərbaycanın müstəqilliyi dövründəki təhsil sistemi ilə birlikdə atmış və bu gün respublikanın qabaqcıl ali təhsil müəssisələrindən biri kimi 25 illik şərəfli tarixi yol keçərək milli mədəniyyətimizin, elm və təhsilimizin inkişafında mühüm xidmətlər göstərmişdir.

Fəaliyyətinin ilk dövründə LDU-da 12 ixtisas üzrə 218 tələbə təhsil almış, onların təlim-tərbiyəsi ilə 50 müəllim məşğul olmuşdur. Həmin dövrdə universitetdə 3 fakültə, 11 kafedra fəaliyyət göstərirdi. Universitetin ilk rektoru və yaradıcısı tarix elmləri doktoru, professor Hacıbaba Əzimov olmuşdur. Sonralar, 1997-ci ildə Respublika Prezidenti Heydər Əliyevin sərəncamı ilə Əməkdar Elm Xadimi, texnika elmləri doktoru, professor Mirzə Ağa Bağırov2005-ci ildə Respublika Prezidenti İlham Əliyevin sərəncamı ilə Əməkdar Elm Xadimi, fizikariyaziyyat elmləri doktoru, professor Asəf İsgəndərov rektor vəzifəsinə təyin edilmişlər. Hazırda universitetin rektoru vəzifəsini tanınmış riyaziyyatçı alim, riyaziyyat üzrə elmlər doktoru, professor Natiq İbrahimov icra edir.

Bu gün universitetdə tədris kredit sistemi ilə həyata keçirilir. Universitetin auditoriyalarında 2500-dən artıq bakalavr, 100-dən artıq magistr, 20-dən artıq doktorant və dissertant təhsil alır, onların təlim-tərbiyəsi ilə 300-dən artıq professor-müəllim və texniki köməkçi heyət məşqul olur. LDU-da elmin əsas sahələri üzrə doktorantura və dissertantura da fəaliyyət göstərir.

2006-cı ildə Lənkəranda AMEA-nın Regional Elm Mərkəzinin yaradılması ilə bağlı verilmiş qərar universitetin həyatında yeni bir səhifə açdı. Bu mərkəz universitetlə AMEA-nın müvafiq institutları arasında elmi əlaqələrin daha da genişlənməsi üçün böyük perspektivlər açdı, universitetdə fəaliyyət göstərən əməkdaşlara regionun təbii sərvətlərinin, əmək ehtiyatlarının, florafaunasının, iqtisadiyyatının öyrənilməsi və digər elm sahələri üzrə daha geniş tədqiqatların aparılması üçün gözəl imkanlar yaratdı. Təsadüfi deyildi ki, qısa müddət ərzində universitetin kadr potensialı sürətlə yeniləndi, bir-birinin ardınca onlarla tədqiqatçı gənc dissertasiya işlərini müdafiə edərək alimlik dərəcəsi aldılar.

Kafedralar[redaktə | əsas redaktə]

  • Ədəbiyyat
  • Tarix
  • Sosial-siyasi və fəlsəfi elmlər
  • Azərbaycan dilçiliyi və türkologiya
  • Fizika-riyaziyyat
  • Kimya-biologiya
  • Coğrafi-ekologiya
  • Hərbi və fiziki hazırlıq
  • Xarici dillər
  • Pedaqogika və psixologiya
  • Aqro-iqtisadiyyat və texnologiya
  • İqtisadiyyat və idarəetmə

İxtisaslar[redaktə | əsas redaktə]

  • Azərbaycan dili və ədəbiyyatı
  • Tarix-ictimaiyyət
  • İngilis dili
  • Fransız dili
  • İbtidai təhsilin pedaqogikası və metodikası
  • Musiqi təhsili
  • İlkin hərbi və fiziki hazırlıq
  • Coğrafiya
  • Ətraf mühitin mühafizəsi və təbii ehtiyatlardan səmərəli istifadə
  • Riyaziyyat-informatika
  • İstehsal və xidmət sahələrinin iqtisadiyyatı və idarə edilməsi
  • Dövlət və bələdiyyə idarəetməsi
  • Gömrük işinin təşkili
  • Meyvə-tərəvəzçilik və üzümçülük
  • Maliyyə
  • Turizm və otelçilik
  • Marketinq
  • İqtisadiyyat
  • Mühasibat uçotu və audit

