Naxçıvan türk liseyləri

Vikipediya, açıq ensiklopediya
Keçid et: naviqasiya, axtar

Naxçıvan Türk Liseyləri — Naxçıvan MR Təhsil Nazirliyi və "Zaman Öyrətim" təhsil şirkəti nəznində fəaliyyət göstərən müəssisə. Dünyada Türkiyə hüdudları xaricində açılmış ilk türk liseyi. 1991-ci ildə Heydər Əliyevin imzası ilə fəaliyyətə başlamışdır.

Naxçıvan MR-da 3 filialı - Naxçıvan Türk Liseyi, Akademik Ə.Mahmudov adına Şərur Türk Liseyi və Ordubad Qız Liseyi fəaliyyət göstərir. Liseylərə qəbul imtahanında iştirak etmək üçün 6-cı sinfi bitirmiş hər bir şagird müraciət edə bilər. Tədris dili Azərbaycan dilidir və xarici dil kimi məcburi olaraq ingilis və türk dilləri tədris olunur. Tədris mərhələsində həm Türkiyədən həm də Azərbaycandan olan müəllimlər iştirak edir.

Təhsil ödənişlidir və müəyyən hallarda lisey rəhbərliyinin göstərişi ilə güzəşt olunur. 2013-2014 tədris ili üçün illik qiymət 1200 AZN təşkil edir.

Kampus[redaktə | əsas redaktə]

Lisey kampusu 2 ədəd 4 mərtəbəli tədris binası, 3 mərtəbəli yataqxana və idman zalından ibarətdir. Tədris otaqları komputerlərlə və projektorlarla təmin olunub və müasir təhsil standartlarına tam cavab verir. Kampus 24 saat lisey rəhbərliyi tərəfindən kameralarla nəzarət altında saxlanır.

Kampusda çox sərfəli qiymətlərlə yataqxana fəaliyyət göstərir ki, bu da kənar rayonlardan gələn şagirdlərin yerlə təminatı problemini tam aradan qaldırır. Yataqxananın verdiyi xidmətlərə gündə 3 dəfə yemək, camaşırxanadan və video odaqlarından istifadə və s. də daxildir. İllik qiymət 200 AZN-dir.

Uğurlar[redaktə | əsas redaktə]

Məktəbin şagirdləri hər il beynəlxalq fənn olimpiadalarında və idman turnirlərində çıxış edirlər. Bu tədbirlərdə indiyədək yarıya yaxını qızıl olmaqla toplamda 300-dən artıq medal qazanılmışdır. Medalların əksəriyyəti riyaziyyat, fizika, kimya və bu fənlər üzrə olan müvafiq layihə olimpiyadalarında qazanılmışdır. 2009-cu ildə Türkdilli ölkələrin Naxçıvan sammiti zamanı Türkiyə Respublikası prezidenti Abdullah Gül liseyi ziyarət etmiş və keçirilən tədbirdə həmin il uğur qazanmış lisey şagirdlərini şəxsən mükafatlandırmışdır.

TQDK-nın statistikalarına əsasən son illərdə qəbul faizi və orta balına görə Azərbaycanın ən yaxşı 3 məktəbindən biridir.

Liseylərə qəbul[redaktə | əsas redaktə]

Liseylərə qəbul test imtahanı vasitəsilə aparılır. İmtahan riyaziyyat, məntiq və ana dili fənlərinə dair 100 sualdan ibarətdir. Qəbul imtahanlarında maksimum nəticə 2008-ci ildə qeydə alınmışdır.

İdman[redaktə | əsas redaktə]

Məktəbin "NTL-Maxxis" Peşəkar Basketbol Klubu Azərbaycan Yüksək Basketbol Liqasında mübarizə aparır. Bundan əlavə məktəbin futbol, voleybol, tennis, şahmat klubları da fəaliyyət göstərir

Liseylərin fəaliyyəti, Azərbaycanda bütün digər türk məktəbləri kimi, 2014-cü ilin avqust ayında dayandırılmışdır.

Xarici keçidlər[redaktə | əsas redaktə]