Azərbaycan Premyer Liqası

Vikipediya, açıq ensiklopediya
(Futbol üzrə Azərbaycan çempionatı səhifəsindən istiqamətləndirilmişdir)
Jump to navigation Jump to search
Azərbaycan Premyer Liqası
Ölkə Azərbaycan Azərbaycan
Konfederasiya UEFA
Açılış ili 1992
İlk sezon 1992
Komandaların sayı 8
Liqalar sistemində səviyyə 1
Aşağı liqa Azərbaycan Birinci Divizionu
Digər kubok(lar)Azərbaycan Kuboku
Azərbaycan Superkuboku
Beynəlxalq kubok(lar)UEFA Çempionlar Liqası
UEFA Avropa Liqası
Son çempionQarabağ (7 dəfə)
Ən uğurlu komandaNeftçi (8 dəfə)
TV partnyoruCBC Sport
Veb səhifəsiwww.pfl.az
Futbol üzrə Azərbaycan çempionatı 2018/2019

Azərbaycan Premyer LiqasıAzərbaycanın peşəkar futbol klublarının çıxış etdiyi ən yüksək təbəqədir. Hazırda Azərbaycan Premyer Liqasında 8 futbol klubu iştirak edir. Azərbaycan Premyer Liqasının mövsümü adətən avqust ayından maya kimi keçirilir. Premyer Liqanın qalibi UEFA Çempionlar Liqasının 1-ci pley-off mərhələsində yer alır.

Çempionat 1992-ci ildən 2007-ci ilə qədər Yüksək Liqa, 2007-ci ildən sonra Azərbaycan Premyer Liqası adı altında fəaliyyət göstərir. 1992-ci ildən 8 klub Azərbaycan Premyer Liqasının qalibi olmuşdur. Azərbaycan Premyer Liqasının ən uğurlu komandası "Neftçi"dir. Hazırki çempion "Qarabağ" futbol klubudur, hansı ki, 2017-18 mövsümündə 6-cı dəfə bu titulu qazanmışdır.

Tarixi[redaktə | əsas redaktə]

1990-cı illər[redaktə | əsas redaktə]

1990-cı illərdə liqada əsasən "Neftçi", "Qarabağ", "Kəpəz", "Turan Tovuz" və "Şəmkir" hökmranlıq edib. 1997-ci ildə "Kəpəz" Azərbaycan Premyer Liqası tarixində ən uzun qələbə seriyasına imza atmışdır.[1] Gəncəlilər 1997/98 mövsümündə başlayan və 1998/99 mövsümündə başa çatan seriya müddətində 20 görüşdə qələbələri sıralayıb.[1]

2000-ci illər[redaktə | əsas redaktə]

2000-ci illərin ortasında iqtisadi böhran yerli klublara ciddi zərbə vurdu və nəticədə, "Xəzri Buzovna", "Şəfa" və "ANS Pivani Bakı" kimi klublar mövcüdluğunu dayandırdı. Premyer Liqa klublarının 2002-ci ilin aprelində çempionatının dayandırması və AFFA ilə pikə çatan gərginlik, FİFAUEFA-nın 2 illik sanksiyası ilə bitdi.[2][3][4] Yarışı yarımçıq dayandıran klublar öz yaratdıqları Təşkilat Komitəsinin təşəbbüsü ilə çempionatı davam etdirdi.[5] Lakin "alternativ çempionat" kimi tarixə düşən həmin turnir qeyri-rəsmi hesab edildi.[5] Ölkədə "böyük futbol”un faktiki olaraq yoxa çıxması ilə nəticələnən münaqişədən sonra çox sayda oyunçu xaricə üz tutdu.[5] Xaricə yollana bilməyənlərin bir qismi alternativ çempionatda, digərləri isə futzal yarışlarında çıxış etməyə başladı.[5]

Yeni əsrdə Neftçinin çempionatda hegemonluğuna "Xəzər Lənkəran", "İnter Bakı"[q 1] və "Bakı" kimi yeni rəqiblər son qoymağa çalışırdı. 2005-ci ildə "Neftçi" çempionatın sonunda "Xəzər Lənkəran" klubu ilə eyni xal yığdığı üçün çempionu müəyyənləşdirmək üçün "Qızıl oyun" keçirildi.[6] Gəncə şəhər stadionunda keçirilən oyunda "Neftçi" "Xəzər Lənkəran"ı 2:1 hesabı ilə üstələyərək, ardıcıl ikinci dəfə çempionluğu bayram etdi.[6] Ağasəlim Mircavadovun rəhbərliyi altında "Xəzər Lənkəran" iki dəfə Azərbaycan Kubokunu qazanmış, 2006-ci ildə isə çempion oldu.[7]

