Xəzər-Lənkəran FK

Vikipediya, açıq ensiklopediya
Keçid et: naviqasiya, axtar
Flag of Azerbaijan.svg Xəzər-Lənkəran
Xezer-Lenkaran.png
Klubun tam adı Xəzər-Lənkəran Futbol Klubu
Ölkə Flag of Azerbaijan.svg Azərbaycan
Ləqəb(lər) gəmiçilər, dəniz piyadaları
Rəng(lər)          -Yaşıl
Yaranma tarixi 2004
Bağlama tarixi 2016
Stadionu Lənkəran şəhər stadionu
Tutumu 15000
Prezidenti Flag of Azerbaijan.svg Mais Mənsimov
Baş məşqçisi Flag of Azerbaijan.svg Ağadadaş Həmidov (v.i.e.)[1]
Liqa Topaz Premyer Liqası
2015/2016 10
Sayt Rəsmi vebsaytı

Xəzər LənkəranAzərbaycan Premyer Liqasında çıxış edən Lənkəran şəhərinin futbol klubu. 2004-cü ildə yaradılmasına baxmayaraq elə ilk ildən iddialı çıxışı ilə yadda qalmışdı. Lənkəran şəhərini təmsil etsə də klub futbol aləmində bütün Cənub Zonasının təmsilçisi kimi daha məşhurdur. Klubun "Neftçi" ilə qarşıdurmaları bütün Azərbaycan futbol aləmində diqqət mərkəzində olur və bu matçlar "Böyük oyun" adlandırılır. Xəzər Lənkəran 1 dəfə Azərbaycan çempionu, 3 dəfə Azərbaycan kubokunun sahibi, 1 dəfə isə Birlik Kubokunun qalibi olmuşdur. Klub ev oyunlarını 15000 (on beş min) azarkeş tutumuna malik olan Lənkəran şəhər stadionunda keçirir. Stadion klubun pərəstişkarları arasında "Fırtınalar meydanı" kimi məşhurdur.

Tarix[redaktə | əsas redaktə]

Futbolun cənub dalğası[redaktə | əsas redaktə]

2004-cü il Azərbaycan futbolunda böyük canlanmanın yaranması ilə yadda qaldı. İdmanın ən populyar növünə iş adamlarının marağı nəticəsində ölkənin müxtəlif bölgələrində yeni futbol klubları yarandı. Yeni yaranmış klublar ilk illərdə qarşılarına sadəcə çıxış etdikləri çempionatda möhkəmlənmək məqsədi qoysa da, Azərbaycanda bu proses ənənəvi şəkildə olmadı. Belə ki, yeni klublar dərhal böyük iddialar uğrunda mübarizəyə qoşuldu ki, bu da ölkə çempionatında gərgin mübarizəyə gətirib çıxardı. Bu yeni yaranmış klublardan biri də "Xəzər Lənkəran" idi.

İddialı başlanğıc[redaktə | əsas redaktə]

Yeni yaranmış klublar arasında yer alan “Xəzər Lənkəran” heç kimin gözləmədiyi halda ilk mövsümdəcə çempionluq arzusunu gizlətmədi və hədəfə nail olmaq yolunda böyük addımlar atdı. Artıq çempionatın ilk turlarından sonra komandanın sükanı arxasına futbolçu və məşqçi karyerası ilə adından söz etdirmiş türkiyəli çalışdırıcı Rasim Kara keçdi. Onun gəlişi ölkədə böyük səs-küyə səbəb oldu. Öz çıxışlarında Rasim Kara Azərbaycan futbolunda vəziyyətin ürəkaçan olmadığını desə də, görülən işlərin tezliklə bəhrə verəcəyini bildirirdi. Rasim Kara klub rəhbərliyinin də böyük dəstəyi ilə “Xəzər Lənkəran”da ilk öncə təsisləşmənin özülünü qoydu. Belə ki, mövsümün ortalarına doğru artıq “Xəzər Lənkəran” rəqiblərini doğma rayonda qəbul edir və komanda kluba məxsus bazada məskunlaşırdı. Bu arada komanda heyətinə dünya səviyyəli bir ulduz da cəlb etmişdi. Bir müddət Türkiyə millisinin, “Beşiktaş”, “Fənərbağça” kimi klubların şərəfini qorumuş Oktay Dərəlioğlu “Xəzər Lənkəran”da da qollarını sıralayırdı. 2004/2005-ci il mövsümünün ikinci dövrəsindən etibarən uğurlu nəticələr əldə edən “Xəzər Lənkəran” çempionluğa doğru irəlilədi. Mövsümün sonunda “Xəzər Lənkəran” və “Neftçi” eyni xala malik olduqlarından, əlavə matça - “Qızıl oyun”a ehtiyac yarandı. Qızıl medalların taleyinə 2005-ci il, iyun ayının 10-da Gəncə şəhər stadionunda aydınlıq gəldi. “Xəzər Lənkəran” matça yaxşı başlayaraq, hesabda irəli çıxsa da, ikinci hissədə daha təcrübəli futbolçulardan qurulmuş “Neftçi” hesabı öz xeyrinə dəyişərək çempion tituluna yiyələndi. Lakin “Xəzər Lənkəran” meydançanı mövsüm ərzindəki çıxışı ilə Gəncə şəhər stadionuna toplaşmış 25 mindən artıq azarkeşin alqış sədaları altında tərk etdi.

