Neftçi PFK muzeyi

Vikipediya, azad ensiklopediya
Jump to navigation Jump to search
Neftçi PFK muzeyi
Neftcimuzeyi.jpg
Açılış tarixi Bakı, Azərbaycan
Mövzu İdman muzeyi
Kolleksiyası 40-dan çox
İş rejimi Bazar ertəsi – Cümə 10:00 – 18:00,
Şənbə 10:00 – 15:00

Neftçi PFK muzeyi Azərbaycanın ən böyük futbol komandası sayılan "Neftçi" klubunun titullarını və tarixini özündə əks etdirən idman muzeyidir.

Tarixi[redaktə | əsas redaktə]

Klubun 80 illik yubiley tədbiri çərçivəsində 2017-ci ilin aprelin 22-də muzey və fanşopun açılış mərasimi keçirilmiş və mayın 1-dən etibarən ictimaiyyətin ixtiyarına verilmişdir. Muzey "Neftçi" klubunun ev oyunlarını keçirdiyi Bakcell Arena stadionun birinci mərtəbəsində yerləşir. Muzeydə sərgilənən eksponatların sayı 40-dan çoxdur. Muzeyin açılışında klubun prezidenti Çingiz Abdullayev, rəhbərliyi, veteranlar, AFFA-nın prezidenti Rövnəq Abdullayev, AFFA-nın baş katibi Elxan Məmmədov, Peşəkar Futbol Liqasının prezidenti Ramin Musayevfutbol ictimaiyyətinin nümayəndələri iştirak ediblər.[1]

Ekspozisiya[redaktə | əsas redaktə]

Muzey 2 otaqdan ibarətdir. Muzeyi ziyarət edənlər ilk otaqda komandanın yaranma tarixi ilə tanış ola bilərlər. Bundan savayı müxtəlif dövrlər haqda məlumatlar, klubun prezidentləri, 16 ən yaxşı futbolçu haqda məlumat, klubun tarixində rekord vurmuş futbolçuların adları, statistik göstəricilər və klubun müxtəlif dövrlərə aid loqoları əks edilmişdir.[2] Bundan başqa, Azərbaycan futbol tarixində ilk dəfə Avropa miqyaslı turnirin qrup mərhələsinə vəsiqə qazanmış klubun Avropa Liqasındakı rəqiblərinin rəmzləri sərgilənir. [3]

İkinci otaqda isə klubun SSRİ çempionatlarında geyindiyi formalar, müstəqillik dövründə qazanılmış kuboklar sərgilənir.[4] Sərgilənən kubokların arasında "Neftçi"nin 2006-cı ildə MDB və Baltikyani ölkələr arasında keçirilən Birlik Kuboku yarışında qazandığı kubok da nümayiş edilir. 1966-cı ilə aid stenddə isə komandanın SSRİ çempionatında qazandığı bürünc medal, 1966-cı il futbol üzrə SSRİ çempionatında klubun istifadə etdiyi top, yekun turnir cədvəli həmçinin həmin mövsüm mükafatlara layiq görülmüş əfsanəvi heyət haqqında məlumatlar sərgilənir. Bundan əlavə burada klubun yarandığı ilk dövrlərdə istifadə etdiyi dəri top və butslarda sərgilənir.

Həmçinin muzeyin tərkibində klubun fan-şopu fəaliyyət göstərir.[5]

İstinadlar[redaktə | əsas redaktə]

  1. Neftçi" PFK-nın muzey və fanşopunun təntənəli açılış mərasimi keçirilib (FOTOLAR)// “neftchipfk.com”
  2. Forza “Neftçi”: Qocaman klubun muzeyinə virtual səyahət// “sputnik.az”
  3. “Neftçi” klubunun muzeyi və azarkeş mağazası açılıb// “allsport.az”
  4. "Neftçi"nin muzeyinin və fanşopunun açılışı oldu - FOTOLAR// “goal.az”
  5. “Neftçi” futbol klubunun muzey və fanşopunun açılış mərasimi keçirilib - FOTO// “report.az”