Kamran Ağayev

Vikipediya, açıq ensiklopediya
Jump to navigation Jump to search
Futbol
Kamran Ağayev
Kamran Agayev 2012.jpg
Ümumi məlumat
Tam adı Kamran Adilxan oğlu Ağayev
Doğum tarixi 9 fevral 1986 (1986-02-09) (32 yaş)
Doğum yeri Dəvəçi, Flag of the Azerbaijan Soviet Socialist Republic.svg Azərbaycan SSR, Flag of the Soviet Union.svg SSRİ
Vətəndaşlıq Flag of Azerbaijan.svg Azərbaycan
Əsas ayağı sağ
Boyu 189 sm
Çəkisi 86 kq
Mövqeyi qapıçı
Komanda haqqında məlumat
Klub Flag of Azerbaijan.svg Keşlə
Nömrəsi 1
Karyerası
Peşəkar karyerası*
2003—2004 Flag of Azerbaijan.svg Şəfa Bakı 8 (0)
2004—2006 Flag of Azerbaijan.svg Turan Tovuz 14 (0)
2006—2012 Flag of Azerbaijan.svg Xəzər-Lənkəran 122 (0)
2013—2014 Flag of Azerbaijan.svg Bakı 15 (0)
2014—2015 Flag of Azerbaijan.svg Qəbələ 34 (0)
2015 Flag of Turkey.svg Kayserispor 11 (0)
2015—2016 Flag of Turkey.svg Karşıyaka 13 (0)
2016 Flag of Azerbaijan.svg İnter Bakı 9 (0)
2016—2018 Flag of Portugal.svg Boavişta 12 (0)
2018- Flag of Azerbaijan.svg Keşlə 11 (0)
Milli yığma**
2008—h.h. Flag of Azerbaijan.svg Azərbaycan 73 (0)

* Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı . 17 iyul 2018 tarixində redaktə olunub.

** Rəsmi oyunlarda milli yığmanın heyətində keçirdiyi oyunların və vurduğu qolların sayı. 17 iyul 2018 tarixində redaktə olunub.

Kamran Adilxan oğlu Ağayev (9 fevral 1986, Şabran, Azərbaycan)— Azərbaycan futbolçusu, Azərbaycan milli futbol komandasının və Keşlə-nın qapıçısı.

Həyatı[redaktə | əsas redaktə]

Kamran Ağayev 9 fevral 1986-cı ildə Dəvəçi (indiki Şabran) şəhərində anadan olub. İlk orta təhsilini Dəvəçi şəhərində Roman Yusifov adına 2 saylı orta məktəbdə alıb. Hələ orta məktəbdə oxuduğu vaxtlarda idmana həvəsinin olduğu özünü biruzə verirdi. Təkcə futbola deyil, idmanın bir çox sahələrinə marağı olmuşdur. İdmanın üzgüçülük, güləş, sambo, karate, akrobatika və s. növləri ilə məşğul olmuşdur. Lakin futbolu hamısından üstün tutan Kamran yaşadığı rayonun – Dəvəçi rayonunun futbol komandasının oyunlarına qatılır.

İlk illər[redaktə | əsas redaktə]

“Bərəkət” adlı komandada baş məşqçi və eyni zamanda da atası – Adilxan Ağayevin nəzarəti ilə futbol oynayır. Bu baxımdan da, ilk məşqçisinin atasının olduğunu demək olar. Futbolun incəliklərinə isə Bakıya gəldikdən sonra yiyələnir. Dəvəçi rayonunun Bərəkət klubunda Kamranın oyunlarını izləyən İslam Kərimov onun Bakıya gəlməsini, daha peşəkar klublarda oynamasını israr edir və 15 yaşlı Kamranı baş məşqçilik etdiyi 17 yaşlılardan ibarət futbol üzrə yığma komandanın heyətinə cəlb edir. Yığmada göstərdiyi oyunları ilə Kamran Bakı klublarının məşqçilərinin diqqətini çəkir. Elə həmin ildə Bakının Şəfa Bakı klubunun düşərgəsinə dəvət alır. Kamran orada baş məşqçi Vaqif Sadıqovun rəhbərliyi altında məşqlərə başlayır və qapıçılarla işləyən məşqçi Cəmaləddin Əliyevdən futbolun sirrlərini öyrənir. 2001-ci ildə ilk böyük mükafatını burada qazanır. Şəfa futbol klubu Azərbaycan kubokunun sahibi olur.