2005/2006-ci il mövsümündən öncə “Xəzər Lənkəran” çempionluğa bir nömrəli namizəd göstərilsə də, mövsüm o qədər də uğurlu alınmadı. Məşqçi dəyişikliyi də gözlənilən nəticələri gətirmədi. Həmin mövsüm “Xəzər Lənkəran” üçün yalnız iki məqamla yadda qaldı – komanda ölkə kubokunda yarımfinala qədər irəlilədi və çempionatın ikinci dövrəsini “Xəzər Lənkəran” məğlubiyyətsiz başa vurdu.

Uğursuz mövsümün sonunda komanda yenə məşqçi dəyişikliyinə qərar verdi və ölkənin ən titullu çalışdırıcısı Ağasəlim Mircavadov “Xəzər Lənkəran”ın baş məşqçisi oldu. Uğur qazanmağın yollarını bilən Mircavadov reallaşdırdığı bir neçə transferlə Lənkəran şəhərinə möhtəşəm bir il yaşatdı. Mövsümün Lənkəranda keçirilən ilk oyunu unudulmaz səhnələrə şahidlik etdi. Belə ki, çempionatın 2-ci turunda “Xəzər Lənkəran” “Neftçi”ni qəbul etdi. “Xəzər Lənkəran Mərkəzi Stadionu”nun rəsmi açılışı ilə də yadda qalan oyun günü ölkə prezidenti cənab İlham Əliyev stadionu ziyarət etdi. Komanda ilə xatirə şəkli də çəkdirən cənab İlham Əliyev simvolik olaraq, topa ilk toxunuşu etdi.

"Qızıl dubl" və Birlik Kuboku[redaktə | əsas redaktə]

Elə həmin gün, axşam saatlarında “Xəzər Lənkəran Mərkəzi Stadionu”na toplaşan 15 minlik azarkeş ordusu “Xəzər Lənkəran”ın “Neftçi” üzərində qələbəsini bayram etdi.

Komanda mövsümboyu inamlı təsir bağışladı və çempionatın son turunda Qəbələdə yerli komandanı 4:0 hesabı ilə məğlub edərək qızıl medallara yiyələndi. 28 may 2007-ci ildə - Respublika günündə isə “Xəzər Lənkəran” ölkə kubokunun finalında İmişlinin “MKT-Araz” klubunu qəbul etdi. İki əyalət klubunun mübarizə apardığı görüşdə gülən tərəf Lənkəran təmsilçisi oldu. Beləliklə, gözlənilən və arzulanan “qızıl dubl” reallaşdı və “Xəzər Lənkəran” mövsümü ölkə çempionluğu və kuboku ilə tamamladı.

