Şəmkir FK

Şəmkir FK
Şəmkir FK
Klubun tam adı	Şəmkir Futbol Klubu
Ölkə	Azərbaycan
Ləqəb(lər)	"Şəmkirlilər","Qərblilər"
Rəng(lər)	qırmızı-ağ
Yaranma tarixi	1954
Stadionu	Şəmkir Olimpiya İdman Kompleksinin stadionu
Tutumu	2 000
Prezidenti	Kənan Əhmədov
Baş məşqçisi	Badri Kvaratsxeliya
Liqa	Azərbaycan I Divizionu
2016/2017	6
Ev forması	Səfər forması

Şəmkir — eyniadlı şəhəri təmsil edən futbol klubudur. 2017-ci ildə fəaliyyətini ikinci dəfə dayandırmışdır. Hazırda Azərbaycan İkinci liqasında eyniadlı rayonu təmsil edən və 2013-cü ildə "Qala Şəmkir" adı ilə yaranmış Şəmkir PFK bu klubun hüquqi varisi deyil.

Tarixi

Klub bir vaxtlar aktiv olmuş vebsəhifəsinə əsasən 1954-cü ildə Şəmkirdə yaranmışdır. Müxtəlif vaxtlarda 9 dəfə futbol üzrə Azərbaycan çempionatının elitasında iştirak etmişdir. üç dəfə qızıl, iki dəfə gümüş medal, bir dəfə də bürünc medal qazanmışdır.

Futbol üzrə Azərbaycan Kubokunun finalında 2 dəfə oynamışdır.

Çempionlar Liqasında təsnifat mərhələsini adlayan ilk Azərbaycan klubu olan "Şəmkir" Latviyanın ən titullu klubu olan Skontonu Bakıda 4–1 hesabı ilə məğlubiyyətə uğratmışdı. 2001/2002 mövsümü yarımçıq dayandırılan zaman Şəmkir FK 1-ci pillədə idi və 3-cü çempionluğuna çox yaxınlaşmışdı.

2003–2004 mövsümü çempionu Neftçini məğlub edən yeganə komanda məhz Şəmkir FK olmuşdu (3–1). Həmin il Bakıda keçirilən cavab görüşü isə 2–2 hesablı heç-heçə ilə bitmişdi. 2004-cü ildə keçirilən Azərbaycan kuboku finalında əlavə vaxtda ilk qolu məhz Şəmkir klubu vursa da — hakim İmamxan Sultani qolu qeydə almamışdı. Bütün mətbuat orqanlarında qolun haqsız yerə sayılmaması qeyd olundu. Bu final matçından sonra klubun əksər aparıcı futbolçuları komandadan ayrıldılar. 2004/2005 mövsümünü 11-ci yerdə (18 klub arasında) bitirməsinə baxmayaraq mövsümlərarası fasilədə maliyyə çatışmazlığı ucbatından fəaliyyətini dayandırmışdı.

2009-cu ilin sonlarında Pekin Olimpiadasının bürünc mükafatçısı Mövlud Mirəliyevin təşəbbüsü ilə 4 illik fasilədən sonra yenidən bərpa olunmuş və komandanın baş məşqçisi postuna vaxtilə bu klubun şərəfini qorumuş sabiq müdafiəçi Faiq Cabbarov təyin olunmuşdur. 2010/2011 mövsümünün gedişində Anar Kələntərov baş məşqçi təyin olundu və klub I divizionda mövsümün sonunda 9-cu pillədə qərarlaşdı^[1].

Klubun rəngləri

Qırmızı

Ağ

2010/2011 dirçəliş mövsümu

4 illik fasilədən sonra,19 avqust 2009-cu ildə klub yenidən bərpa olunmuşdur. Klub mövsüm ərzində 30 futbolçunun xidmətindən istifadə etmiş və turnir cədvəlini 9-cu pillədə başa vurmuşdur. Aktivində 5 qələbə, 7 heç-heçə və 14 məğlubiyyət olan Şəmkir FK 22 xalla mövsümü bitirmişdir.

2013/2014 mövsüm

Bu mövsümda klubun heyəti dəyişdi. Anar Kələtnərovun yerinə baş məşqçi Ruslan Abbasov oldu. Kluba yeni gənc və perspektivli oyunçular gəldi.

