Bakı Mühəndislik Universiteti
 | Bu məqalənin neytrallığı şübhə doğurur. Məqalədə tərəf tutma və ya pisləmək məqsədi daşıyan və doğruluğu sübut edilməyən fikirlər olduğu iddia edilir. Xahiş olunur bu məsələ ilə əlaqədar müzakirələrdə iştirak edəsiniz. |
 | |
|---|---|
 | |
|
|
|
| Əsası qoyulub | 8 noyabr 2016 |
| Rektor | Havar Məmmədov |
| Şəhər | Xırdalan |
| Ölkə |
 Azərbaycan |
| Ünvan | Həsən Əliyev küç.120, AZ0101, Abşeron |
| Universitet şəhərciyi | Şəhər kənarı |
| http://beu.edu.az | |
Bakı Mühəndislik Universiteti — Ali təhsilin bütün səviyyələri üzrə mühəndis kadrlarının hazırlığını, bu sahədə ali və əlavə təhsil proqramlarını həyata keçirən, fundamental və tətbiqi elmi tədqiqatlar aparan, Azərbaycan Respublikası Təhsil Nazirliyinin tabeliyində fəaliyyət göstərən ali təhsil müəssisəsidir[1]. Universitetin qayəsi, dövlətini və millətini sevən, elmi və texnoloji biliklərə yiyələnmiş demokratik ruhlu mütəxəssislər yetişdirərək Azərbaycanın tərəqqisinə xidmət etməkdədir.
Tarixi[redaktə | əsas redaktə]
Universitet Azərbaycan Respublikası Prezidentinin Sərəncamı ilə Azərbaycan Respublikasında mühəndis texnologiyalarının tədrisinin təkmilləşdirilməsini və bu sahədə yüksək ixtisaslı kadrların hazırlanmasını təmin etmək məqsədi ilə, 8 noyabr 2016-cı il tarixində yaradılmışdır[1]. Bakı Mühəndislik Universiteti” publik hüquqi şəxsin Nizamnaməsi Azərbaycan Respublikası Prezidentinin 2017-ci il 21 fevral tarixli fərmanı ilə təsdiq edilmişdir.[2] 2017-ci il aprelin 3-də Təhsil naziri Mikayıl Cabbarov Bakı Mühəndislik Universitetinin maddi-texniki bazası ilə tanış olub, universitet rəhbərliyi və müəllim heyəti ilə görüşüb.
Tədris[redaktə | əsas redaktə]
Universitetdə Azərbaycan iqtisadiyyatının indiki inkişaf səviyyəsinə əsasən mövcud elmtutumlu sənaye müəssisələrində istehsal proseslərini təşkil etmək və innovativ texnologiyalarla işləmək bacarığına malik mütəxəssislərin hazırlığının həyata keçirilməsi nəzərdə tutulmuşdur. Bakı Mühəndislik Uniiversitetində bakalvr, magistratura və doktrantura təhsil səviyyələrində tədris olunan ixtisaslar Azərbaycan, İngilis və Rus dillərində həyata keçirilir. Hal-hazırda universitetə qəbul üç ixtisas qrupu (fakültə) üzrə aparılır:
1) Mühəndislik
2) İqtisadiyyat və İdarəetmə
3) Pedaqoji
Universitet təhsil verdiyi tələbələrə sadəcə müasir biliklər verməklə kifayətlənmir. Digər ali məktəb tələbələrinin də iştirakı ilə keçirilən elmi konfranslar onların tədqiqatçı kimi yetişmələrinə şərait yaradır. İdmanın müxtəlif növləri üzrə il ərzində keçirilən yarışlarda qabiliyyətli tələbələr potensial imkanlarını nümayiş etdirə bilirlər. Tələbələrdən ibarət bədii özfəaliyyət ansamblı, xor kollektivi, rəqs qrupu və dram dərnəyi onların incəsənət sahəsindəki istedadlarını üzə çıxardır. Azərbaycanın müxtəlif guşələrinə gəzintilərin təşkil olunması tələbələrin asudə vaxtlarının xoş keçməsinə təminat verir.