Çempionlar Liqasında Azərbaycanı təmsil etmək hüququ qazanan “Xəzər Lənkəran” püşkün nəticələrinə görə ən çətin rəqiblə qarşılaşmalı oldu. Avropada özündən söz etdirməyi bacaran Xorvatiyanın “Dinamo” klubu avrokubokda komandanın rəqibi oldu. Bakıda keçirilən ilk oyunda Lənkəran təmsilçisi hesabı açsa da, qonaqlar bərabərliyi təmin etdilər. İkinci matçda da eyni senari yaşandı. Xorvat azarkeşlər komandalarından inamlı qələbə gözlədiyi halda, lənkəranlılar cavab matçında da hesabı açaraq bütün Zaqrebi şoka saldı. Lakin daha təcrübəli xorvatlar matçın sonlarına yaxın bərabərlik qolunu vuraraq, matçın taleyini bir qədər də uzatdılar. Yalnız əlavə vaxtda rəqibinə məğlub olan “Xəzər-Lənkəran” şanssız şəkildə avrokuboklarla vidalaşdı.

Bununla belə, “Xəzər Lənkəran” Azərbaycanın hüdudlarında adından söz etdirməyi bacardı. Belə ki, MDBBaltikyanı ölkələrin çempionlarının çıxış etdikləri “Birlik Kuboku”nda komanda Azərbaycanı layiqli təmsil etdi. Litva, QazaxıstanTacikistan çempionlarının iştirak etdiyi qrupdan lider kimi çıxan “Xəzər Lənkəran” növbəti mərhələdə Moldova çempionu “Şerif”i yarışdan kənarlaşdırdı. Dramatik matçın ardından lənkəranlılar yarımfinalda Belarus çempionu “BATE”ni də məğlub etdi. Böyük azarkeş kütləsi toplayan final matçı “Xəzər Lənkəran”la Özbəkistan çempionu “Paxtakor” arasında keçirildi. Matçı FİFA prezidenti Yozef Blatter, UEFA prezidenti Mişel Platini, Rusiya Futbol İttifaqının prezidenti Vitali Mutko şərəf tribunasından izləyirdi. İlk hissədə özbəklər komandamız önündə hesabda iki dəfə irəli çıxsa da, fasiləyə komandalar 2:2 hesablı bərabərliklə yollandı. Xüsusilə Zaur Ramazanovun “Paxtakor”un qapısından keçirdiyi qol FİFAUEFA prezidentləri tərəfindən ayaqüstə alqışlandı. İkinci hissədə matça tam nəzarət edən “Xəzər Lənkəran” nəticədə 4:3 hesablı qələbə qazanaraq, kuboku Azərbaycana gətirdi. Heydər Əliyev adına Beynəlxalq Hava Limanında komanda əsl qəhrəmanlar kimi qarşılandı.

Ölkə rəhbərliyi də bu hadisəyə biganə yanaşmadı. Azərbaycan Respublikasının prezidenti cənab İlham Əliyev əlamətdar qələbə münasibəti ilə “Xəzər Lənkəran”ın qalib heyətini prezident iqamətgahında qəbul etdi. Klub üzvlərini təbrik edən ölkə prezidenti komandaya gələcək yarışlarda daha böyük uğurlar arzuladı. Cənab İlham Əliyev eyni zamanda onu da qeyd etdi ki, “Xəzər Lənkəran”ın qələbəsi Azərbaycanın bölgələrində də futbolun inkişaf etdiyini göstərir. Klubun fəxri prezidenti Mübariz Mənsimov öz çıxışında bildirdi ki, ölkəmizin adını uca tutmaq üçün bundan sonra daha böyük qüvvə ilə çalışacaqlar.

İkinci kubok[redaktə | əsas redaktə]