2010-cu illər[redaktə | əsas redaktə]

"Qarabağ"ın oyunçuları Red Bull Zalsburqa qarşı

2010-cu ildə "Neftçi" altı uğursuz ildən sonra çempion oldu.[8][9] Növbəti mövsümdə "Neftçi" yeddinci dəfə Azərbaycan çempionu oldu.[10] 2012-ci ilin avqustun 30-da Böyükağa Hacıyevin rəhbərlik etdiyi "Neftçi" səfərdə APOEL-ə 3:1 (İlk oyun: 1:1) hesabı ilə qalib gələrək Azərbaycan futbol tarixində ilk dəfə UEFA Avropa Liqasının qrup mərhələsinə vəsiqə qazanmışdı.[11] Növbəti mövsümdə "Neftçi" ardıcıl 3-cü dəfə ölkə çempionu oldu.[12]

2013-cü ildən başlayaraq Azərbaycan Premyer Liqasında "Qarabağ" hegemonluq edir.[13] Həmin mövsüm "Qarabağ" 21 ildən sonra ikinci çempionluğu qeyd etdi.[14] 2014-cü ildə "Qarabağ" Azərbaycan futbolunda avrokubokların qrup mərhələsinə vəsiqə qazanan ikinci, 2015-ci ildə "Qəbələ" üçüncü klub kimi tarixə düşdü.[15] 2016-cı ildə "Qarabağ" ardıcıl 4-cü dəfə ölkə çempionu oldu.[16] 2017-ci il avqustun 24-də "Qarabağ" Azərbaycan futbolu tarixində ilk dəfə Çempionlar Liqasının qrup mərhələsinə vəsiqə qazanıb.[17] Həmin ildə Azərbaycan Premyer Liqası Beynəlxalq Futbol Tarixi və Statistikaları Federasiyasının (İFFHS) dünyanın ən yaxşı çempionatlarının reytinq siyahısında 33-cü yerdə qərarlaşıb.[18]

2018-ci il aprelin 22-də "Qarabağ" ardıcıl beşinci dəfə çempion titulunu qazanıb.[19]

Korporativ strukturu[redaktə | əsas redaktə]

13 iyun 2008-ci ildən Azərbaycan Peşəkar Futbol Liqası Azərbaycan Premyer Liqası, Azərbaycan Birinci DivizionuAzərbaycan Kuboku yarışlarını təşkil edir.[20] Quruma Ramin Musayev rəhbərlik edir.[21]

Hazırda Azərbaycan Premyer Liqasının üç klubu — "Neftçi", "Qarabağ" və "Qəbələ" Avropa Klublar Assosiasiyasının (ECA) üzvüdür.[22] Avropa Klublar Assosiasiyası UEFA Klub Müsabiqələri Komitəsinə üç üzv seçilməsinə nəzarət edir; hansı ki, Çempionlar Liqası və UEFA Avropa Liqası kimi UEFA müsabiqələrində əməliyyatlarında rol oynayır.[23]

Müsabiqə formatı[redaktə | əsas redaktə]

Hazırda Azərbaycan Premyer Liqasında 8 futbol klubu iştirak edir. Mövsüm ərzində (avqustdan maya qədər) hər klub rəqibləri ilə dörd dəfə (dairəvi sistem) görüşür: iki dəfə öz sahəsində, iki dəfə səfərdə. Cəmi 28 oyun keçirilir. Komandalara qələbəyə görə üç xal, heç-heçəyə görə bir xal və məğlubiyyətə görə sıfır xal verilir. Komandalar ümumi xallar, sonra qol fərqləri ilə və daha sonra vurulan qollarla sıralanır. Əgər vəziyyət eynidirsə, komandalar eyni mövqedə yer alır.

