Yuri Kuznetsov

Vikipediya, açıq ensiklopediya
Jump to navigation Jump to search
Yuri Kuznetsov
Ümumi məlumatlar
Ləqəbi Ötürmə kralı
Doğum tarixi 2 avqust 1931(1931-08-02)
Doğum yeri
Vəfat tarixi 4 mart 2016(2016-03-04) (84 yaşında)
Vəfat yeri
Vətəndaşlıq
Mövqeyi hücumçu
Karyerası

Yuri Kuznetsov — tanınmış azərbaycanlı futbolçu

Həyatı[redaktə | əsas redaktə]

2 avqust 1931-ci ildə Bakıda anadan olub.

Karyerası[redaktə | əsas redaktə]

Klub karyerası[redaktə | əsas redaktə]

Kuznetsov "Neftçi"nin heyətində (1952-55, 1960-64) 177 oyunda 71 qol vurub. 1955-60-cı illərdə Moskva "Dinamo"sunda oynayaraq, əsas titullarını burada qazanıb. Moskva "Dinamo"sunda hücumçu 3 dəfə (1955, 57 və 59-cu illərdə) SSRİ çempionu olub. Kuznetsov son çempionluğu qazandığı ildə cəmi 6 oyun keçirərək 5 qol vursa da, həmin çempionatının ən yaxşı mərkəz hücumçusu seçilib. 2 dəfə SSRİ-nin 33 ən yaxşı komandasına da "Dinamo"dan düşüb - 1955 və 59-cu illərdə. Ancaq zədə üzündən Moskva klubunda 5 ildə cəmi 22 oyunda meydana çıxan, 13 qol vuran Kuznetsov vətənə qayıtmalı olur. 1960-cı ildə "Neftçi"yə dönən futbolçu karyerasını orada bitirib.

Millidəki karyerası[redaktə | əsas redaktə]

"Ötürmə kralı" adı verilən Kuznetsov SSRİ yığmasına düşməsi ilə Azərbaycan futbolu tarixində ilkə imza atıb. Məsələ ondadır ki, 1955-ci ilin fevralında Hindistan yığması ilə 2 yoldaşlıq görüşünə çağırılan Kuznetsov I liqadan milliyə çağırılan ilk oyunçu kimi adını SSRİ futbol tarixinə də yazdırıb. Həmin vaxt "Neftçi" aşağı divizionda oynayırdı və hücumçu 1955-ci ilin avqust-sentyabrında SSRİ yığmasının heyətində 3 rəsmi oyunda meydana çıxıb və 3 qol vurub. Kuznetsov həm millidə, həm də "Neftçi"də həmyerlisi Ələkbər Məmmədovla gözəl tandem təşkil edib.

Məşqçilik karyerası[redaktə | əsas redaktə]

Kuznetsovun məşqçilik karyerasında da "Dinamo" və "Neftçi" əsas yer alıb. Həmyerlimiz 1966-69, 1977-78-ci illərdə "Dinamo"nun məşqçisi, 1988-ci ildə "Neftçi"nin baş məşqçisi olub. Keçmiş hücumçu həmçinin Polşanın "Qvardiya" (1970-71) klubunu çalışdırıb.

Titulları[redaktə | əsas redaktə]

1962-ci ildə SSRİ-in əməkdar udman ustası adını alıb, Azərbaycanın 70 ildə rəmzi yığmasına düşüb.

Mənbə[redaktə | əsas redaktə]