2007/2008-ci illər mövsümündə “Xəzər Lənkəran” hesabına daha bir titul yazdı. Əsas diqqətini MDBBaltikyanı ölkələrin çempionalarının “Birlik Kuboku”na yönəldən komanda üç cəbhədə (ölkə çempionatı, ölkə kuboku və “Birlik Kuboku”) mübarizə aparmağa çətinlik çəkdi. Çempionluq şansını erkən itirən "Xəzər Lənkəran" bunun əvəzini kubok uğrunda yarışda çıxdı. Bakıda Tofiq Bəhramov adına Respublika stadionunda keçirilən final görüşündə “Xəzər Lənkəran” paytaxtın “İnter” komandası ilə qarşılaşdı. Dramatik süjet almış oyunun sonunda sevinən tərəf “ağ-yaşıl” geyimli futbolçular oldu. Komanda oyun boyu üstünlüyə sahib olsa da, matçın 90 dəqiqəsi qolsuz başa çatdı. Əlavə vaxtda isə zədə üzündən mövsümün böyük hissəsini, o cümlədən “Birlik kuboku”nu boşa verən Junior Osvaldo səhnəyə çıxdı. Əlavə vaxtın ikinci hissəsinin əvvəlində cərimə zərbəsini mükəmməl yerinə yetirən braziliyalı yarımmüdafiəçi tribunalarda böyük çoxluq təşkil edən lənkəranlı fanatların çılğınlığını son həddə çatdırdı. Son dəqiqələrdə “İnter”in oyunu xilas etmək üçün ciddi səy göstərəcəyi düşünülsə də, "Xəzər Lənkəran"lılar daha güclü olduğunu ikinci qolu vurmaqla sübuta yetirdilər. Bu dəfə də rəqibi məyus edən matçın qəhrəmanı Junior oldu. Maraqlıdır ki, finaldan cəmi bir neçə gün öncə “bankirlər” tarixlərində ilk dəfə Azərbaycan çempionu titulunu qazanmağa müvəffəq olmuşdular.

Yeni mövsümə komanda yeni məşqçiylə başladı. Əslində Ağasəlim Mircavadov hələ bir müddət də komandanı çalışdırdı. Lakin UEFA Kubokunda Polşa “Lex”inə qarşı oyunlarda (0:1, 1:4) uğursuzluq yaşayan təcrübəli mütəxəssisin yolu komandayla ayrıldı. “Xəzər Lənkəran”a iki ildə dörd titul qazandıran məşqçinin fəaliyyətini uğursuz adlandırmaq olmazdı. Sadəcə olaraq klub rəhbərliyi bir daha qitə kuboklarında uğura ehtiyac duyduğunu bariz şəkildə nümayiş etdirdi və beynəlxalq arenada nəticə qazanmaq üçün islahata ehtiyac duydu.

Titulsuz iki mövsüm[redaktə | əsas redaktə]

Yeni ölkə birinciliyinin startına qısa zaman qalmış baş məşqçi vəzifəsinə klubun qurulması və peşəkarlaşmasında ciddi xidmətləri olan Rasim Karan gətirildi. Lakin təəssüf ki, türk çalışdırıcı uğurlu startın davamını gətirə bilmədi. Doğma stadionda nadir hallarda uduzan komandamız ardıcıl iki “ev” məğlubiyyətinə məruz qalarkən azarkeşlərimiz etiraz səslərini ucaltdılar. “Qarabağ”la (1:3) oyundan sonra keçirilən mətbuat-konfransında Rasim Kara istefa qərarını açıqladı.

Məcburi məşqçi dəyişikliyi yaxşı heç nə vəd etmirdi. Çoxları anlayırdı ki, mövsümün gedişində məşqçi dəyişmək arzulanan bir proses deyil. Amma qatar artıq getmiş, Kara vəzifəsindən ayrılmışdı. İkinci dövrəyə hazırlığı boşa verməmək üçün təcili qaydada mahir penalti ustası, Azərbaycanın yetişdirdiyi ən usta futbolçulardan biri İqor Ponomaryov “Xəzər Lənkəran”ın baş məşqçisi kimi təqdim olundu. Seul Olimpiadasının qalibi ilk dövrədən sonra liderdən beş xal geri qalan “Xəzər Lənkəran”ı çempionluğa daşıyacağına söz verməyə cəsarət tapmışdı. Ən pis halda azarkeşlərimizi ardıcıl üçüncü dəfə ölkə kubokuyla və ya avrokuboklara vəsiqə qazanmaqla sevindirməyə söz vermiş İqor Ponomaryov planlarını həyata keçirə bilmədi. Ölkə kuboku uğrunda turnirlə 1/4 final mərhələsində vidalaşan “Xəzər Lənkəran” çempionatda xəyal qırıqlığı yaşadı. Öncə “qızıl”, daha sonra sadəcə avrokuboklara vəsiqə ümidində olan komanda öz meydanında sensasiyalı şəkildə heç vaxt uduzmadığı “Qəbələ”, ardından Ağdamın Quzanlı qəsəbəsində “Qarabağ” qarşısında aciz qaldı. Sonuncu turda “Simurq”la oyun formal xarakter daşıyırdı və hətta 3:1 hesablı qələbəylə qapını möhkəm çırpan “Xəzər Lənkəran" qitə səhnəsinə çıxmaq imkanını itirdi. Ay yarım sonra uzun götür-qoydan sonra İqor Ponomaryov da istefaya göndərildi. Klub rəhbərliyi son bir il ərzində üçüncü dəfə məşqçi axtarışına çıxdı.