Aşağıda Azərbaycan Premyer Liqasının tarixi boyu komandaların sayı qeyd olunur:

 
  • 26 klub = 1992
  • 20 klub = 1993
  • 16 klub = 1993–1994
  • 13 klub = 1994–1995
  • 11 klub = 1995–1996
  • 16 klub = 1996–1997
  • 15 klub = 1997–1998

  • 14 klub = 1998–1999
  • 12 klub = 1999–2000
  • 11 klub = 2000–2001
  • 12 klub = 2001–2002
  • 14 klub = 2003–2004
  • 18 klub = 2004–2005
  • 14 klub = 2005–2006

  • 13 klub = 2006–2007
  • 14 klub = 2007–2009
  • 12 klub = 2009–2013
  • 10 klub = 2013–2016
  • 8 klub = 2016–2020
  • 10 klub = 2020–cari

Avrokuboklar üçün kvalifikasiya[redaktə | əsas redaktə]

Azərbaycan Premyer Liqasında birinci yer tutan komanda UEFA Çempionlar Liqasının birinci pley-off mərhələsinə, ikinci və üçüncü yer tutan komandalar isə UEFA Avropa Liqasının birinci mərhələsinə avtomatik vəsiqə qazanır. Azərbaycan Kubokunun qalibi UEFA Avropa Liqasının birinci mərhələsində avtomatik vəsiqə qazanır. Əgər Azərbaycan Kubokunun qalibi avrokuboklara vəsiqə qazanıbsa, Azərbaycan Premyer Liqasında dördüncü yer tutan komanda UEFA Avropa Liqasının birinci mərhələsinə avtomatik vəsiqə qazanır.

Klublar[redaktə | əsas redaktə]

Azərbaycan Premyer Liqası 2018-19 komandalarının xəritədə yeri.
Kursiv ilə yazılan klub Qarabağ regionunda yerləşir və ev oyunlarını Qarabağ münaqişəsinə görə Bakıda keçirir.

Stadionları və yerləri[redaktə | əsas redaktə]

Qeyd: Cədvəl əlifba sırası ilə siyahlanıb
Komanda Ərazi Stadion Stadion tutumu
Keşlə Bakı ASK Arena 8,125
Neftçi Bakı Bakcell Arena 11,000
Qarabağ Bakı Azərsun Arena 5,800
Qəbələ Qəbələ Qəbələ şəhər stadionu 3,500
Sabah Bakı Əlincə stadionu 13,000
Səbail Bakı Bayıl Arena 5,000
Sumqayıt Sumqayıt Kapital Bank Arena 1,500
Zirə Bakı Zirə Olimpiya idman kompleksi stadionu 1,500

Çempionlar və bombardirlər[redaktə | əsas redaktə]