Universitet şəhərciyi[redaktə | əsas redaktə]
Bakı-Sumqayıt yolu üzərində Universitetə ayrılmış 20 hektar torpaq sahəsində inşa edilmiş universitet şəhərciyinin müasir tədris korpuslarında geniş və işıqlı auditoriyalar, böyük mühazirə salonları, ən müasir texniki avadanlıqlarla və ən son model kompüterlərlə təchiz olunmuş kompüter laboratoriyaları, fasiləsiz internet əlaqəsi tələbələrin istifadəsinə verilmişdir.
150 nəfərlik seminar salonu və 360 nəfərlik akt zalı Universitetin mütəmadi olaraq təşkil etdiyi aylıq seminarların, respublika səviyyəli və beynəlxalq elmi konfransların, ədəbi-bədii məclislərin keçirilməsinə, Azərbaycanın dövlət və milli bayramlarının, tarixi günlərin qeyd olunmasına imkan verir. Dövlət və hökumət rəsmiləri, Milli Məclisin daimi komissiya sədrləri, millət vəkilləri, yaradıcı ziyalıların tanınmış nümayəndələri, ictimai xadimlər Universitetin qonağı olur, professor-müəllim heyəti və tələbələr qarşısında müxtəlif siyasi, elmi, ictimai mövzularda çıxış edirlər. Elmi-pedaqoji ictimaiyyət tərəfindən rəğbətlə qarşılanan görüşlərə beynəlxalq aləmdə tanınan məşhur elm və mədəniyyət xadimləri də dəvət olunur.
Müəllim və tələbələr üçün nəzərdə tutulmuş 700 nəfərlik yeməkxana, bufet və tibb məntəqəsi göstərilən sosial xidmətlərin sadəcə bir qismidir. Universitet şəhərciyində yerləşən yataqxanalar tələbələrin sosial-məişət məsələlərinin həllinə təminat verir.
Universitetin çoxsaylı kompüter parkının fəaliyyətini təmin edən informasiya hesablama mərkəzi, müxtəlif dillərdə 40 minə yaxın kitab fonduna sahib müasir kitabxanası və oxu zalı da tədrisin keyfiyyətinə müsbət təsir edən başlıca amillərdəndir. Dünyanın bir çox nəşriyyatları ilə birbaşa kitab mübadiləsinin həyata keçirilməsi mərkəzi kitabxananın kitab fondunu ildən-ilə zənginləşdirir. Müəllimlər üçün ayrılmış iş otaqları və fərdi kompüter tədrisin yüksək səviyyədə aparılması və məhsuldar elmi fəaliyyətin başlıca təminatıdır.
Üstünlükləri[redaktə | əsas redaktə]
• İngilis dilinə üstünlük verilən tədris sistemi
• Xarici ölkələrdə təcrübə keçmə imkanı
• Xarici universitetlərlə tələbə mübadiləsi (Erasmus proqramı və digər yerli və xarici universitetlərlə mübadilə proqramları)
• Universitet məzunlarına xarici ölkələrdə işləmək imkanı
• Geniş, səliqəli və rahat auditoriyalar
• Hər tələbəyə kompüter və internet imkanı
• Zəngin və elektron kitabxana
• İdman və sosial-mədəni fəaliyyətlərlə tələbə aktivliyi
• Yaxşı oxuyan tələbələrə təqaüd
• Universitet şəhərciyində yataqxanalar
• Magistratura və doktorantura pillələrində təhsil imkanı
İstinadlar[redaktə | əsas redaktə]
- ↑ 1,0 1,1 "Bakı Mühəndislik Universitetinin yaradılması haqqında" Azərbaycan Respublikası Prezidentinin 8 noyabr 2016-cı il tarixli Sərəncamı. 08.11.2016, president.az (azərb.)
- ↑ "Bakı Mühəndislik Universitetinin Nizamnaməsi". Azərbaycan Respublikası Təhsil Nazirliyi.