2014/2015 mövsüm

Bir sıra uğursuzluqdan sonra Ruslan Abbasov istefaya göndərildi. Kluba sponsor tapıldı, yeni baş məşqçi və oyunçular gəldi.2015-ci ilin Yanvar ayından etibarən komandanın yeni baş məşqçisi Kamran Əlibabayev təyin olundu.

2016/2017 mövsüm

Bu klub üçün sonuncu mövsüm oldu. 2016-cı ildə klubun yeni sponsoru və prezidenti Elvin Səfərli oldu. Mövsümün başlanğıcında kluba kifayət qədər böyük maliyyə ayrıldı. Komanda qış fasiləsində Türkiyəyə yola düşdü və təlim-məşq toplantısını Antalya bölgəsində keçirdi. Orada Ukraynanın "Dnepr", Qazaxstan Premyer Liqasının "Okjetpes" və "Tobol" kimi komandaları ilə hazırlıq oyunlarını keçirdi. Lakin mövsümün ikinci dövrəsində komanda o qədər də uğurlu çıxış etmədiyi üçün baş məşqçi Qəhrəman Əliyev ilə yollar ayrıldı. Bundan sonra Badri Kvaratsxeliya klubun baş məşqçisi təyin olundu və komanda turnir cədvəlində 6-cı yerdə qərarlaşaraq mövsümü bitirdi. Klubda olan maliyyə problemləri səbəbindən 2017-ci ilin iyun ayında Şəmkir Futbol Klubu ikinci dəfə fəaliyyətini dayandırdı.2017/2018 mövsümündə komanda həvəskar liqası olan Azərbaycan Region Liqasında iştirak etmişdir.

Heyəti

2014/2015 mövsümü üçün heyəti (1 mart 2015)

Nömrə	Mövqeyi	Futbolçu
16	GK	Zaur Abbasov
88	GK	Yaməddin Əliyev
4	DF	Orxan Məmmədov (Kapitan)
5	DF	Elvin Hacıyev
6	DF	Əfqan Pirquliyev
7	MF	Pərvin Paşayev
8	MF	Ramil Allahverdiyev
9	MF	Rövşən Əmiraslanov
10	MF	Orxan Müzəffərli
11	FW	Bəxtiyar Məsiməliyev
14	MF	Vüqar İbrahimov
15	MF	Elnur Şiriyev
17	FW	Mahir İbrahimov
20	FW	Azər Məmmədov
22	MF	Qeyrət Qənbərov
25	MF	Qərib İbrahimov
57	MF	Anar Rzayev
66	DF	Üvi Qaçaylı
73	DF	Məhəmməd Hüseynov
92	MF	Cavid Mirzəyev
99	MF	Elmin İsmayılzadə

Komandanın keçmişində əməyi olanlar

Keçmişindəki baş məşqçilər

Əfqan Talıbov (1997–1998)
Ağasəlim Mircavadov (1998–2001)
Qəhrəman Əliyev (2001–2005)
Faiq Cabbarov (2009–2011)
Anar Kələntərov^[2]. (2011–2013)
Ruslan Abbasov^[3]. (2013–2015)
Kamran Əlibabayev^[4]. (2015–2016)
Qəhrəman Əliyev^[5]. (2016–2017)
Badri Kvaratsxeliya^[6]. (2017, sonuncu)

Keçmişindəki prezidentlər

Şahbaz Süleymanov (1997–2005)
Fərid Hüseynov (2014–2016)
Elvin Səfərli (2016–2017)

Uğurları

Azərbaycan çempionatı:
- Qızıl medal (2) — 1999/2000, 2000/2001
- Gümüş medal (2) — 1998/1999, 2003/2004
- Bürünc medal (1) — 1997/1998
Azərbaycan Kuboku:
- Finalçı (2) — 1998/1999, 2003/2004

Avropa kuboklarında iştirakı

4 dəfə Avropa kuboklarında iştirak etmişdir. Azərbaycanı 2 dəfə UEFA Kubokunda və 2 dəfə də UEFA Çempionlar Liqasında təmsil etmişdir.

Beynəlxalq Futbol Tarixi və Statistikaları Federasiyasının reytinq cədvəlində

2010-cu il noyabrın 26-da açıqlanan klublarının XXI əsr üçün reytinqində ilk onilliyi 92,5 xal ilə Azərbaycan klubları arasında 10-cu, dünyada isə 790-cı pillədə başa vurmuşdur^[7].