Mövsüm Çempion İkinci Üçüncü Bombardir
1992 Neftçi Bakı Xəzər Sumqayıt Turan Azərbaycan Nazim Əliyev (Xəzər Sumqayıt, 39 qol)
1993 Qarabağ Xəzər Sumqayıt Turan Azərbaycan Samir Ələkbərov (Neftçi Bakı, 16 qol)
1993-94 Turan Qarabağ Kəpəz Azərbaycan Musa Qurbanov (Turan, 35 qol)
1994-95 Kəpəz Turan Neftçi Bakı Azərbaycan Nazim Əliyev (Neftçi Bakı, 26 qol)
1995-96 Neftçi Bakı Xəzri Buzovna Kəpəz Azərbaycan Fazil Pərvərov (Kəpəz, 23 qol) / Azərbaycan Rövşən Əhmədov (Kəpəz, 23 qol)
1996-97 Neftçi Bakı Qarabağ Xəzri Buzovna Azərbaycan Qurban Qurbanov (Neftçi Bakı, 34 qol)
1997-98 Kəpəz Bakı Şəmkir Azərbaycan Nazim Əliyev (Bakı, 23 qol)
1998-99 Kəpəz Şəmkir Neftçi Bakı Azərbaycan Alay Bəhramov (Viləş Masallı, 24 qol)
1999-00 Şəmkir Kəpəz Neftçi Bakı Azərbaycan Badri Kvaratsxeliya (Şəmkir, 16 qol)
2000-01 Şəmkir Neftçi Bakı Viləş Masallı Azərbaycan Paşa Əliyev (Bakılı Bakı, 12 qol)
2001-02 AFFA və klublar arasında yaranan münaqişəyə görə çempionat yarımçıq dayandırılmış və nəticələr hesaba alınmamışdır.[24]
2002-03 AFFA və klublar arasında yaranan münaqişəyə görə bu mövsüm heç bir futbol çempionatı təşkil edilməmişdir.[25]
2003-04 Neftçi Bakı Şəmkir Qarabağ Azərbaycan Samir Musayev (Qarabağ, 20 qol)
2004-05 Neftçi Bakı Xəzər Lənkəran Karvan Azərbaycan Zaur Ramazanov (Karvan, 21 qol)
2005-06 Bakı Karvan Neftçi Bakı Kot-d'İvuar Yakuba Bamba (Karvan, 16 qol)
2006-07 Xəzər Lənkəran Neftçi Bakı Bakı Azərbaycan Zaur Ramazanov (Xəzər Lənkəran, 20 qol)
2007-08 Keşlə AZAL Neftçi Bakı Azərbaycan Xəqani Məmmədov (Keşlə, 19 qol)
2008-09 Bakı Keşlə Simurq Uruqvay Valter Quqlemon (Keşlə, 17 qol)
2009-10 Keşlə Bakı Qarabağ Azərbaycan Fərid Quliyev (Standard Bakı, 16 qol)
2010-11 Neftçi Bakı Xəzər Lənkəran Qarabağ Gürcüstan Qiorqi Adamiya (Qarabağ, 18 qol)
2011-12 Neftçi Bakı Xəzər Lənkəran Keşlə Özbəkistan Bahadır Nəsimov (Neftçi Bakı, 16 qol)
2012-13 Neftçi Bakı Qarabağ Keşlə Çili Nikolas Kanales (Neftçi Bakı, 26 qol)
2013-14 Qarabağ Keşlə Qəbələ Braziliya Reynaldo (Qarabağ, 22 qol)
2014-15 Qarabağ Keşlə Qəbələ Azərbaycan Nurlan Novruzov (Bakı, 15 qol)
2015-16 Qarabağ Zirə Qəbələ İspaniya Dani Kintana (Qarabağ, 15 qol)
2016-17 Qarabağ Qəbələ Keşlə Azərbaycan Rauf Əliyev (Keşlə, 11 qol) / Xorvatiya Filip Ozobiç (Qəbələ, 11 qol)
2017-18 Qarabağ Qəbələ Neftçi Bakı Fransa Baqali Dabo (Qəbələ, 13 qol)
2018-19 Qarabağ Neftçi Bakı Səbail Azərbaycan Mahir Emreli (Qarabağ, 16 qol)

Mükafatçı klublar[redaktə | əsas redaktə]

Klub Çempion Qalib olduğu illər
Neftçi Bakı
8
1992, 1995–96, 1996–97, 2003–04, 2004–05, 2010–11, 2011–12, 2012–13
Qarabağ
7
1993, 2013–14, 2014–15, 2015–16, 2016-17, 2017-18, 2018-19
Kəpəz
3
1994–95, 1997–98, 1998–99
Şəmkir
2
1999–00, 2000–01
Bakı 2005–06, 2008–09
Keşlə 2007–08, 2009–10
Turan
1
1993–94
Xəzər-Lənkəran 2006–07

Azərbaycan SSR çempionları[redaktə | əsas redaktə]

Sponsorluq[redaktə | əsas redaktə]

Unibank Premyer Liqasının loqosu

2009-cu ilə qədər Azərbaycan Premyer Liqasının sponsoru olmayıb. 2009-cü ilin sentyabrında "Unibank" və Peşəkar Futbol Liqası arasında sponsor sazişinin imzalandın və ölkə çempionatına ilk dəfə kommersiya strukturu tərəfindən sponsorluq edildi.[26] 2012-ci ildən 2019-cu ilə qədər Azərbaycan Premyer Liqasına "Topaz" bukmeker şirkəti sponsorluq edir.[27][28][29]

Period Sponsor Name
1992–2009 Sponsor olmayıb Yüksək Liqa / Azərbaycan Premyer Liqası
2009–2012 Unibank Unibank Premyer Liqası
2012–2019 Topaz Topaz Premyer Liqası
2019– Sponsor olmayıb Azərbaycan Premyer Liqası

Maliyyə[redaktə | əsas redaktə]

Azərbaycan Premyer Liqası başladığı ildən, 32-dən çox klub müflis olub.[30] 2000-ci illərin ortasında APL və Azərbaycan Birinci Divizionu arasında uçurum yaranması futbol ekspertləri tərəfindən tənqid olunmuşdur.[31] 2008-ci ildən 2016-cı ilə qədər Azərbaycan Premyer Liqasına külli miqdarda vəsait axmağa başladı.[32][33]

