Energetik Mingəçevir FK
| Energetik Mingəçevir FK | |
|---|---|
| Klubun tam adı | Energetik Futbol Klubu Mingəçevir |
| Ölkə | |
| Ləqəb(lər) | Energetiklər |
| Rəng(lər) | göy-ağ |
| Yaranma tarixi | 1966) |
| Stadionu | Yaşar Məmmədzadə adına stadion |
| Tutumu | 5000 |
| Prezidenti | Ruslan Həmidov |
| Baş məşqçisi | Zaur Qarayev |
| Liqa | Region Liqası |
| 2018-19 | 1/4 Final |
 Vikianbarda əlaqəli mediafayllar | |
Energetik — Azərbaycan futbol klubu. Energetik Futbol Klubu 1966-cı ildə Mingəçevir şəhərində yaranmışdır. Müxtəlif vaxtlarda "Avtomobolist", "Toxucu", "Kür-Nur" adları ilə 7 dəfə futbol üzrə Azərbaycan çempionatının elitasında iştirak etmişdir.Region liqası 2017/18 mövsümünün finalçısıdır. Komandanın prezidenti Ruslan Həmidovdur.
Tarixi[redaktə | mənbəni redaktə et]
Klub 1966-cı ildə qurulmuş və Sovet İttifaqı İkinci Liqasında və Azərbaycan Premyer Liqasında Textilshchik (Toxucu) ( 1966–70 ), Avtomobilist (Avtomobilçi) (1980–87), Kür (1990–93), Kür-Nur (1993–98 ) kimi növbəti adlarda iştirak etmişdir. ). Klub 2003-04 mövsümünün əvvəlində yenidən bərpa edildi və Mingəçevir SES-ə məxsus Energetik FK adlandırıldı .
2017-ci ildə klub mailiyyə problemləri ilə əlaqədar yeni yaradılan Region Liqasında oynamağa başladı. İlk mövsümdə Region Liqasının gümüş medallarını qazandı. 2019-cu ildə isə komanda 1/4 finalda mübarizəni dayandırdı.
Sponsorluq[redaktə | mənbəni redaktə et]
Energetik FK-un sponsoru 2003-cü ildən Azenco şirkəti idi. Lakin 2019-cu ilin iyun ayında Azenco ilə sponsorluq dayandırıldı.
Rəngləri[redaktə | mənbəni redaktə et]
Komandanın rəngləri yaranandan bəri ənənəvi rəng olan göy-ağ rənglərdir
Fan-klubu[redaktə | mənbəni redaktə et]
Energetik FK böyük azarkeş kütləsinə malik komandadır. 2018-ci ildə qurulan "Zona45" Azad Azarkeş Qrupu komandanın rəsmi fan klubudur.
Uğurları[redaktə | mənbəni redaktə et]
- Azərbaycan Kuboku:
- Finalçı (2) - 1992, 1994/1995
- Azərbaycan Region Liqası:
- Finalçı (1) - 2017/2018
Liqa və Kuboklarda[redaktə | mənbəni redaktə et]
| Mövsüm | Liqa | Yer | O | Q | H | M | VQ | BQ | Xal | Azərbaycan Kuboku |
|---|---|---|---|---|---|---|---|---|---|---|
| 1992 | 1st | 7 | 36 | 19 | 3 | 14 | 50 | 39 | 41 | Finalçı |
| 1993 | 1st | 6 | 18 | 6 | 6 | 6 | 21 | 25 | 18 | 1/8 final |
| 1993–94 | 1st | 5 | 30 | 13 | 7 | 10 | 36 | 33 | 33 | 1/8 final |
| 1994–95 | 1st | 5 | 24 | 13 | 2 | 9 | 40 | 24 | 28 | Finalçı |
| 1995–96 | 1st | 6 | 20 | 1 | 4 | 15 | 12 | 46 | 7 | 1/8 final |