LDU-nun zəngin maddi-texniki bazası vardır. Universitetdə kompüter mərkəzi, kimya, biologiya, fizika laboratoriyaları, informasiya və komunikasiya texnologiyaları mərkəzi hərbi və fiziki təlim kafedrasının nəzdində hərbi hazırlıq metodikası kabineti, mülki müdafiə kabineti və hərbi rabitə hazırlığı kabineti fəaliyyət göstərir. Universtietdə ingilis dilinə və kompüter texnikasına yiyələnmək istəyənlər üçün əlavə kurslar təşkil olunmuş, şən və hazırcavablar klubu, bədii özfəaliyyət dərnəyi və xor kollektivi yaradılmışdır.

Məzunlar Respublika Təhsil Nazirliyi tərəfindən verilmiş diplomlar əsasında ümumtəhsil məktəblərində, ali təhsil ocaqlarında, məktəbəqədər tərbiyə müəssisələrində və başqa sahələrdə çalışırlar. LDU-nun kitabxanası, geniş oxu zalı, yataqxanası, yeməkxanası, idman zalı və tibb məntəqəsi vardır. Lənkəran Dövlət Universiteti İran İslam Respublikasının GilanFransanın Strasburq Universitetləri ilə elm, təhsil və mədəni sahələrdə əməkdaşlığa dair müqavilə imzalamışdır. LDU Xəzəryanı dövlətlərin universitetləri assosiasiyasına qəbul olunmuşdur.

Respublikanın cənub bölgəsində yeganə ali təhsil ocağı olan Lənkəran Dövlət Universiteti fəaliyyəti dövründə həyatımızın bütün sahələrinə təsir göstərmiş, bir çox regional layihələrin həm təşəbbüsçüsü, həm də aktiv iştirakçısı olmuşdur.

Bu gün Lənkəran Dövlət Universitetində aparılan islahatlar elmin, təhsilin məzmunca təkmilləşdirilməsi, keyfiyyətcə yeni səviyyəyə qaldırılması istiqamətində ardıcıl və məqsədyönlü işlərin həyata keçirilməsinə imkan vermişdir.

Universitetdə müasir avadanlıqla və yüksək sürətli limitsiz internet xətti ilə təchiz edilmiş informatika tədris, kimya və biologiya, şifahi nitq laboratoriyaları, linqofon kabineti, təcrübə sahələri, İngilis dili mərkəzi fəaliyyət göstərir. Bu qurumlar tələbələrə elektron təhsillə tanışlıq imkanları yaradır, onların dünyada fəaliyyət göstərən yüzlərlə rəqəmsal kitabxana resurslarına əlyetənliyini təmin edir və digər təhsil yönlü qurumlarla yaxından əlaqələr qurmağa kömək edir.

Universitetin tələbə həyatı təhsillə məhdudlaşmır. Gənclər Tələbə Elmi Cəmiyyəti, Tələbə Gənclər Təşkilatı, Tələbə Həmkarlar Təşkilatı, Tələbə Yaradıcılığı Mərkəzi, İdman klubu kimi təşkilatlarda təmsil olunur, universitet daxili, həm də universitetdən kənar müxtəlif mədəni, sosial, elmi, idman, milli-mənəvi bayramlarımızın, tarixi günlərimizin və hadisələrin qeyd olunması və s. kimi tədbirlərdə fəal iştirak edir, universitetin qalib olduğu qrant layihələri əsasında xaricdə təhsil alır və təcrübə keçirlər. Müxtəlif mövzular ətrafında səfirliklər, beynəlxalq təşkilatlar, yerli və xarici qonaqların iştirakı ilə görüşlər keçirmək, diskussiyalar aparmaq üçün universitetin bütün toplantı zalları tələbələrimiizin ixtiyarındadır.

Doktorantura təhsili[redaktə | əsas redaktə]

Universitetdə fəlsəfə doktoru üzrə doktorantura təhsili verilir[4].

Xarici əlaqələri[redaktə | əsas redaktə]

Qafqaz Universitetlər Birliyinin üzvüdür.[5]

Mənbə[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]