2015-ci ildən Azərbaycan Premyer Liqası klublarında çıxış edən 21 və 23 yaşadək yerli futbolçuların maaşına limit tətbiq olunur.[34] 21 yaşadək futbolçuların illik maaşı maksimum 30 min AZN-dək, 23 yaşadək futbolçuların illik maaşı maksimum 50 min AZN-dək müəyyənləşdirilib.[34] Azərbaycan milli futbol komandasının heyətində mövsüm ərzində oyunların 50 faizində iştirak edən futbolçuların maaşı klub tərəfindən maksimum 25 faiz artırıla bilər.[34] AFFA-nın İcraiyyə Komitəsinin qərarına riayət etməyən, formal olaraq müəyənləşdirilmiş maaş göstərən, lakin faktiki olaraq limitdən artıq maaş verən klublar müəyyənləşdirilərək cəzalandırılır.[34]

Medianın işıqlandırması[redaktə | əsas redaktə]

2009-cu ildə PFL və AzTV Qapalı Səhmdar Cəmiyyəti arasında Azərbaycan Premyer Liqası və Kubokunun oyunlarının eksklüziv çəkiliş və yayım hüququna dair müqavilə imzalanıb.[35] 2009-cu ildən 2015-ci ilə qədər Azərbaycanda Premyer Liqa İdman Azərbaycan TV tərəfindən yayımlanırdı. 2015/16 mövsümündə Azərbaycan Premyer Liqasının yayım hüququ üçün tender təşkil olundu.[36] Tenderin qalibi CBC Sport oldu.[37]

Statistika və rekordlar[redaktə | əsas redaktə]

Premyer Liqada olan oyunçular mövsümün sonuna kimi Azərbaycan Premyer Liqasının Qızıl Butsu üçün rəqabət aparırlar. Nazim Əliyev APL-ın tarixində ən çox qol vuran futbolçudur.[38] 1995-96 mövsümündə o, APL-də ilk 100 qol vuran oyunçu olmuşdur. O vaxtdan bəri, 10 digər oyunçular 100 qol nişanına çatmışlar.[39] Qalın şriftlərlə göstərilən oyunçular hələ karyerasını davam etdirir:

Xəqani Məmmədov Azərbaycan Premyer Liqasında ən çox qol vurmuş oyunçulardan biridir.
Ən çox qol vurmuş oyunçular[39]
Oyunçu Dövr Klub[40] Qol
1 Azərbaycan Nazim Əliyev 1992–1999 Xəzər Sumqayıt 183
2 Azərbaycan Müşviq Hüseynov 1992–2007 Qarabağ 125
3 Azərbaycan Rövşən Əhmədov 1992–2003 Kəpəz 116
4-5 Azərbaycan Qurban Qurbanov 1990–2006 Neftçi 115
4-5 Azərbaycan Samir Ələkbərov 1992–2001 Neftçi 115
6 Azərbaycan Alay Bəhramov 1992–1999 Viləş Masallı 108
7 Azərbaycan Nadir Nəbiyev 1995–2012 Turan 103
8-9 Azərbaycan Vadim Vasilyev 1994–2007 Bakı Fəhləsi 102
8-9 Azərbaycan Xəqani Məmmədov 1994–2012 Keşlə 102
10 Azərbaycan Kənan Kərimov 1995–2012 Şəmkir 101
Aslan Kərimov Azərbaycan Premyer Liqasında ən çox oyun keçirmiş oyunçulardan biridir.
Ən çox oyun keçirən oyunçular[41]
Oyunçu Dövr Klub[42] Oyun
1 Azərbaycan Mahmud Qurbanov 1992–2012 Kəpəz 421
2 Azərbaycan Rəşad Sadiqov 1998–2018 Neftçi 397
3 Azərbaycan Azər Məmmədov 1992–2012 Kəpəz 388
4 Azərbaycan Aslan Kərimov 1992–2011 Qarabağ 382
5 Azərbaycan Rəşad Abdullayev 1994–2017 Xəzər Lənkəran 368
6 Azərbaycan Aqil Məmmədov 1992–2011 Turan 363
7 Azərbaycan İsmayıl Məmmədov 1992–2009 Şəmkir 351
8 Azərbaycan Kənan Kərimov 1995–2012 Şəmkir 327
9 Azərbaycan Rəşad Sadıqov 2000– Qarabağ 321
10 Azərbaycan Rahid Əmirquliyev 2003– Xəzər Lənkəran 289

