Qərbi Kaspi Universiteti

Vikipediya, azad ensiklopediya
Jump to navigation Jump to search
Qərbi Kaspi Universiteti
Western Caspian Univercity.jpeg
Şüar Uğurlu karyeranın təməli
Əsası qoyulub 1991
Tələbə sayı 5000
Şəhər BakıCoat of arms of Baku.svg Bakı
Ölkə
Ünvan Azərbaycan, Bakı
Universitet şəhərciyi İstiqlaliyyət 27, Bakı, Azərbaycan
İdman http://wu.edu.az//az/TU/sports/

Qərbi Kaspi UniversitetiAzərbaycan Respublikasının Bakı şəhərində fəaliyyət göstərən özəl ali təhsil müəssisəsi. [1].

Tarixi[redaktə | mənbəni redaktə et]

Azərbaycanın ilk özəl ali təhsil müəssisələrindən biri olan Qərbi Kaspi Universitetinin əsası 1991-ci ildə Qərb Universiteti adı ilə qoyulmuşdur.

2017-ci ildən adı dəyişdirilərək Qərbi Kaspi Universiteti olmuşdur[2]. 2021-ci ildə dünya universitetlərinin Birləşmiş Millətlər Təşkilatının Dayanaqlı İnkişaf Məqsədinə adekvat fəaliyyəti və bunun cəmiyyətə təsirini ölçən reytinqdə Qərbi Kaspi Universiteti 1240-dək dünya universiteti arasında 601+ yerdə qərarlaşıb. Universitet ən yaxşı nəticəni xüsusilə 5 məqsəd üzrə əldə edib və bu istiqamətlərdə dünyanın ən yaxşı 201-300 universitetindən biri olub.

Tərkibi[redaktə | mənbəni redaktə et]

Yüksək Texnologiyalar və İnnovativ Mühəndislik Məktəbi[redaktə | mənbəni redaktə et]

Yüksək Texnologiyalar və İnnovativ Mühəndislik məktəbi kafedra şəklində 1991-ci ildə "Riyaziyyat və Kompüter texnologiyaları" adı ilə fəaliyyətə başlamışdır.

Kafedra öz fəaliyyəti dövründə İnformatika və hesablama texnikası istiqaməti üzrə, İnformasiya texnologiyaları və sistemləri mühəndisliyi və Kompüter mühəndisliyi ixtisasları üzrə mütəxəssislər hazırlamışdır. 2017-ci ildən isə kafedra Yüksək Texnologiyalar və İnnovativ Mühəndislik Məktəbinə çevrilmişdir.

Dizayn və Memarlıq Məktəbi[redaktə | mənbəni redaktə et]

2017-ci ildə Qərbi Kaspi Universitetində Dizayn və Memarlıq məktəbi yaradıldı. Bu məktəb 1996-cı ildən fəaliyyət göstərən Dizayn fakültəsinin bazasında təşkil edildi.

İqtisadiyyat Məktəbi[redaktə | mənbəni redaktə et]

Bu struktur üzrə istiqamətlər Qərbi Kaspi Universiteti yarandığı gündən fəaliyyət göstərir. Məktəbin nəzdində "İqtisadiyyat", "Maliyyə və mühasibat uçotu", "Menecment", və "Əmtəəşünaslıq və ekspertiza" adlı kürsülər (kafedralar) fəaliyyət göstərir.

Biznes Məktəbi[redaktə | mənbəni redaktə et]

Biznes məktəbinin müəllim heyəti 7 nəfər elmlər doktoru, 21 nəfər fəlsəfə doktoru, 12 nəfər isə ABŞ, Böyük Britaniya, Almaniya, Rusiya, Türkiyə və başqa xarici ölkələrdə təhsil almış, xalq təsərrüfatının aparıcı sahələrində çalışan mütəxəssislərdən ibarətdir. Bununla yanaşı xarici ölkələrin aparıcı ali təhsil ocaqlarından dəvət olunmuş professor-müəllimlər tədris prosesinə cəlb olunurlar.

Filologiya və Tərcümə Məktəbi[redaktə | mənbəni redaktə et]

Fakültə 1996-cı ildən "Qərb dilləri" fakültəsi adı ilə fəaliyyətə başlayıb. Fakültədə Filologiya (ingilis dili və ədəbiyyatı), Tərcümə (ingilis, alman, fransız) ixtisasları üzrə mütəxəssis hazırlığı aparılıb. 2017-ci ildən fakültə Filologiya və Tərcümə Məktəbi kimi fəaliyyətini davam etdirir.

Fakültədə ümumilikdə 9 dil tədris olunur: Azərbaycan, ingilis, alman, fransız, rus, latın, çin, ispan, fin dilləri.

Siyasi və İctimai Elmlər Məktəbi[redaktə | mənbəni redaktə et]

Siyasi elmlər fakültəsi Qərbi Kaspi Universiteti yarandığı ilk gündən onun tədris, elm və inzibati bölməsi olub, yüksək ixtisaslı kadr hazırlığı istiqamətində "Politologiya", "Psixologiya", "Regionşünaslıq", "Beynəlxalq jurnalistika", "Beynəlxalq hüquq", "Beynəlxalq münasibətlər" və s. ixtisasları üzrə bakalavr və ali təhsilin magistratura səviyyəsində kadrların hazırlanmasına rəhbərlik etmişdir.

Laboratoriya[redaktə | mənbəni redaktə et]

Qərbi Kaspi Universiteti müasir və unikal laboratoriyalar və mərkəzlərlə təchiz olunub.

