Gəncə şəhər stadionu

Gəncə Şəhər Stadionu
Gəncə Şəhər Stadionu
Tam adı	Gəncə Şəhər Mərkəzi Stadionu
Qeyri-rəsmi adı	Kəpəz Stadionu
Yeri	Gəncə,Kəpəz rayonu
Təməli qoyulub	1960
Açılış tarixi	1963-cü il
Sahibi	Kəpəz PFK
Tamaşaçı tutumu	27,000
Ev sahibi komanda	Kəpəz PFK
Meydançanın ölçüləri	68×105
Ot örtüyü	Təbii ot

40°42′22″ şm. e. 46°21′43″ ş. u.

Gəncə şəhər stadionu — Azərbaycanın Gəncə şəhərində stadion, tutumu 27 000 tamaşaçıdır. Gəncənin "Kəpəz" klubu ev oyunlarını burada keçirir^[1]. Bu stadion Azərbaycanın ən böyük klub stadionudur. Burada bir sıra məşhur oyunlar keçirilib. Azərbaycan çempionatinda qeydə alınmış ən yüksək azarkeş göstəricilərinin hamısı məhz bu stadionda qeydə alınıb.

Tarixi[redaktə | əsas redaktə]

Stadion 1959-cu ildə tikilərək istifadəyə verililib.^[2] Arena “Dinamo” Kirovabad klubunun 1967-ci ildə SSRİ çempionatının yüksək liqasına çıxması ilə genişləndirilib. 2018-ci ildə Gəncə şəhər stadionu təmir üçün Dövlət Proqramına salınıb.^[3] Yenidənqurma işlərinin 2019-2020-ci illərdə görülməsi planlaşdırılır.^[4] Azərbaycan Premyer-liqasının 2015/2016-cı il mövsümündə tamaşaçı sayında rekord vuran “Kəpəz” futbol klubunun çempionat ərzində 18 ev oyununu Gəncə şəhər stadionundan 240 min 650 azarkeş izləyib. Ən çox tamaşaçı 2016-cı il fevralın 14-də XXI turda keçirilən “Kəpəz”–“Qarabağ” görüşündə qeydə alınıb – 20 min 400 tamaşaçı.^[5]