Nazim Süleymanov

Nazim Süleymanov
Ümumi məlumatlar
Tam adı	Nazim Hacıbaba oğlu Süleymanov
Doğum tarixi	17 fevral 1965
Doğum yeri	Sumqayıt, Azərbaycan SSR, SSRİ
Vətəndaşlığı	SSRİ Azərbaycan
Boyu	180 sm
Çəkisi	76 kq
Mövqeyi	hücumçu
Karyerası
Gənclik karyerası 1982 Avtomobilçi Mingəçevir 1982 Neftçi Bakı 177 Klub karyerası 1983—1990 Neftçi Bakı 177 (27) 1990 Spartak Moskva 0 (0) 1991—1996 Alaniya Vladiqafqaz 142 (60) 1997—1998 Jemçujina-Soçi 36 (3) 2000 Jemçujina-Soçi 31 (10) 1983—2000 Cəmi 386 (100) Milli yığma 1992—1998 Azərbaycan 24 (5) Məşqçisi olduğu klublar 2002 Jemçujina-Soçi 2004 Xəzər-Lənkəran 2007 Azərbaycan (məşqçi-seleksioner) 2009—2011 Olimpik-Şüvəlan 2012–2013 Azərbaycan (məşqçi) 2013 Neftçi Bakı
Vikianbarda əlaqəli mediafayllar

Süleymanov Nazim Hacıbaba oğlu — azərbaycanlı futbolçu, futbol məşqçisi.

Həyatı

Nazim Süleymanov 1965-ci il fevralın 17-də Sumqayıt şəhərində anadan olub. 8-9 yaşlarından "Neftçi"nin Sumqayıtdakı akademiyasında futbola başlayan Nazim 17 yaşında "Neftçi İSM"in komandasında debüt edir.

İstedadlı futbolçu mütəxəssislərin diqqətini cəlb edir və SSRİ çempionatının ikinci liqasının 9-cu zonasında yarışan Avtomobilçi (Mingəçevir) klubunun heyətinə cəlb olunur. İnamlı oyunu ilə seçilən Nazim Azərbaycanın birinci komandası Neftçi klubuna dəvət alır. Bakı təmsilçisinin heyətində minlərlə futbolsevərin rəğbətini qazanan Nazim Süleymanovun adı indi də sevilərək səslənir.

Nazim Süleymanovun karyerasının ən uğurlu illəri Rusiya çempionatında çıxışı ilə bağlıdır. 1996-cı ildə Alaniya Vladiqafqaz ilə Rusiya çempionu titulunu qazanan Nazim Süleymanov eyni zamanda Rusiya çempionatının ən sərrast futbolçusu kimi tarixə düşür. Bu unudulmaz futbolçunun karyerasında Spartak Moskva, Jemçujina-Soçi kimi klubların adı var.

Oyunçu karyerasının bitirən Nazim Süleymanov məqşçilik fəaliyyətinə start verir. Rusiya çempionatında yarışan Jemçujina-Soçi klubunun əvəzedici heyətinin məşqçisi təyin olunun Nazim Süleymanovun komandası "Cənub" çempionatında 9-cu yerdə qərarlaşır. Növbəti il Vətənə dönən Süleymanov yenicə yaranmış Xəzər-Lənkəran klubuna baş məşqçi təyin olunur. Bir mövsüm bu komandanı çalışdıran mütəxəssis müvəqqəti olaraq Azərbaycan milli komandasına baş məşqçi təyin olunur. Nazim Süleymanovun daha sonra çalışdığı məkan Bakı futbol klubudur. O, həmin klubun gənclər komandasını çalışdırmışdır.

Maraqlı faktlar

Nazim Süleymanov tək futbolda deyil, eyni zamanda güləşdə də uğur qazanıb. O, sərbəst güləş üzrə Mingəçevir çempionu titulunun sahibidir.

Barəsində

• 50 illik yubileyi ilə bağlı 16 aprel 2015-ci ildə Bakıda Varisin müəllifliyi ilə çap edilən "Bitməyən matç" kitabının təqdimat mərasimi keçirilmişdir.