Növbəti mövsümü "Xəzər Lənkəran" yenə də keçmiş məşqçinin dəvəti ilə başladı. Bu dəfə komandanın sükanı arxasına Ağasəlim Mircavadov gətirildi. Mövsümün gedişatı ümidverci olsa da, sonda əldə oluna nəticə o qədər də uğurlu olmadı. Çempionatda son həftəyədək çempionluğa əsas namizəd olmasına baxmayaraq, ardıcıl xal itkiləri və nəhayət son turda Lənkəranda məğlubiyyət komandanı dördüncü pilləyə endirdi. Bir illik fasilədən sonra ölkə kubokunun finalına çıxan "Xəzər Lənkəran" burada da qalib gələ bilmədi. Qarşıda isə Avropa Liqasının 1-ci təsnifat mərhələsi var idi. Burada Moldovanın "Olimpiya" klubu ilə üzləşən komandamız səfərdə qolsuz heç-heçə, evdə isə 1:1 oynamaqla Avropa Liqasında mübarizəni dayandırdı.

Rednik dövrü[redaktə | əsas redaktə]

Bütün bunların nəticəsində rəhbərlik tərəfindən Ağasəlim Mircavadovla yolları ayırmaq qərarına gəlindi. Beləliklə, 2010/2011 mövsümünün başlanmasına az müddət qalmış "Xəzər Lənkəran"ın sükanı arxasına rumıniyalı mütəxəssis Mirça Rednik gətirildi. Hazırlıq müddətinin az olmasına, Azərbaycan bələd olmamasına baxmayaraq Rednik qısa zamanda komandasını qurdu və ilk turlardan başlayaraq çempionluğa oynamağa başladı.

Çətinliklər hiss olunsa da, məşqçinin işi də göz qabağında idi. Qış trasnfer pəncərəsində bir sıra futbolçuları da komandaya gətirən mütəxəssis mövsüm sonuna artıq daha baxımlı futbol nümayiş etdirən heyət qura bildi. Nəticədə "Xəzər Lənkəran" çempionata gümüş medallarla yekun vurdu. Mövsümün ən uğurlu nailiyyəti isə komandamızın tarixində üçüncü dəfə Azərbaycan Kubokunu qazanması oldu.

Avrokubokda ilk uğur[redaktə | əsas redaktə]

2011/2012 mövsümündə komandanın qeyri-stabil çıxışı Redniklə yolların ayrılması ilə nəticələndi. Komandaya rəhbərlik daha öncə Akademiyaya başçılıq edən türkiyəli Cüneyt Biçerə tapşırıldı. 2012-ci ilin mart ayında isə "Xəzər Lənkəran"ın baş məşqçisi postuna Yunis Hüseynov gətirildi. Onun rəhbərliyi altında komanda mövsümün sonunda toparlanaraq gümüş medallara sahib oldu və Avropa Liqasına vəsiqə qazandı.

Burada komandamızın rəqibi Estoniyanın "Nımme Kalyu" klubu oldu. Lənkəranda baş tutan ilk oyun 2:2 hesabı ilə bitdiyi halda, cavab görüşündə komandamız 2:0 hesabı ilə qələbə qazanaraq tarixində ilk dəfə avrokubokda mərhələ adladı.

