Araz-Naxçıvan PFK

Vikipediya, açıq ensiklopediya
Keçid et: naviqasiya, axtar
Flag of Azerbaijan.svg Araz Naxçıvan
Araz Naxçıvan PFK logo.jpg
Klubun tam adı Araz-Naxçıvan Peşəkar Futbol Klubu
Ölkə Azərbaycan
Ləqəb(lər) Aslanlar
Rəng(lər) qırmızı-
Yaranma tarixi 1967
Bağlama tarixi 2014
Stadionu Naxçıvan şəhər stadionu
Tutumu 12,800
Prezidenti Flag of Azerbaijan.svg Orxan Cabbarov
Baş məşqçisi Flag of Azerbaijan.svg Əsgər Abdullayev
Liqa Topaz Premyer Liqası
2013/2014 (Birinci Divizion) 1 (Premyer Liqaya çıxış)
Sayt arazpfc.com

Araz (Naxçıvan) — PFC "Araz-Naxçıvan" - Naxçıvan şəhərini təmsil eden Azərbaycan futbol klubu. Azərbaycan futbol çempionatının birinci divizionunda oynayır. 1967-ci ildə təsis edilib,2013-ci ildə bərpa olunub. 2014-cü ildən bəri Azərbaycan Premyer Liqasında mübarizə aparır. 2017-ci ilin iyun ayında başa çatmış sonuncu - Naxçıvan Muxtar Respublikasının XV futbol çempionatında birinci yeri tutmuşdur[1].

Tarixi[redaktə | əsas redaktə]

Sovet dövründə[redaktə | əsas redaktə]

Klub 1967-ci ildə "Araz" adı ilə təsis edilib. 1968-ci ildə qrup "B" milli çempionatda iştirak etdi. 1977-1989-cu, bir neçə dəfə fasilələrlə, "A" qrupunun da, SSRİ-nin ikinci liqa çempionatında iştirak edib. Araz Naxçıvanın ilk baş məşqçisi görkəmli futbolçu Tofiq Axundov olub. Şagirdləri Vaqif Sadıqov, Oqtay Abdullayev, Novruz Əzimov Maşalla Əhmədov, İlqar Hüseynov, Asim İbrahimov, Ceyhun Hüseynov kimi görkəmli futbolçular olub. SSRİ dağılmasından sonra komanda mövcudluğunu dayandırıb.

Müstəqillik dövrü[redaktə | əsas redaktə]

2013-cü ildə Araz-Naxçıvan futbol klubu yenidən təsis edildi. 2013-14 mövsümündə komanda Azərbaycanın Birinci Divizonunda 75 xal yığmaqla çempionatın qalibi oldu. 2014-15 mövsümündə Araz-Naxçıvan klubu futbol üzrə Azərbaycan Premyer Liqasında mübarizə aparmağa başlamışdır.

Qapadılması[redaktə | əsas redaktə]

2 noyabr 2014-cü il tarixində Araz-Naxçıvan FK Azərbaycan Milli Futbol Çempionatı olan Topaz Premyer Liqasının 11-ci turunda Qarabağ FK-ya səfərdə 4-0 hesabı ilə məğlub olmuşdur. Bundan sonra klub 3 noyabr 2014-cü il tarixində rəsmi saytı vasitəsilə fəaliyyətini dayandırdığı haqqında açıqlama vermişdir.[2] 4 noyabr 2014-cü il tarixində isə rəsmi saytı vasitəsilə 1 açıqlama da verən klub fəaliyyətini dayandırmasının səbəbləri ilə bağlı KİV-də yer alan xəbərlərə münasibət bildirmiş və səbəblər açıqlamışdır.[3] Klub 11 noyabr 2014-cü il tarixində 1/40 saylı məktubla Peşəkar Futbol Liqasına müraciət edərək fəaliyyətini dayandırması və 12-ci turdan etibarən Topaz Premyer Liqasında çıxışını davam etdirməyəcəyini bildirmişdir.[4] Bundan sonra PFL bu məsələ ilə bağlı qərar qəbul etməsi üçün AFFA İntizam Komitəsinə müraciət etmişdir.[4] 17 noyabr 2014-cü ildə AFFA İntizam Komitəsi iclas keçirmiş və PFL-nin müraciətini müzakirə etmiş, klubu 2014/2015-ci il mövsümündə Topaz Premyer Liqasından və ölkə kuboku oyunlarından xaric etmək və oyunların 50 %-dən azında iştirak etdiyi üçün bütün oyunlardakı nəticələrinin də ləğv edilməsi qərarını vermişdir.[5][6] Bu hadisədən sonra 17 noyabr 2014-cü ildə PFL prezidenti Ramil Musayev klubun 2014/2015 mövsümündə Topaz Premyer Liqası və ölkə kubokundan kənarlaşdırılması və futbolçularına azad agent statusu verilməsi haqqında əmr vermişdir.[4]

Uğurları[redaktə | əsas redaktə]

Azərbaycan Çempionatında və Kubokunda[redaktə | əsas redaktə]

Mövsüm Liqa Yer O Q H M VT BT X Ölkə kuboku
2000/2001 1st 10 20 3 3 14 14 55 12 1\8 final
2013/2014 2nd 1 30 25 4 1 66 11 79 1\4 final
2014/2015 1st

İstinadlar[redaktə | əsas redaktə]

  1. Sitat səhvi: Yanlış <ref> teqi; serqqapisi.az adlı istinad üçün mətn göstərilməyib
  2. ""Araz-Naxçıvan"dan bildiriş!"(azərb.)). arazpfc.com. 2014-11-03. http://arazpfc.com/xeber/300/. İstifadə tarixi: 2014-11-18.
  3. ""Araz-Naxçıvan" rəsmən fəaliyyətini dayandırdı"(azərb.)). arazpfc.com. 2014-11-04. http://arazpfc.com/xeber/301/. İstifadə tarixi: 2014-10-29.
  4. 4,0 4,1 4,2 "“Araz Naxçıvan” çempionatdan kənarlaşdırıldı"(azərb.)). pfl.az. 2014-11-17. http://www.pfl.az/news/3717/. İstifadə tarixi: 2014-10-29.
  5. "“Araz Naxçıvan” çempionat və ölkə kubokundan xaric edildi"(azərb.)). affa.az. 2014-11-17. http://www.affa.az/index.php?r=1&id=20685&lang=az. İstifadə tarixi: 2014-10-29.
  6. "İntizam Komitəsinin iclası keçirilib"(azərb.)). pfl.az. 2014-11-17. http://www.pfl.az/news/3716/. İstifadə tarixi: 2014-10-29.

Həmçinin bax[redaktə | əsas redaktə]

Xarici keçidlər[redaktə | əsas redaktə]