| 1996–97 | 1st | 13 | 30 | 7 | 4 | 19 | 30 | 59 | 25 | 1/8 final |
| 1997–98 | 1st | 11 | 26 | 8 | 3 | 15 | 26 | 36 | 27 | 1/2 final |
| 2003–04 | 2nd | 4 | 14 | 9 | 1 | 4 | 26 | 9 | 28 | 1/8 final |
| 2004–05 | 2nd | 2 | 14 | 10 | 1 | 3 | 34 | 13 | 31 | 1/16 final |
| 2005–06 | 2nd | 10 | 30 | 10 | 5 | 15 | 41 | 52 | 35 | 1/16 final |
| 2006–07 | 2nd | 7 | 20 | 7 | 4 | 9 | 28 | 37 | 25 | 1/16 final |
| 2007–08 | 2nd | 6 | 15 | 4 | 3 | 8 | 19 | 25 | 15 | 1/16 final |
| 2008–09 | 2nd | 4 | 28 | 14 | 8 | 6 | 51 | 29 | 50 | 1/16 final |
| 2009–10 | 2nd | 10 | 22 | 3 | 6 | 13 | 24 | 51 | 15 | İştirak etməyib |
| 2010–11 | 2nd | 13 | 26 | 3 | 6 | 17 | 14 | 52 | 15 | İştirak etməyib |
| 2011–12 | 2nd | 12 | 26 | 6 | 7 | 13 | 21 | 45 | 25 | İştirak etməyib |
| 2012-13 | 2nd | 10 | 24 | 5 | 5 | 15 | 26 | 52 | 19 | İştirak etməyib |
| 2013–14 | 2nd | 15 | 30 | 2 | 5 | 23 | 11 | 92 | 11 | İştirak etməyib |
| 2014–15 | 2nd | 14 | 30 | 5 | 3 | 22 | 24 | 82 | 18 | İştirak etməyib |
| 2015–16 | 2nd | 13 | 26 | 4 | 3 | 19 | 14 | 100 | 15 | İştirak etməyib |
| 2016–17 | 2nd | 11 | 26 | 5 | 5 | 16 | 25 | 86 | 20 | İştirak etməyib |
| 2017–18 | RL | 2 | 15 | 8 | 3 | 4 | 24 | 18 | 27 | İştirak etməyib |
Emblemi[redaktə | mənbəni redaktə et]
"Energetik" FK fəaliyyət illəri ərzində loqosunu çox dəyişməmişdir. 1966-dan 1992-ci ilə qədər komanda emblemdən istifadə etməyib. Komandanın ilk emblemi Kür Mingəçevir FK vaxtına təsadüf edir. Emblemdə Kür çayının dalğaları əks olunmuşdur. 1993-cü ildə klubun adı Kür-Nur olduqdan sonra isə komanda loqosunu dəyişdirdi. Emblemdə Soldan "KÜR", Sağdan isə "NUR" ifadələri aşağıya doğru paralel olaraq kəsişir. Aşağı tərəfdə "Futbol Klubu" ifadəsinin qısaltması olan"F" və "K" hərfləri vardır. Emblemin üzərində isə Azərbaycan bayrağı əks olunmuşdur. Komandanın adı Energetik olduqdan sonra ilk loqosu 2015-ci ildən 2020-ci ilə kimi istifadə edilmişdir. Emblemin üzərində Azərbaycan bayrağı Klubun və şəhərin adı, yaranma tarixi və Mingəçevirin rəmzi olan ay-ulduz və lampa simvolu vardır. 2020-ci ilin iyul ayında Energetik FK yeni loqosunu təqdim etdi. Yeni emblemdə əsas yenilik Mingəçevirin və Energetikanın rəmzi olan Enerji cərəyanı qülləsidir. Bununla bərabər loqoda klubun və şəhərin adı, yaranma tarixi yazılmışdır. Ortada klubun göy-ağ bayrağı təsvir edilmişdir. Loqo Göy-Ağ rənglərdədir.
İstinadlar[redaktə | mənbəni redaktə et]
 | |
|---|---|
| Komandalar | |
| Mövsüm | |