  • Fizika və elektronika laboratoriyası

Mərkəzlər[redaktə | mənbəni redaktə et]

  • Geomatika Mərkəzi
  • Dillər Mərkəzi

Texnopark[redaktə | mənbəni redaktə et]

Universitetin Nərimanovda yerləşən tədris binasında 5 otaq, Yüksək Texnologiyalar və İnnovativ Mühəndislik Məktəbinin tədris binasında 2 otaq, qtisadiyyat Nazirliyinin Balaxanı Sənaye Parkında hər biri 288 kv.m olmaqla 2 istehsalat sahəsi (ofislərlə birgə), universitetin Bakı-Sumqayıt şossesində yerləşən 4 hektarlıq ərazidə tələbələrin və akademik heyətinin birgə çalışa və qala biləcəkləri kiçik istehsalat ərazisi və 2018-2019-cu il tədris ilində istifadəyə verilən yeni tədris binasında  150 kv.m-lik biznes İnkubator mərkəzi və 600 kv.m-lik mexatronika, robotexnika, mexanika laboratoriya otaqları ayrılmışdır.

Kitabxana[redaktə | mənbəni redaktə et]

Hazırda Universitetin kitabxanası 60.000-dən çox ədəbiyyat, 500-dən çox mikroforma və informasiyanın başqa mənbələri ilə ölkədə ən zəngin kitabxanalardan biridir. Kitabxana Fondunda ingilis dilində 16 000-dən çox ən müasir ədəbiyyat mövcuddur.

Qərbi Kaspi Universiteti Azərbaycanda BMT Kitabxanasının fəaliyyət göstərdiyi ilk və yeganə universitetdir.

2016-ildə qurulmuş BMT kitabxanasının beynəlxalq təşkilatların müxtəlif nəşrləri ilə zənginləşdirilməsi prosesini ötən dövr ərzində davam etdirilib. Təhsil müəssisəsində BMT-nin Ümumdünya Turizm Təşkilatının Depozitariya Kitabxanası yaradılıb. Bununla da, Qərbi Kaspi Universiteti Azərbaycanda bu kitabxana proqramına daxil edilmiş ilk və yeganə ali təhsil ocağı olub.

Tur Heyerdal Muzeyi[redaktə | mənbəni redaktə et]

Mərkəz 2014-cü il 12–20 may tarixlərində keçirilən Tur Heyerdal Film Festivalı həstəfində rəsmi olaraq açılıb. Bu onun 100 illik yubileyini anılmasına həsr edilmişdi. Qərbi Kaspi Universitetinin əsas binasının ikinci mərkəzində yerləşən mərkəz onun fəaliyyəti ilə bağlı olan arxiv materiallarından ibarətdir.

Tam orta məktəb[redaktə | mənbəni redaktə et]

2003-cü tədris ilində fəaliyyətə başlayıb.

İnstitutlar[redaktə | mənbəni redaktə et]

  • Davamlı İnsan İnkişafı İnstitutu
  • Dağ Mədəniyyətləri və Landşaftları Tədqiqat İnstitutu

Beynəlxalq əlaqələri[redaktə | mənbəni redaktə et]

Qərbi Kaspi Universiteti Böyük Britaniyanın "Koventri" və bu ölkənin Sinqapurda yerləşən "London Biznes və Maliyyə Məktəbi" və İsveçrənin UBİS Universitetləri ilə ikili diplom layihələrini həyata keçirir.

Universitetin beynəlxalq fəaliyyətinə birgə və ya ikitərəfli əməkdaşlıq sahəsində bakalavr və magistr kursları, müqavilələrin artikulyasiyası və inkişafı, Erasmus+, Mövlanə və bir sıra digər tələbə mübadilə proqramları daxildir.

Tələbələr üçün[redaktə | mənbəni redaktə et]

Tələbə İcması Şurası[redaktə | mənbəni redaktə et]

Tələbə İcmasının yaradılması haqqında 2021/2022-ci tədris ilində Universitet rəhbərliyi tərəfindən qərar verilmişdir. İcmanın yaradılmasında əsas məqsəd, tələbələrin ictimai həyatının səmərəli təşkil edilməsi, onların şəxsi və praktiki inkişafları üçün müxtəlif təlim, seminar, tədbir və proqramların təşkilidir. Universitet daxilində fəaliyyət göstərən bütün klub və tələbə təşkilatları birbaşa İcmanın tabeliyində səmərəli fəaliyyət göstərməkdədir. İcma tərkibi - , Sədr, sədr müavini, katib və fakültə nümayəndələri, tələbə dəstək mərkəzindən məsul şəxs, idman məsələləri üzrə nümayəndə və tədbirlərin təşkili və nəzarəti bölməsindən məsul şəxslər olaraq bölünmüşdür

Tələbə Gənclər Təşkilatı[redaktə | mənbəni redaktə et]

Tələbə Gənclər Təşkilatı (TGT) universitetdə demokratik tələbə özünüidarəetmə sisteminin effektiv fəaliyyət göstərməsi, universitet rektoru və tələbələr arasında sıx əlaqə yaratmaq baxımından olduqca effektiv qurum kimi sınaqdan çıxıb.

Xaricə keçidlər[redaktə | mənbəni redaktə et]

İstinadlar[redaktə | mənbəni redaktə et]

  1. "Universitet rəhbərliyi". 2017-08-25 tarixində orijinalından arxivləşdirilib. İstifadə tarixi: 2017-08-26.
  2. AZƏRBAYCANDA UNİVERSİTET ADINI DƏYİŞDİ: QƏRBİ KASPİ UNİVERSİTETİ OLDU[ölü keçid]. sherg.az, 06.11.2017  (az.)