Mükafatçı baş məşqçilər[redaktə | əsas redaktə]

Qurban Qurbanovun rəhbərliyi altında "Qarabağ" Azərbaycan Premyer Liqasında altı dəfə qalib olmuşdur.
Baş məşqçi Çempion Qələbə illəri
Azərbaycan Qurban Qurbanov
6
2013–14, 2014–15, 2015–16, 2016–17, 2017–18, 2018–19
Azərbaycan Ağasəlim Mircavadov
5
1993, 1999–00, 2000–01, 2004–05, 2006–07
Azərbaycan Böyükağa Hacıyev
3
2005–06, 2011–12, 2012–13
Azərbaycan Kazbek Tuayev 1993–94, 1995–96, 2003–04
Azərbaycan Mehman Allahverdiyev 1994–95, 1997–98, 1998–99
Azərbaycan Əhməd Ələsgərov
1
1992
Azərbaycan Elbrus Abbasov 1996–97
Azərbaycan Arif Əsədov 2010–11
Azərbaycan Qəhrəman Əliyev 2001–02
Makedoniya Respublikası Qyoko Hacıyevski 2008–09
Gürcüstan Kaxaber Sxadadze 2009–10
Ukrayna Valentin Xodukin 2007–08

Azarkeş sayı[redaktə | əsas redaktə]

"Neftçi" azarkeşləri "Qarabağ"la oyunda
"Qarabağ" futbol komandasına aid olan "İmarət" fan-klubunun banneri

Televiziya və azarkeş sayından aşağı gəlirə görə, Azərbaycan klubları ticarət tərəfdaşları və klub sahiblərinin gəlirlərindən yüksək dərəcədə asılıdır. Hazırda Gəncənin Kəpəz PFK klubu Qafqazda ən yüksək azarkeş sayı olan klubdur.[43]

Mövsüm sayı
Ümumi azarkeş sayı
Orta azarkeş sayı
İst.
2001–02 187,929 1,099 [44]
Liqa ləğv olunub[q 2] - - -
2003–04 195,840 1,360 [45]
2004–05 470,670 1,623 [45]
2005–06 183,365 1,085 [45]
2006–07 225,216 1,564 [45]
2007–08 277,667 1,643 [45]
2008–09 309,582 1,701 [45]
2009–10 321,812 1,871 [46]
2010–11 441,408 2,299 [46]
2011–12 457,152 2,381 [47]
2012–13 326,976 1,703 [48]
2013–14 268,975 1,537 [49]
2014–15 219,024 1,521 [50]
2015–16 465,660 2,587 [43]
2016–17 362,880 2,016 [43]

Mükafatlar[redaktə | əsas redaktə]

Kubok[redaktə | əsas redaktə]

Çempionluq kuboku PFL-in sifarişinə əsasən, Fransanın "Arthus-Bertrand" şirkəti hazırlayır və hər mövsümun sonu Azərbaycan Premyer Liqasının qalibinə təqdim olunur.[51][52]

Ayın və ilin oyunçusu[redaktə | əsas redaktə]

Mövsün ərzində "Ayın futbolçusu" və "İlin futbolçusu" futbol klublarının baş məşqçiləri, komandaların kapitanları və idman jurnalistləri arasında PFL tərəfindən keçirilən sorğuya əsasən müəyyənləşir.[53] Qalib oyunçuya PFL və sponsorun hədiyyələri və pul mükafatı təqdim olunur. 2014-cü ildən "Ayın futbolçusu" mükafatın verilməsi dayandırılıb.

