Hacıbaba Əzimov

Vikipediya, azad ensiklopediya
Jump to navigation Jump to search
Hacıbaba Əzimov
Hacıbaba Əzimov.jpg
Doğum tarixi 1 avqust 1938(1938-08-01) (82 yaş)
Doğum yeri
Təhsili

Əzimov Hacıbaba Sadıq oğlu (1 avqust 1938(1938-08-01), Lənkəran) — Azərbaycan tarixşünası, ictimai-siyasi xadimi, tarix elmləri doktoru (1981), professor (1982), Azərbaycan Respublikasının xalq deputatı (1990); Azərbaycan Respublikası Milli Məclisinin üzvü (1991 - 1995), Vahid Azərbaycan Milli Birlik Partiyasının sədri (1992-ci ildən indiyədək).

Həyatı[redaktə | əsas redaktə]

1938-ci il avqustun 1-də Lənkəran şəhərində anadan olmuşdur.

Təhsili[redaktə | əsas redaktə]

1955-ci ildə Lənkəran şəhər 3 saylı orta məktəbini bitirmişdir. 1960-cı ildə  Azərbaycan Dövlət Universitetinin ( BDU) tarix fakültəsini, 1966-cı ildə Azərbaycan Elmlər Akademiyasının Tarix İnstitunun aspiranturasını bitirmişdir. 

Əmək və ictimai-siyasi fəaliyyəti[redaktə | əsas redaktə]

  • 1960 - 1961-ci illərdə Azərbaycan SSR Nazirlər Soveti yanında Baş Arxivlər İdarəsinin baş elmi işçisi - baş inspektoru vəzifəsində işləmişdir.
  • 1961 - 1963-cu illərdə Azərbaycan EA Tarix İnstitunun elmi işçisi və 1963-1966-cı illərdə aspirantı olmuşdur.
  • 1966-cı ildə tarix elmləri namizədi elmi adını almışdır.
  • 1966-1970-ci illərdə Azərbaycan EA Tarix İnstitutunda elmi işçi vəzifəsində çalışmışdır.
  • 1970 - 1984-cü illərdə Azərbaycan Dövlət Pedaqoji İnstitunun (APİ) baş müəllimi, baş elmi işçisi-doktorantı (1974-1976), dosenti (1976 - 1981) olmuşdur.
  • 1981-ci ildə tarix elmləri doktoru, 1982-ci ildə tarix elmləri üzrə professor elmi adları almışdır.
  • 1982-1991-ci illərdə Azərbaycan Pedaqoji İnstitutunun (indiki ADPU) Siyasi Tarix Kafedrasının professoru (1982-1984) və Siyasi Tarix Kafedrasının müdiri - professoru (1985-1991) vəzifələrində işləmişdir.
  • 1991-1992-ci illərdə Bakı Dövlət Universitetinin Lənkəran Filialının təşkilatçısı və direktoru (sentyabr 1991 - iyul 1992) olmuşdur.
  • 1992-1997-ci illərdə Lənkəran Dövlət Universitetinin qurucusu və ilk rektoru (iyul 1992 - iyul 1997) olmuşdur.
  • 1990-cı ildə Azərbaycan Respublikasının xalq deputatı seçilmişdir.
  • 1991-ci il martın 7-də Ali Sovetdə 350 deputat arasından SSRİ-nin saxlanması ilə bağlı Azərbaycanda referendum keçirilməsinin əlehinə, Azərbaycanın müstəqilliyinə səs vermiş cəmi 43 nəfər deputatdan biri olmuş, həmin deputatlarla birlikdə cəmiyyətdə "istiqlalçı deputat" olaraq tanınmışdır.
  • 1991-ci il oktyabrın 18-də Ali Sovetin qəbul etdiyi Azərbaycan Respublikasının dövlət müstəqilliyi haqqında Konstitusiya Aktını hazırlayan komissiyanın sədri, Konstitusiya Aktının əsas müəllifi və Ali Sovetin müzakirəsinə təqdimatçısı olmuşdur. Məhz bu Aktın qəbul edilməsindən sonra bütün dünya dövlətləri ilk dəfə olaraq Azərbaycan Respublikasını müstəqil dövlət, beynəlxalq hüququn subyekti kimi tanımış, Azərbaycan BMT-nin bərabər hüquqlu üzvü seçilmişdir.
  • 1991-1995-ci illərdə 51 nəfərdən ibarət seçilmiş və daimi fəaliyyət göstərən ilk Azərbaycan parlamentinin - Milli Məclisin deputatı olmuşdur.
  • 1992-ci ilin iyun ayında xarici düşmən dairələrin fitvası ilə ölkədə qızışdırılan etnik separatçılıq meyllərinin qarşısını almaq məqsədilə yaradılan Vahid Azərbaycan Milli Birlik Partiyasının təşkilat komitəsinin sədri, 1992-ci ilin noyabr ayında keçirilən qurultayda təsis olunan Vahid Azərbaycan Milli Birlik Partiyasının sədri seçilmişdir.
  • 1993-cü ilin yanvar ayında dövlət qeydiyyatına alınan Vahid Azərbaycan Milli Birlik Partiyasının sədri olaraq indiyədək ölkənin ərazi bütövlüyünün və xalqın milli birliyinin qorunması və möhkəmlənməsi naminə siyasi fəaliyyət göstərir.

Karyerası[redaktə | əsas redaktə]

İctimai-siyasi fəaliyyəti[redaktə | əsas redaktə]

Parlamentdə[redaktə | əsas redaktə]

1990-1995[redaktə | əsas redaktə]

26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir[1].

İstinadlar[redaktə | əsas redaktə]

Xarici keçidlər[redaktə | əsas redaktə]