Roberto Bordin

Vikipediya, azad ensiklopediya
Naviqasiyaya keçin Axtarışa keçin
Roberto Bordin
Ümumi məlumatlar
Doğum tarixi 10 yanvar 1965(1965-01-10)[1] (59 yaş)
Doğum yeri
Vətəndaşlığı İtaliya İtaliya
Boyu 172
Çəkisi 77 kq
Mövqeyi Yarımmüdafiəçi
Klub haqqında məlumat
Klub Moldova
Vəzifəsi Baş məşqçi
Karyerası
}}
Klub karyerası[* 1]
1982—1984 İtaliya Sanremese 42 (3)
1984—1985 İtaliya Taranto 33 (1)
1985—1986 İtaliya Parma 29 (1)
1986—1989 İtaliya Çezena 91 (9)
1989—1993 İtaliya Atalanta 122 (5)
1993—1997 İtaliya Napoli 108 (0)
1997—1998 İtaliya Pyaçenza 21 (0)
1998—1999 İtaliya Triestina 32 (1)
1999—2002 İtaliya Spezia 94 (9)
2002—2003 İtaliya Viçentsa 31 (0)
2003—2005 İtaliya Spezia 63 (5)
Məşqçisi olduğu klublar
2005—2006 İtaliya Bolonya assistent
2006—2007 İtaliya Padova assistent
2007 İtaliya Siena assistent
2008—2009 İtaliya Sassuolo assistent
2009—2010 Rumıniya ÇFR assistent
2010—2015 İtaliya Hellas Verona assistent
2016 İtaliya Triestina
2016—2018 Moldova Şerif
2018—2020 Azərbaycan Neftçi

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

Roberto Bordin (it. Roberto Bordin; 10 yanvar 1965[1], Zəviyyə) — Liviyada anadan olmuş italiyalı keçmiş futbolçu və məşqçi. Azərbaycanın Neftçi futbol klubunun keçmiş baş məşqçisi[2].

Karyerası[redaktə | mənbəni redaktə et]

Liviyada bir italyan ailəsində anadan olmuşdur. Futbolçu karyerasına İtaliyanın şimal-qərbində yerləşən San-Remo təmsilçisi "Sanremense" komandasında başlamışdır. Bu komandadan ayrıldıqdan sonra "Taranto" və "Parma" klublarında İtaliyanın aşağı liqalarında çıxış etmişdir. Daha sonra İtaliya A Seriyasında mübarizə aparan "Çezena" və "Atalanta" klublarının heyətində oynamışdır. Ardınca müxtəlif illər ərzində "Napoli", "Pyaçenza", "Triestina", "Spezia" və "Viçentsa" klublarında çıxış etmişdir. Bir müddət Marçelo Lippinin də rəhbərlik etdiyi "Napoli"də futbolçu karyerasının ən yaxşı illərini keçirmişdir[3]. Məhz bu klubun heyətində 1996-97 mövsümü İtaliya Kubokunun gümüş mükafatçısı olmuşdur. Təcrübəli futbolçu kimi əsas ampulası yarımmüdafiəçi olaraq oynamaq olsada müəyyən zamanlarda müdafiəçi kimi çıxış etmişdir. 40 yaşına qədər yaşıl meydanlarda top qovan Bordin 2005-ci ildə futbolçu karyerasına son klubu olan "Spezia"da vida etmişdir.

Bordin futbolçu karyerasını bitirdikdən sonra Andrea Mandorlininin məşqçilər heyətinə daxil oldu. 10 il bu heyətin tərkibində olan Bordin 6 müxtəlif klubda köməkçi məşqçi olaraq çalışmışdır. Məhz bu heyət "ÇFR Kluj"a 2009-10 sezonunda futbol üzrə Rumıniya çempionatında 2-ci çempionluğunu qazandırmışdır.

2016-cı ilin martından etibarən Roberto Bordin "Triestina" klubunda müstəqil məşqçilik karyerasına başladı. 7 ay sonra isə Moldova klubu "Şerif"in baş məşqçisi təyin olundu[4]. Bordin ilk mövsümündəcə komandanın ölkə çempionu adını qaytarmaqla kifayətlənməyərək, Şerif"lə üstəlik Moldova Kuboku və Moldova Super Kubokunu qazandı. "Şerif"lə UEFA Avropa Liqasının UEFA Avropa Liqası 2017/2018 sezonunda qrup mərhələsində mübarizə aparıb, qrupda 3-cü yeri tutmasına baxmayaraq sezonun sonunda "Şerif"ə ardıcıl 2-ci çempionluğunu yaşattı. 2018-ci il aprelin 24-də ailə vəziyyətinə görə "Şerif"in baş məşqçisi postundan istefa verdi[5].

8 iyun 2018-ci ildə Bakının "Neftçi" klubu italiyalı mütəxəssislə iki illik müqavilə imzaladığını açıqladı. 2020-ci ilin yanvar ayında "Neftçi" Roberto Bordini istefaya göndərib.

Nailiyyətləri[redaktə | mənbəni redaktə et]

Futbolçu[redaktə | mənbəni redaktə et]

Məşqçi[redaktə | mənbəni redaktə et]

  • Rumıniya çempionu (1): 2009/10 (köməkçi qismində)
  • Moldova çempionu (2): 2016/17, 2017
  • Moldova kubokunun qalibi: 2016/17
  • Moldova Superkubokunun qalibi: 2017

Şəxsi[redaktə | mənbəni redaktə et]

  • Qızıl Skamya mükafatı (İtaliya) (1): 2017[6]

Maraqlı faktlar[redaktə | mənbəni redaktə et]

Bordin 12 noyabr 1992-ci ildə İspaniya "Deportivo La-Korunya"ya qarşı "Milan" üçün yoldaşlıq görüşü keçirmişdir[7].

İstinadlar[redaktə | mənbəni redaktə et]

  1. 1,0 1,1 Roberto Bordin // Transfermarkt (çd.). 2000.
  2. "Arxivlənmiş surət". 2020-09-29 tarixində arxivləşdirilib. İstifadə tarixi: 2018-06-20.
  3. Новый главный тренер — Роберто Бордин Arxivləşdirilib 2016-10-05 at the Wayback Machine  (rus.)
  4. "Бывший тренер «Вероны» возглавил «Шериф»". Sports.ru (rus). 2017-11-07 tarixində arxivləşdirilib. İstifadə tarixi: 2018-04-24.
  5. "Grazie, Mister". Şerif FK | Rəsmi sayt. 2018-04-25 tarixində arxivləşdirilib. İstifadə tarixi: 2018-04-24.  (rus.)
  6. "Роберто Бордин признан одним из пяти лучших итальянских тренеров 2017 года". moldfootball.com. 2018-03-27 tarixində arxivləşdirilib. İstifadə tarixi: 2018-03-27.  (rus.)
  7. Roberto Bordin — Maglia Rossonera Arxivləşdirilib 2020-10-17 at the Wayback Machine  (ital.)