Reynaldo “Ayın futbolçusu” mükafatını dörd dəfə qazanmışdır.
Flavinyo “Ayın futbolçusu” mükafatını ən çox qazanan oyunçulardan biridir.
Mövsüm İl Ay Oyunçu Klub
2009-10 2009 Oktyabr Azərbaycan Vaqif Cavadov Qarabağ
2009-10 2010 Noyabr Braziliya Mario Souza Xəzər Lənkəran
2009-10 2010 Dekabr Azərbaycan Əfran İsmayılov Qarabağ
2009-10 2010 Fevral Azərbaycan Xəqani Məmmədov Karvan
2009-10 2010 Mart Azərbaycan Araz Abdullayev Neftçi
2009-10 2010 Aprel Gürcüstan Georgi Adamiya Qarabağ
2009-10 2010 May Xorvatiya Aleksandar Şoliç Bakı
2010-11 2010 Avqust Özbəkistan Bahodır Nəsimov Neftçi
2010-11 2010 Sentyabr Azərbaycan Samir Zərgərov Kəpəz
2010-11 2010 Oktyabr Braziliya Flavinyo Neftçi
2010-11 2010 Noyabr Mərakeş Zohair Benuahi AZAL
2010-11 2010 Dekabr Azərbaycan Samir Əliyev Simurq
2010-11 2011 Fevral Azərbaycan Rauf Əliyev Qarabağ
2010-11 2011 Mart Braziliya Flavinyo Neftçi
2010-11 2011 Aprel Kosta-Rika Uinston Parks Xəzər Lənkəran
2010-11 2011 May Gürcüstan Georgi Adamiya Qarabağ
2011-12 2011 Avqust Azərbaycan Ceyhun Sultanov Kəpəz
2011-12 2011 Sentyabr Azərbaycan Rəşad Abdullayev Neftçi
2011-12 2011 Oktyabr Kosta-Rika Uinston Parks Bakı
2011-12 2011 Noyabr Braziliya Flavinyo Neftçi
2011-12 2011 Dekabr Gürcüstan Baçana Sxadadze Keşlə
2011-12 2012 Fevral Azərbaycan Əfran İsmayılov Qarabağ
2011-12 2012 Mart Fransa Yannik Kamanan Qəbələ
2011-12 2012 Aprel Braziliya Eder Bonfim Xəzər Lənkəran
2011-12 2012 May Litva Deividas Çesnauskis Bakı
2012-13 2013 Fevral Çili Nikolas Kanales Neftçi
2012-13 2013 Mart Rumıniya Marius Pena Bakı
2012-13 2013 Aprel Braziliya Riçard Almeyda Qarabağ
2012-13 2013 May Çili Nikolas Kanales Neftçi
2013-14 2013 Avqust Azərbaycan Cavid Hüseynov Bakı
2013-14 2013 Sentyabr Azərbaycan Əfran İsmayılov Bakı
2013-14 2013 Oktyabr Braziliya Reynaldo Qarabağ
2013-14 2013 Noyabr Azərbaycan Vaqif Cavadov Keşlə
2013-14 2013 Dekabr İsveçrə Daniel Subotiç Qəbələ
2013-14 2014 Fevral Braziliya Reynaldo Qarabağ
2013-14 2014 Mart Braziliya Reynaldo Qarabağ
2013-14 2014 Aprel Braziliya Riçard Almeyda Qarabağ
2013-14 2014 May Braziliya Reynaldo Qarabağ

Qeydlər[redaktə | əsas redaktə]

  1. 2017-ci ildən klub rəsmən "Keşlə" adlandırılıb.
  2. AFFA və klublar arasında yaranan münaqişəyə görə bu mövsüm heç bir futbol çempionatı təşkil edilməmişdir.

İstinadlar[redaktə | əsas redaktə]

