Mingəçevir Dövlət Universiteti

Vikipediya, açıq ensiklopediya
Jump to navigation Jump to search
Picto infobox université.png
Mingəçevir Dövlət Universiteti
Mingəçevir Politexnik İnstitutu.jpg
Əsası qoyulub 24 iyul 2015
Rektor Akif Hacıyev[1]
Şəhər Mingəçevir
Ölkə Azərbaycan Azərbaycan
Ünvan Mingəçevir şəhəri

Mingəçevir Dövlət UniversitetiAzərbaycan Respublikasının Mingəçevir şəhərində fəaliyyət göstərən ali təhsil müəssisəsi.[2]

Tarixi[redaktə | əsas redaktə]

Universitet Azərbaycan Respublikası Prezidentinin Sərəncamı ilə Azərbaycan Respublikasında təhsil müəssisələri şəbəkəsinin rasionallaşdırılması məqsədi ilə, Azərbaycan Respublikası Təhsil Nazirliyinin tabeliyində olan Mingəçevir Politexnik İnstitutunun bazasında 24 iyul 2015-ci il tarixində yaradılmışdır.[2]

Yaradılmasında məqsəd[redaktə | əsas redaktə]

Mingəçevir Dövlət Universitetinin yaradılmasında məqsəd regionda birinci olaraq innovasiya texnologiyalarından maksimum yararlanaraq regionun ehtiyaclarına uyğun kadr hazırlığının universallığını təmin edən, eyni zamanda yeni ixtisaslar üzrə kadrlara tələbatın ödənilməsi missiyasını şərəflə yerinə yetirən ali təhsil müəssisəsi formalaşdırmaq, Mingəçevir Politexnik İnstitutunda toplanmış müsbət təcrübə və ənənələri inkişaf etdirərək intelektul kapitalı gücləndirərmək, ən təkmil və müasir tədris metodları və inkişaf strategiyalarını tətbiq edərək fəaliyyət sistemin təkmilləşdirməklə elm, təhsil və tərbiyə sahəsində yüksək mövqeyə nail olmaqdır.

Universitetdə 3 fakültə və 11 kafedrasında çalışan müxtəlif elm sahələri üzrə 5 nəfər elmlər doktoru, 53 nəfər fəlsəfə doktoru, o cümlədən 31 nəfər professor və dosenti fəaliyyət göstərir.[3]

Beynəlxalq əlaqələri[redaktə | əsas redaktə]

Universitetin beynəlxalq əməkdaşlıq bölməsinin fəaliyyət sahəsi:

  • müvafiq beynəlxalq təşkilatlarla işbirliyi
  • tələbə-müəllim mübadiləsi
  • xarici ölkə universitetləri ilə ikitərəfli əməkdaşlığı
  • beynəlxalq təhsil proqramlarında iştirakı
  • əcnəbi tələbələrin cəlb olunması, və s.

Universitet İNFİNİTY proqramı üzrə artıq bir neçə ildir ki, Portuqaliya, Çexiya, SloveniyaEstoniya ilə əməkdaşlıq davam edir.

Universitet 2002-ci ildən Respublikada təhsilin inkişaf proqramına uyğun olaraq TEMPUS proqramı çərçivəsində “Azərbaycanda ali məktəblərdə müasir mühəndis təhsili” adlı layihəyə qoşulmuşdur. Müqavilə Köln Tətbiqi Elmlər Akademiyası ilə bağlanmışdır. Məqsəd əməkdaş ölkələrin ali məktəblərinin müəllim və dosentlərinin Avropanın müvafiq ali məktəblərində (Köln Tətbiqi Elmlər Akademiyası və Zuyd Tətbiqi Elmlər Universiteti) ixtisasartırma kurslarını keçməkdir.

2005/2006-cı tədris ilindən başlayaraq institutda TEMPUS layihəsi çərçivəsində Avropa standartlarına uyğun mühəndis kadrların hazırlanmasını təmin etmək üçün proqramın tələblərinə əsasən universitetin 6 əməkdaşı Almaniyada təcrübə keçmişdir. [4]

Tədris[redaktə | əsas redaktə]

Universitetdə ali təhsilin bütün səviyyələri üzrə kadr hazırlığını həyata keçirilməsi nəzərdə tutulmuşdur.[2]

Maddi-texniki bazası[redaktə | əsas redaktə]

Azərbaycan Müəllimlər İnstitutunun ləğv edilmiş[5] Mingəçevir filialının maddi-texniki bazasının Mingəçevir Dövlət Universitetinin balansına verilməsi nəzərdə tutulmuşdur.[2]

Həmçinin bax[redaktə | əsas redaktə]

İstinadlar[redaktə | əsas redaktə]

  1. Akif Novruz oğlu Hacıyev
  2. 2,0 2,1 2,2 2,3 "Mingəçevir Dövlət Universitetinin yaradılması barədə" Azərbaycan Respublikası Prezidentinin 24 iyul 2015-ci il tarixli Sərəncamı. 24.07.2015, president.az  (azərb.)
  3. MİNGƏÇEVİR DÖVLƏT UNİVERSİTETİ
  4. Mingəçevir Dövlət Universiteti, struktur
  5. "Azərbaycan Müəllimlər İnstitutunun Mingəçevir, Salyan və Sumqayıt filiallarının ləğvi və “Azərbaycan Respublikasında təhsil sisteminin təkmilləşdirilməsi haqqında” Azərbaycan Respublikası Prezidentinin 2000-ci il 13 iyun tarixli 349 nömrəli Fərmanında dəyişikliklər edilməsi barədə" Azərbaycan Respublikası Prezidentinin 24 iyul 2015-ci il tarixli Fərmanı. 24.07.2015, president.az  (azərb.)

Xarici keçidlər[redaktə | əsas redaktə]