Stadionu

İstinadlar

↑ Olimpiya mükafatçısı "Şəmkir"ə həyat verdi^{[ölü keçid]}
↑ "Azərbaycan futbolunda daha bir məşqçi istefaya göndərildi". 20 mart 2024 tarixində arxivləşdirilib. İstifadə tarixi: 20 mart 2024.
↑ "Şəmkirin eyniadlı komandası hazırlığını davam etdirir". 20 mart 2024 tarixində arxivləşdirilib. İstifadə tarixi: 20 mart 2024.
↑ Kamran Əlibabayev: Kubok oyununa ciddi hazırlaşmışdıq
↑ "Qəhrəman Əliyev "Şəmkir"dən istefa verib". 20 mart 2024 tarixində arxivləşdirilib. İstifadə tarixi: 20 mart 2024.
↑ "Badri Kvaratsxeliya rəsmən "Şəmkir"də". 20 mart 2024 tarixində arxivləşdirilib. İstifadə tarixi: 20 mart 2024.
↑ Reytinqə sözardı, yaxud "Neftçi" "Qarabağ"ı necə keçdi? Arxivləşdirilib 2022-02-18 at the Wayback Machine (az.) apasport.az tarixi:2010.11.27
↑ "15 iyun 2004 -cü il | Azərbaycan Respublikası Şəmkir Rayon İcra Hakimiyyəti". shamkir-ih.gov.az. İstifadə tarixi: 7 dekabr 2025.

[1] Olimpiya mükafatçısı "Şəmkir"ə həyat verdi^{[ölü keçid]}

[Qol.az-2] "Azərbaycan futbolunda daha bir məşqçi istefaya göndərildi". 20 mart 2024 tarixində arxivləşdirilib. İstifadə tarixi: 20 mart 2024.

[Milli.az-3] "Şəmkirin eyniadlı komandası hazırlığını davam etdirir". 20 mart 2024 tarixində arxivləşdirilib. İstifadə tarixi: 20 mart 2024.

[Azerisport.com-4] Kamran Əlibabayev: Kubok oyununa ciddi hazırlaşmışdıq

[Allsport.az-5] "Qəhrəman Əliyev "Şəmkir"dən istefa verib". 20 mart 2024 tarixində arxivləşdirilib. İstifadə tarixi: 20 mart 2024.

[qol.az-6] "Badri Kvaratsxeliya rəsmən "Şəmkir"də". 20 mart 2024 tarixində arxivləşdirilib. İstifadə tarixi: 20 mart 2024.

[7] Reytinqə sözardı, yaxud "Neftçi" "Qarabağ"ı necə keçdi? Arxivləşdirilib 2022-02-18 at the Wayback Machine (az.) apasport.az tarixi:2010.11.27

[8] "15 iyun 2004 -cü il | Azərbaycan Respublikası Şəmkir Rayon İcra Hakimiyyəti". shamkir-ih.gov.az. İstifadə tarixi: 7 dekabr 2025.

[1]

[2]

[3]

[4]

[5]

[6]

[7]

[8]

Azərbaycan klubları UEFA turnirlərində
UEFA Çempionlar Liqasında	Qarabağ (9) • Neftçi (6) • Kəpəz (2) • Şəmkir (2) • Bakı (2) • İnter (2) • Xəzər-Lənkəran (1)
UEFA Avropa Liqasında	Qarabağ (5) • Xəzər-Lənkəran (4) • İnter (4) • Bakı (3) • Neftçi (2) • Simurq (1) • AZAL (1) • Qəbələ (1)
UEFA İntertoto Kubokunda	Viləş (2) • Neftçi (1) • Bakı Fəhləsi (1) • Qarabağ (1) • Xəzər Universiteti (1) • Bakı (1) • Karvan (1) • MKT-Araz (1)
UEFA Kubokunda	Neftçi (5) • Qarabağ (3) • Kəpəz (2) • Bakı (2) • Şəmkir (2) • Xəzər-Lənkəran (2) • Turan Tovuz FK (1) • Xəzri (1) • Şəfa (1) • Karvan (1) • MKT-Araz (1) • Olimpik (1)
UEFA Kuboklar Kubokunda	Qarabağ (2) • Neftçi (1) • Kəpəz (1)