  1. 1,0 1,1 "“Çelsi”dən yeni rekord: “Kəpəz”ə hələ çox var". www.apasport.az. www.apasport.az.
  2. "Azerbaijan embargo ends". www.uefa.com. UEFA.
  3. "Peace at last in Azerbaijan". www.uefa.com. UEFA.
  4. "Azerbaijan soccer tries to extricate itself from trouble". www.abc.net.au. www.abc.net.au.
  5. 5,0 5,1 5,2 5,3 ""Futzalla futbolu eyni vaxtda oynamağı məsləhət görmürəm" - iki idman növü üzrə yığmamızın sabiq üzvü (LAYİHƏ)". sportfm.az. sportfm.az.
  6. 6,0 6,1 "“Xəzər Lənkəran”ın Gəncə macəraları". apasport.az. apasport.az.
  7. "Ən azı 2 klubla çempion olan 3-cü baş məşqçi". www.pfl.az. www.pfl.az.
  8. "Neftchi are Azerbaijani champions". news.az. news.az.
  9. "Neftçi take title honours in Azerbaijan". www.uefa.com. UEFA.
  10. "“Neftçi”nin yeddinci çempionluğu". qol.az.
  11. "Neftchi FC for the first time in the history of football in Azerbaijan wins a ticket to the group stage of UEFA Europa League Zoom". en.apa.az.
  12. "“Neftçi” ardıcıl 3-cü dəfə ölkə çempionu oldu". www.azsport.az.
  13. "Qarabag are exiled from their home but could shock the Champions League". www.theguardian.com.
  14. "Qarabağ end 21-year wait for Azerbaijani title". UEFA.
  15. "Qəbələ Azərbaycanın qrup mərhələsinə vəsiqə qazanan 3-cü klubu oldu". www.azerisport.com.
  16. "Qarabağ v København: play-off facts and stats". UEFA.
  17. "Champions League round-up: Qarabag make history by qualifying for group stages". www.skysports.com.
  18. "Premyer Liqanın tərəqqi qrafiki: 8 ildə 73 pillə". apasport.az.
  19. "“Qarabağ” ardıcıl beşinci dəfə çempion oldu". oxu.az. oxu.az.
  20. "Peşəkar Futbol Liqası 8 yaşında". www.fanat.az.
  21. "Ramin Musayev elected President of Azerbaijan Professional Football League Zoom". en.apa.az.
  22. "ECA Members 2017/18". www.ecaeurope.com.
  23. "European Club Association: General Presentation". European Club Association. 9 avqust 2010 tarixində arxivləşdirilib. İstifadə tarixi: 7 sentyabr 2010.
  24. Azerbaijan 2001/02
  25. Azerbaijan 2002/03
  26. "Azərbaycan Premyer Liqasının sponsoru dəşiyib". www.azadliq.org.
  27. "Azerbaijani Premier League has a new sponsor". news.az.
  28. "Premyer Liqanın yeni sponsoru ilə müqavilə imzalandı". kaspi.az.
  29. "Topaz Premyer Liqanın sponsorluğundan imtina etdi". qol.az. qol.az.
  30. "Azərbaycan futbolu son 20 ildə 14 klub itirib - RƏSMİ". www.fanat.az.
  31. Ramil Əliyev: "Premyer Liqa ilə I divizion arasında böyük uçurum var"
  32. "Azərbaycanda futbol klubları niyə dağılır?". www.meydan.tv.
  33. "Azerbaijan: Corporate Spending Pumps Up Soccer League". www.eurasianet.org.
  34. 34,0 34,1 34,2 34,3 "AFFA-nın Oyunçuların Statusu və Transferi Komitəsinin məlumatı". www.affa.az. AFFA.
  35. Premyer Liqanın oyunları AzTV-də yayımlanacaq
  36. Premyer Liqanın yayım hüququ AZTV və "İdman Azərbaycan"dan alındı
  37. "CBC channel to broadcast Premier League matches in Azerbaijani". report.az.
  38. Ekspress Newspaper  (azərb.)
  39. 39,0 39,1 "34 bombardir - 50-yə çatanlar". apasport.az.
  40. oyunçunun ən çox qol vurduğu klub
  41. "300-ə çatan Azərbaycan futbolçuları". apasport.az.
  42. oyunçunun ən çox oyun keçirdiyi klub
  43. 43,0 43,1 43,2 "Azerbaijan Premier League-attendances" (English). european-football-statistics.co.uk.
  44. "Посещаемость чемпионата Азербайджана выросла на 22%" (rus.). Azerisport.com.
  45. 45,0 45,1 45,2 45,3 45,4 45,5 "2003–04 Azerbaijan Top League" (Croatian). Jutarnji list. 6 April 2010. p. 97.
  46. 46,0 46,1 "Attendance of Azerbaijan Premier League". 19 iyul 2011 tarixində arxivləşdirilib. İstifadə tarixi: 22 iyul 2011.
  47. "Azerbaijani Premier League fourth in attendance in post-Soviet space". News.az.
  48. "18 turun azarkeş sayı – 214.470 nəfər" (Azerbaijani). fanat.az.
  49. "Bakıda futbola maraq yoxdur: Lənkəranlılar hamıdan öndə" (Azerbaijani). apasport.az.
  50. "Azerbaijan Premier League-attendances" (English). european-football-statistics.co.uk.
  51. "Neftçi"yə çempionluq kuboku təqdim olundu
  52. Çempiona da kubok veriləcək
  53. Unibank Premyer Liqasında fevralın ən yaxşı oyunçusu müəyyənləşmişdir

Xarici keçidlər[redaktə | əsas redaktə]