Superkubok[redaktə | əsas redaktə]

2013-cü ilin aprelində "Xəzər Lənkəran"la razılaşma əldə edən uelsli məşhur mütəxəssis Con Benjamin Toşak komandanı avrokuboklara çıxarsa da, bu kampaniya klub tarixində ən uğursuzu kimi yadda qaldı. 2013/2014 mövsümünə də qeyri-stabil başlayan "ağ-yaşıllar" oktyabr ayında "Neftçi" ilə Superkubok oyununda qüvvəsini sınamaq şansı əldə etdi.

18 illik fasilədən sonra keçirilən Superkubok matçı Naxçıvan şəhərində baş tutdu və "Xəzər Lənkəran"ın 2:1 hesablı qələbəsi ilə nəticələndi.

Mustafa Dənizli dövrü[redaktə | əsas redaktə]

22 noyabr 2013-cü il tarixdə çempionatda nəticələrin qənaətbəxş olmadığından Con Toşak istefa verdi. Qısa müddətdə komanda digər bir məşhur mütəxəssis türkiyəli Mustafa Dənizliyə tapşırıldı.

Xəzər Lənkəranın ilkləri[redaktə | əsas redaktə]

  • İlk prezident: Mübariz Mənsimov.
  • İlk vitseprezident: Mais Mənsimov.
  • İlk klub direktoru: Höccət Hacıyev.
  • Klubun ilk şərhçisi: Elşən İmaməliyev.
  • Klubun ilk marşının müəllifi. Cavad Rəcəbov

Baza[redaktə | əsas redaktə]

"Xəzər-Lənkəran"ın Lənkərandakı bazası Lənkəran çayının sahilində inşa edilib. Burada məşqçi və futbolçu heyətinin yaşaması, dincəlməsi və əylənməsi üçün hər cür şərait yaradılıb.[2]

Uğurları[redaktə | əsas redaktə]

Ölkədaxili turnirlərdə[redaktə | əsas redaktə]

Beynəlxalq arenada[redaktə | əsas redaktə]

Rəhbərlik[redaktə | əsas redaktə]

  • Flag of Azerbaijan.svg Mübariz Mənsimov Qurbanəli oğlu – Fəxri prezident.
  • Flag of Azerbaijan.svg Mais Mənsimov Qurbanəli oğlu – Prezident.
  • Flag of Azerbaijan.svg Tuyqun Nadirov Faiq oğlu - Vitse-prezident (İH sədri).
  • Flag of Azerbaijan.svg Höccət Hacıyev Ulduz oğlu - Direktor (İH üzvü).
  • Flag of Azerbaijan.svg Zaur Kərimov Zakir oğlu - Baş hüquqşünas (İH üzvü).
  • Flag of Azerbaijan.svg Məcid Şirinov - Veteran futbolçu (İH üzvü).
  • Flag of Azerbaijan.svg Fidan Paşayeva Kazım qızı - Baş mühasib (İH üzvü).
  • Flag of Azerbaijan.svg Elvin İsmixanov - Lisenziya üzrə menecer (İH üzvü).
  • Flag of Azerbaijan.svg Leyla Nəsirova - “Xəzər Lənkəran” FK-nın saytının baş redaktoru.
  • Flag of Azerbaijan.svg Sabina Azməmmədova Elxan qızı - Kadrlar üzrə mütəxəssis.
  • Flag of Azerbaijan.svg İlham Cəfərov Balabək oğlu - Mühasib-xəzinədar.
  • Flag of Azerbaijan.svg Ruslan Əfəndiyev - Mühafizə xidmətinin rəisi.
  • Flag of Azerbaijan.svg Hüseyn Cəbrayıloğlu - Mətbuat katibi.
  • Flag of Azerbaijan.svg Ramil Məlikov - Təchizatçı.
  • Flag of Azerbaijan.svg Teymur Cəbiyev - Əmək mühafizəsinin təşkili üzrə mütəxəssis.
  • Flag of Azerbaijan.svg Cahangirov - Beynəlxalq əlaqələr üzrə menecer.
  • Flag of Azerbaijan.svg Rəşad Əzizov - Marketinq, satış və reklam üzrə menecer.