Peşəkar karyerası[redaktə | əsas redaktə]

2004-cü ildə Naci Şensoyun baş məşqçilik etdiyi Tovuzun Turan Tovuz klubuna transfer olunur və 2 il bu klubun şərəfini qoruyur.

Karyerasında ən möhtəşəm səhifə isə 2006-cı ildə Lənkəran şəhərinin Xəzər-Lənkəran komandasında çalışmaq üçün seçimini etdikdən sonra açılır. Elə həmin mövsümün Azərbaycan çempionluğu və kubokunu qazanırlar. 2008-ci ildə bu qələbələrin davamı olaraq Xəzər-Lənkəran komandası yenidən Azərbaycan kubokunun sahibi olur. Bundan başqa 2008-ci ildə MDB və Baltikyanı ölkələrin futbol üzrə 16-cı beynəlxalq turniri olan Birlik kubokunun da qalibi olmuşlar.

7 il Xəzər-Lənkəranda oynadıqdan sonra 2013-cü ildə problemlə əlaqədar komandadan ayrılır və bir müddət «Bakı» komandasında qərar tutur. Amma burada da arzuladığı formaya qovuşa bilməyən Kamran Ağayev özünə yeni klub axtarışına çıxır. Baş məşqçi Milinko Pantiçin istəyi ilə milli komandamızın qapıçısı transferə çıxarılır.

31 yanvar 2014-cü ildə Kamran Qəbələ komandası ilə 18 aylıq müqavilə imzalayır. Qəbələdə 33 oyun keçirən Kamran, müqaviləyə 1 il sonra 2015-ci il fevralın 1-i xitam verərək Türkiyəyə yollanır. «Qəbələ»dən ayrılan Kamran Ağayevin yeni iş yeri Türkiyə PTT Liqasının lideri «Kayserispor» olur.[1] «Kayserispor»la mövsümün sonuna qədər müqavilə bağlayan əlcək ustası komandasında ilk oyununa Türkiyə kubokunun 1/8 final mərhələsində «Beşiktaş»la (1:0) matçda çıxıb. Ağayev «Kayserispor»da cəmi 6 oyunda meydana çıxır. Mövsümün sonunda «Kayserispor»dan ayrılan Kamran «Qarşıyaka» klubu ilə müqavilə imzalayır. Bu klubda da çox qalmayan Kamran 13 oyunda meydana çıxır və 2015-i il dekabr ayında komandadan ayrılaraq Bakıya üz tutur. Bir müddət «Sumqayıt»ın düşərgəsində məşq edir. 2016-cı il yanvar ayında isə gözlənilmədən Bakının «İnter» komandası ilə müqavilə imzalayır. Mövsümün sonunadək burada oynayan Azərbaycan milli komandasının qapıçısı Kamran Ağayev may ayında komanda ilə yollarını ayırır.

Ağayev 2016-cı il sentyabrın 12-i Portuqaliyanın «Boavişta» klubu ilə mövsümün sonunadək müqavilə imzalayıb. Kamran Portuqaliya klubuna azad agent statusu ilə keçib. Qapıçı «Sumqayıt»la yenicə müqavilə imzalasa da, onun müqaviləsində xaricdən təklif gələcəyi təqdirdə klubun futbolçunu sərbəst buraxacağı barədə bənd Ağayevin azad agent kimi Portuqaliyaya getməsinə imkan yaradıb. Boaviştanın heyətində debüt matçı 25 sentyabr «Portu»ya qarşı keçirib.

Qeyd etmək lazımdır ki, Kamranın milli komandadakı fəaliyyəti 17 yaşlılardan ibarət yığma komandanın tərkibində yer alması ilə bitməmişdir. Onun futboldakı bacarığı, uğurlu oyunları, sənətinə bu qədər məsuliyyətlə yanaşması daha sonralar da futbol üzrə milli komandanın şərəfini qorumaq üçün dəvət almasını ənənə halına salmaq üçün səbəb olmuşdur. 19 və 21 yaşlılardan ibarət yığma komandalara da vaxtaşırı olaraq dəvət almışdır və meydana kapitan kimi çıxmışdır. Hal-hazırda da milli komandanın qapıçısıdır. 2008-ci ilin ən yaxşı futbolçusu, 2009-cu ilin ən yaxşı qapıçısı seçilmişdir.

Uğurları[redaktə | əsas redaktə]

Flag of Azerbaijan.svg Xəzər-Lənkəran

Şəxsi

İstinadlar[redaktə | əsas redaktə]

Xarici keçidlər[redaktə | əsas redaktə]

Həmçinin bax[redaktə | əsas redaktə]