Naxçıvan Müəllimlər İnstitutu

Vikipediya, açıq ensiklopediya
Jump to navigation Jump to search
Picto infobox université.png
Naxçıvan Müəllimlər İnstitutu
NMİ

Əsası qoyulub 26 avqust 2003
Tip ali təhsil müəssisəsi
Rektor Elbrus İsayev
ŞəhərNaxçıvan
ÖlkəFlag of Azerbaijan.svg Azərbaycan
ÜnvanNaxçıvan şəhəri

Naxçıvan Müəllimlər İnstitutuAzərbaycan Respublikası Təhsil Nazirliyinin tabeliyində olan ali təhsil müəssisəsi[1].

Tarixi[redaktə | əsas redaktə]

Naxçıvan Müəllimlər İnstitutu Azərbaycan Müəllimlər İnstitutunun Naxçıvan filialının 2003-cü il avqustun 26-da müstəqil instituta çevrilməsi nəticəsində yaradılmışdır[2].

Kontingent[redaktə | əsas redaktə]

2015-ci ilin məlumatlarına əsasən institutda 1100 bakalavr, 25 magistr təhsil almışdır; tələbə və magistrlərin təhsili ilə 89 professor-müəllim heyəti məşğul olmuşdur[2]. Müəllimlərdən 8 nəfəri elmlər doktoru, professor, 37 nəfəri fəlsəfə doktoru, dosent idi[2].

Kitabxanası[redaktə | əsas redaktə]

Naxçıvan Müəllimlər İnstitutunda zəngin kitabxana fəaliyyət göstərir[2].

42 minə yaxın kitab fonduna malik olan kitabxana son illərdə nəşr olunan tədris-metodik, elmi, monoqrafik xarakterli ədəbiyyatlarla zənginləşdirilmiş və elektron kataloq yaradılmışdır[2].

Hazırda fondda 2500 ədəddən çox elektron kitab vardır[2].

Nəşriyyat şöbəsi[redaktə | əsas redaktə]

İnstitutda müasir avadanlıqlarla təchiz olunmuş Nəşriyyat şöbəsi də fəaliyyət göstərir ki, elmi-praktik konfransların proqram və materialları, “Xəbərlər” elmi jurnalı, fənn proqramları, əməkdaşların dərs və metodiki vəsaitləri, tövsiyələri, qabaqcıl iş təcrübələri və institutun bütün nəşriyyat işləri burada çap olunur[2].

"Xəbərlər" elmi-metodiki jurnalı[redaktə | əsas redaktə]

Naxçıvan Müəllimlər İnstitutunun "Xəbərlər" elmi-metodiki jurnalı 21 dekabr 2004-cü il tarixdə Azərbaycan Respublikası Ədliyyə Nazirliyinin qeydiyyatından keçmiş (Şəhadətnamə №-1158) və ildə 4 nömrə nəşr olunması nəzərdə tutulmuşdur[2]. "Xəbərlər" jurnalı Azərbaycan Respublikası Prezidenti yanında Ali Attestasiya Komissiyasının dissertasiyaların əsas elmi nəticələrinin dərc olunması tövsiyə edilən elmi nəşrlərin siyahısının Pedaqogika elmləri bölməsinə salınmışdır[2]. Hazırda "Xəbərlər" jurnalı ISSN qrifi ilə nəşr olunur (ISSN 2303-9116)[2].

Xarici əlaqələri[redaktə | əsas redaktə]

Naxçıvan Müəllimlər İnstitutu bir sıra dünya universitetləri ilə elmi əməkdaşlıq edir[2]. Ukrayna Milli Elmlər Akademiyasının Riyaziyyat İnstitutu, Xarkov Universiteti, Türkiyə Respublikasının Kocaeli Universiteti, Qars Qafqaz Universiteti, Kırşehir Ahı Evran Universiteti, İstanbul Esenyurd və Nişantaşı Universitetləri, Kuzey Kıprız Akdeniz Universiteti, İngiltərənin London Riyaziyyatçılar Birliyi, Qazaxıstan Respublikasının Almata Milli Universiteti ilə sıx əlaqə saxlayır[2].

Hazırda İnstitutda təhsil Bolonya sistemi üzrə aparılır[2]. Bu da Avropa təhsil sisteminə inteqrasya baxımından mühüm əhəmiyyət daşıyır[2].

İstinadlar[redaktə | əsas redaktə]

  1. ""Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nın təsdiq edilməsi haqqında" Azərbaycan Respublikası Nazirlər Kabinetinin 15 iyul 2011-ci il tarixli, 118 nömrəli Qərarı.  (azərb.)
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 NAXÇIVAN MÜƏLLİMLƏR İNSTİTUTU 15 İLDƏ. tehsilproblemleri.com, 24.08.2015  (azərb.)