Məşqçilər[redaktə | əsas redaktə]

Yubiley qolları[3][redaktə | əsas redaktə]

yubiley
qolu
müəllif turnir rəqib meydan oyunun hesabı tarix yubiley
qolunun
dəqiqəsi
1 Flag of Albania.svg Çöri İlir çempionat Flag of Azerbaijan.svg Turan Tovuz s 1:1 07.08.2004 26
50 Flag of Turkey.svg Oqtay Dərəlioğlu çempionat Flag of Azerbaijan.svg MOİK Bakı s 1:0 12.04.2005 40 p.
100 Flag of Azerbaijan.svg Xaqani Məmmədov çempionat Flag of Azerbaijan.svg Olimpik Bakı e 1:0 12.02.2006 78
150 Flag of Azerbaijan.svg Vüqar Nadirov Kubok,1/8 Flag of Azerbaijan.svg Bakılı e 4:0 20.11.2006 90+1
200 Flag of Azerbaijan.svg Zaur Ramazanov Çempionat Flag of Azerbaijan.svg Masallı s 3:0 18.08.2007 88
250 Flag of Azerbaijan.svg Zaur Ramazanov Birlik kuboku,final Flag of Uzbekistan.svg Paxtakor Daşkənd n 4:3 27.01.2008 43
300 Flag of Romania.svg Klaudiu Radukanu Kubok, 1/8 Flag of Azerbaijan.svg NBC Salyan e 3:0 30.10.2008 23
350 Flag of Brazil.svg Mario Souza Kubok, 1/8 Flag of Azerbaijan.svg Muğan Salyan e 3:0 04.11.2009 53
400 Flag of Costa Rica.svg Uinston Parks Çempionat Flag of Azerbaijan.svg Turan Tovuz e 2:0 23.10.2009 7

Qeyd edək ki, 2004/05 mövsümündə çempionata təsadüf edən Şəfa Bakı üzərində texniki qələbə (3:0), həmçinin 2005/06 mövsümündə ölkə kubokunda MKT-Araz ilə nəticəsi ləğv olunan oyunların top fərqi nəzərə alınmır[4].

Komandanın heyəti[redaktə | əsas redaktə]

2015/2016 mövsümü üçün heyəti (son yenilənmə: 7 iyul 2015)

Nömrə Ölkə Mövqeyi Futbolçu
1 Flag of Azerbaijan.svg GK Orxan Sadıqlı
3 Flag of Azerbaijan.svg DF Rasim Ramaldanov
7 Flag of Mali.svg MF Sadio Tounkara
8 Flag of Azerbaijan.svg MF Elşən Rzazadə
12 Flag of Azerbaijan.svg MF İlyas Səfərzadə
12 Flag of Azerbaijan.svg MF İlyas Səfərzadə
14 Flag of Azerbaijan.svg MF Rahid Əmirquliyev (kapitan)
17 Flag of Azerbaijan.svg MF Kazım Kazımlı
18 Flag of Azerbaijan.svg MF Tural Cəlilov
19 Flag of Croatia.svg GK Vyekoslav Tomiç
25 Flag of Azerbaijan.svg GK Tərlan Qasımzadə
27 Flag of Romania.svg DF Adrian Skarlatake
Nömrə Ölkə Mövqeyi Futbolçu
32 Flag of Azerbaijan.svg DF Zaman Mirzəzadə
42 Flag of Azerbaijan.svg MF Kamran Abdullazadə
72 Flag of Azerbaijan.svg DF Elvin Mirzəyev
96 Flag of Azerbaijan.svg FW Anar Babazadə
97 Flag of Azerbaijan.svg FW Elnur Cəfərov
99 Flag of Azerbaijan.svg DF Maqsum Qəmbərli
10 Flag of Azerbaijan.svg FW Ağabala Ramazanov

Beynəlxalq Futbol Tarixi və Statistikaları Federasiyasının reytinq cədvəlində[redaktə | əsas redaktə]

2010-cu il noyabrın 26-da açıqlanan klublarının XXI əsr üçün reytinqində ilk onilliyi 254,5 xal ilə Azərbaycan klubları arasında 5-ci, dünyada isə 468-ci pillədə başa vurmuşdur[5].

Mənbə[redaktə | əsas redaktə]

İstinadlar[redaktə | əsas redaktə]

Həmçinin bax[redaktə | əsas redaktə]

Xarici keçidlər[redaktə | əsas redaktə]